Sher on Maikada
Tavern is a place in
Urdu poetry which has emerged as a powerful symbol. This is the place where the pious ones meet the profane ones and shy away from each other. A tavern is also an institution with its own constituents like the cup bearer, the preacher, and the mosque etc. This selection of verses on tavern will bring you to a different world where you will meet with a diverse set of characters and situations.
ye mai-ḳhāna hai bazm-e-jam nahīñ hai
yahāñ koī kisī se kam nahīñ hai
ye mai-KHana hai bazm-e-jam nahin hai
yahan koi kisi se kam nahin hai
pyaar hī pyaar hai sab log barābar haiñ yahāñ
mai-kade meñ koī chhoTā na baḌā jaam uThā
pyar hi pyar hai sab log barabar hain yahan
mai-kade mein koi chhoTa na baDa jam uTha
hosh aane kā thā jo ḳhauf mujhe
mai-kade se na umr bhar niklā
hosh aane ka tha jo KHauf mujhe
mai-kade se na umr bhar nikla
zindagī naam isī mauj-e-mai-e-nāb kā hai
mai-kade se jo uThe dār-o-rasan tak pahuñche
zindagi nam isi mauj-e-mai-e-nab ka hai
mai-kade se jo uThe dar-o-rasan tak pahunche
-
Tag : Zindagi
vaa.iz o mohtasib kā jamghaT hai
mai-kada ab to mai-kada na rahā
waiz o mohtasib ka jamghaT hai
mai-kada ab to mai-kada na raha
-
Tag : Waiz
na tum hosh meñ ho na ham hosh meñ haiñ
chalo mai-kade meñ vahīñ baat hogī
neither are you in your senses nor am I in mine
let us now go to the tavern and talk while we have wine
na tum hosh mein ho na hum hosh mein hain
chalo mai-kade mein wahin baat hogi
neither are you in your senses nor am I in mine
let us now go to the tavern and talk while we have wine
-
Tag : Nasha
chashm-e-sāqī mujhe har gaam pe yaad aatī hai
rāstā bhuul na jā.ūñ kahīñ maiḳhāne kā
chashm-e-saqi mujhe har gam pe yaad aati hai
rasta bhul na jaun kahin maiKHane ka
sarak kar aa ga.iiñ zulfeñ jo in maḳhmūr āñkhoñ tak
maiñ ye samjhā ki mai-ḳhāne pe badlī chhā.ī jaatī hai
sarak kar aa gain zulfen jo in maKHmur aankhon tak
main ye samjha ki mai-KHane pe badli chhai jati hai
masjid meñ bulāte haiñ hameñ zāhid-e-nā-fahm
hotā kuchh agar hosh to mai-ḳhāne na jaate
masjid mein bulate hain hamein zahid-e-na-fahm
hota kuchh agar hosh to mai-KHane na jate
aḳhīr vaqt hai kis muñh se jā.ūñ masjid ko
tamām umr to guzrī sharāb-ḳhāne meñ
aKHir waqt hai kis munh se jaun masjid ko
tamam umr to guzri sharab-KHane mein
bahār aate hī Takrāne lage kyuuñ sāġhar o miinā
batā ai pīr-e-mai-ḳhāna ye mai-ḳhānoñ pe kyā guzrī
bahaar aate hi Takrane lage kyun saghar o mina
bata ai pir-e-mai-KHana ye mai-KHanon pe kya guzri
mai-ḳhāne kī samt na dekho
jaane kaun nazar aa jaa.e
mai-KHane ki samt na dekho
jaane kaun nazar aa jae
'zauq' jo madrase ke bigḌe hue haiñ mullā
un ko mai-ḳhāne meñ le aao sañvar jā.eñge
'zauq' jo madrase ke bigDe hue hain mulla
un ko mai-KHane mein le aao sanwar jaenge
-
Tag : Waiz
mai-kade kī taraf chalā zāhid
sub.h kā bhūlā shaam ghar aayā
the priest now proceeds towards the tavern's door
to the true path returns he who strayed before
mai-kade ki taraf chala zahid
subh ka bhula sham ghar aaya
the priest now proceeds towards the tavern's door
to the true path returns he who strayed before
ek aisī bhī tajallī aaj mai-ḳhāne meñ hai
lutf piine meñ nahīñ hai balki kho jaane meñ hai
ek aisi bhi tajalli aaj mai-KHane mein hai
lutf pine mein nahin hai balki kho jaane mein hai
kabhī to dair-o-haram se tū aa.egā vāpas
maiñ mai-kade meñ tirā intizār kar lūñgā
kabhi to dair-o-haram se tu aaega wapas
main mai-kade mein tera intizar kar lunga
-
Tags : Dair-o-Haramand 1 more
duur se aa.e the saaqī sun ke mai-ḳhāne ko ham
bas taraste hī chale afsos paimāne ko ham
dur se aae the saqi sun ke mai-KHane ko hum
bas taraste hi chale afsos paimane ko hum
mai-kade ko jā ke dekh aa.uuñ ye hasrat dil meñ hai
zāhid us miTTī kī ulfat merī āb-o-gil meñ hai
mai-kade ko ja ke dekh aaun ye hasrat dil mein hai
zahid us miTTi ki ulfat meri aab-o-gil mein hai
kahāñ mai-ḳhāne kā darvāza 'ġhālib' aur kahāñ vaa.iz
par itnā jānte haiñ kal vo jaatā thā ki ham nikle
Wherefrom the 'saintly' priest, and where the tavern's door
But as I entered he was leaving, this much I do know
kahan mai-KHane ka darwaza 'ghaalib' aur kahan waiz
par itna jaante hain kal wo jata tha ki hum nikle
Wherefrom the 'saintly' priest, and where the tavern's door
But as I entered he was leaving, this much I do know
tauba khaḌī hai dar pe jo fariyād ke liye
ye mai-kada bhī kyā kisī qaazī kā ghar huā
tauba khaDi hai dar pe jo fariyaad ke liye
ye mai-kada bhi kya kisi qazi ka ghar hua
ai 'mus.hafī' ab chakhiyo mazā zohd kā tum ne
mai-ḳhāne meñ jā jā ke bahut pī haiñ sharābeñ
ai 'mushafi' ab chakhiyo maza zohd ka tum ne
mai-KHane mein ja ja ke bahut pi hain sharaben
riñd jo zarf uThā leñ vahī sāġhar ban jaa.e
jis jagah baiTh ke pī leñ vahī mai-ḳhāna bane
rind jo zarf uTha len wahi saghar ban jae
jis jagah baiTh ke pi len wahi mai-KHana bane
-
Tag : Rind
jā sake na masjid tak jam.a the bahut zāhid
mai-kade meñ aa baiThe jab na rāstā paayā
ja sake na masjid tak jama the bahut zahid
mai-kade mein aa baiThe jab na rasta paya
mai-kada hai shaiḳh sāhab ye koī masjid nahīñ
aap shāyad aa.e haiñ rindoñ ke bahkā.e hue
mai-kada hai shaiKH sahab ye koi masjid nahin
aap shayad aae hain rindon ke bahkae hue
ye kah do hazrat-e-nāseh se gar samjhāne aa.e haiñ
ki ham dair o haram hote hue mai-ḳhāne aa.e haiñ
tell this to the priest if he has come to preach
I first went to the mosque, then did the tavern reach
ye kah do hazrat-e-naseh se gar samjhane aae hain
ki hum dair o haram hote hue mai-KHane aae hain
tell this to the priest if he has come to preach
I first went to the mosque, then did the tavern reach
duḳht-e-raz aur tū kahāñ miltī
khīñch laa.e sharāb-ḳhāne se
duKHt-e-raz aur tu kahan milti
khinch lae sharab-KHane se
jaan merī mai o sāġhar meñ paḌī rahtī hai
maiñ nikal kar bhī nikaltā nahīñ mai-ḳhāne se
jaan meri mai o saghar mein paDi rahti hai
main nikal kar bhi nikalta nahin mai-KHane se
din raat mai-kade meñ guzartī thī zindagī
'aḳhtar' vo be-ḳhudī ke zamāne kidhar ga.e
din raat mai-kade mein guzarti thi zindagi
'aKHtar' wo be-KHudi ke zamane kidhar gae
-
Tags : Bekhudiand 1 more
koī samjhā.e ki kyā rañg hai maiḳhāne kā
aañkh saaqī kī uThe naam ho paimāne kā
koi samjhae ki kya rang hai maiKHane ka
aankh saqi ki uThe nam ho paimane ka
mai-ḳhāne meñ mazār hamārā agar banā
duniyā yahī kahegī ki jannat meñ ghar banā
mai-KHane mein mazar hamara agar bana
duniya yahi kahegi ki jannat mein ghar bana
mai-kada jal rahā hai tere baġhair
dil meñ chhāle haiñ ābgīne ke
mai-kada jal raha hai tere baghair
dil mein chhaale hain aabgine ke
ḳhudā kare kahīñ mai-ḳhāne kī taraf na muḌe
vo mohtasib kī savārī fareb-e-rāh rukī
KHuda kare kahin mai-KHane ki taraf na muDe
wo mohtasib ki sawari fareb-e-rah ruki
ruuh kis mast kī pyāsī ga.ī mai-ḳhāne se
mai uḌī jaatī hai saaqī tire paimāne se
ruh kis mast ki pyasi gai mai-KHane se
mai uDi jati hai saqi tere paimane se
mai-ḳhāna salāmat hai to ham surḳhī-e-mai se
taz.īn-e-dar-o-bām-e-haram karte raheñge
mai-KHana salamat hai to hum surKHi-e-mai se
tazin-e-dar-o-baam-e-haram karte rahenge
jab mai-kada chhuTā to phir ab kyā jagah kī qaid
masjid ho madrasa ho koī ḳhānqāh ho
when the tavern is no more, why bans should elsewhere be?
be it mosque, madrasaa or else maybe monastery
jab mai-kada chhuTa to phir ab kya jagah ki qaid
masjid ho madrasa ho koi KHanqah ho
when the tavern is no more, why bans should elsewhere be?
be it mosque, madrasaa or else maybe monastery
mai-kade meñ nashsha kī ainak dikhātī hai mujhe
āsmāñ mast o zamīñ mast o dar-o-dīvār mast
mai-kade mein nashsha ki ainak dikhati hai mujhe
aasman mast o zamin mast o dar-o-diwar mast
terī masjid meñ vaa.iz ḳhaas haiñ auqāt rahmat ke
hamāre mai-kade meñ raat din rahmat barastī hai
teri masjid mein waiz KHas hain auqat rahmat ke
hamare mai-kade mein raat din rahmat barasti hai
maiñ mai-kade kī raah se ho kar nikal gayā
varna safar hayāt kā kaafī tavīl thā
main mai-kade ki rah se ho kar nikal gaya
warna safar hayat ka kafi tawil tha
-
Tag : Famous shayari
koī din aage bhī zāhid ajab zamāna thā
har ik mohalle kī masjid sharāb-ḳhāna thā
koi din aage bhi zahid ajab zamana tha
har ek mohalle ki masjid sharab-KHana tha
mai-ḳhāne meñ kyuuñ yād-e-ḳhudā hotī hai aksar
masjid meñ to zikr-e-mai-o-mīnā nahīñ hotā
mai-KHane mein kyun yaad-e-KHuda hoti hai aksar
masjid mein to zikr-e-mai-o-mina nahin hota
-
Tags : Dair-o-Haramand 2 more
mai-kada hai yahāñ sukūñ se baiTh
koī aafat idhar nahīñ aatī
mai-kada hai yahan sukun se baiTh
koi aafat idhar nahin aati
chhoḌ kar kūcha-e-mai-ḳhāna taraf masjid ke
maiñ to dīvāna nahīñ huuñ jo chalūñ hosh kī raah
chhoD kar kucha-e-mai-KHana taraf masjid ke
main to diwana nahin hun jo chalun hosh ki rah
-
Tag : Bekhudi
shaiḳh us kī chashm ke goshe se goshe ho kahīñ
us taraf mat jaao nādāñ raah mai-ḳhāne kī hai
shaiKH us ki chashm ke goshe se goshe ho kahin
us taraf mat jao nadan rah mai-KHane ki hai
ab to utnī bhī mayassar nahīñ mai-ḳhāne meñ
jitnī ham chhoḌ diyā karte the paimāne meñ
the tavern does not even give that much wine to me
that I was wont to waste in the goblet casually
ab to utni bhi mayassar nahin mai-KHane mein
jitni hum chhoD diya karte the paimane mein
the tavern does not even give that much wine to me
that I was wont to waste in the goblet casually
-
Tags : Pyasand 1 more
aa.e the hañste khelte mai-ḳhāne meñ 'firāq'
jab pī chuke sharāb to sanjīda ho ga.e
we came to the tavern all gay and frolicsome
now having drunk the wine, somber have become
aae the hanste khelte mai-KHane mein 'firaq'
jab pi chuke sharab to sanjida ho gae
we came to the tavern all gay and frolicsome
now having drunk the wine, somber have become
-
Tag : Sharab
guzre haiñ mai-kade se jo tauba ke ba.ad ham
kuchh duur ādatan bhī qadam Dagmagā.e haiñ
guzre hain mai-kade se jo tauba ke baad hum
kuchh dur aadatan bhi qadam Dagmagae hain
-
Tag : Tauba
