dil ko samjhaa.o zaraa ishq me.n kyaa rakkhaa hai kis liye aap ko diivaana banaa rakkhaa hai ye to ma.aluum hai biimaar me.n kyaa rakkhaa hai tere milne kii tamannaa ne jilaa rakkhaa hai kaun saa baada-kash aisaa hai ki jis kii KHaatir jaam pahle hii se saaqii ne uThaa rakkhaa hai apne hii haal me.n rahne de mujhe ai hamdam terii baato.n ne miraa dhyaan baTaa rakkhaa hai aatish-e-ishq se allaah bachaa.e sab ko isii sho.ale ne zamaane ko jalaa rakkhaa hai mai.n ne zulfo.n ko chhu.aa ho to Dase.n naag mujhe be-KHataa aap ne ilzaam lagaa rakkhaa hai kaise bhuule hu.e hai.n gabr o musalmaa.n dono.n dair me.n but hai na ka.abe me.n KHudaa rakkhaa hai

vahii shaagird phir ho jaate hai.n ustaad ai 'jauhar' jo apne jaan-o-dil se KHidmat-e-ustaad karte hai.n

dost dil rakhne ko karte hai.n bahaane kyaa kyaa roz jhuuTii KHabar-e-vasl sunaa jaate hai.n