Today's top 5 Urdu Shayari

vo dil bhī jalāte haiñ rakh dete haiñ marham bhī

kyā turfa tabī.at hai shola bhī haiñ shabnam bhī

wo dil bhi jalate hain rakh dete hain marham bhi

kya turfa tabiat hai shola bhi hain shabnam bhi

aapas kī guftugū meñ bhī kaTne lagī zabāñ

ab dostoñ se tark-e-mulāqāt chāhiye

aapas ki guftugu mein bhi kaTne lagi zaban

ab doston se tark-e-mulaqat chahiye

hameñ miT ke bhī ye hasrat ki bhaTakte us galī meñ

vo haiñ kaise log yā rab jo qayām chāhte haiñ

hamein miT ke bhi ye hasrat ki bhaTakte us gali mein

wo hain kaise log ya rab jo qayam chahte hain

tark-e-ta.alluqāt pe royā na tū na maiñ

lekin ye kyā ki chain se soyā na tū na maiñ

tark-e-talluqat pe roya na tu na main

lekin ye kya ki chain se soya na tu na main

chuum kar aayā hai ye dast-e-hinā.ī aap kā

kyuuñ na rakkhūñ maiñ kaleje se lagā kar tiir ko

chum kar aaya hai ye dast-e-hinai aap ka

kyun na rakkhun main kaleje se laga kar tir ko