dekh kya teri judai mein hai haalat meri
dekh kyā terī judā.ī meñ hai hālat merī
koī pahchān nahīñ saktā hai sūrat merī
maiñ tire husn kā ḳhalvat meñ tamāshā.ī huuñ
ā.īna siikh na jaa.e kahīñ hairat merī
aap ne qatl kiyā ḳhair gila mujh ko nahīñ
apne kūche meñ to banvā.iye turbat merī
ḳhatt-e-peshānī meñ saffāk azal ke din se
terī talvār se likkhī hai shahādat merī
de ke ik bosa ajab naaz se dilbar ne kahā
ai 'shabāb' aaj ye tujh par hai ināyat merī
dekh kya teri judai mein hai haalat meri
koi pahchan nahin sakta hai surat meri
main tere husn ka KHalwat mein tamashai hun
aaina sikh na jae kahin hairat meri
aap ne qatl kiya KHair gila mujh ko nahin
apne kuche mein to banwaiye turbat meri
KHatt-e-peshani mein saffak azal ke din se
teri talwar se likkhi hai shahadat meri
de ke ek bosa ajab naz se dilbar ne kaha
ai 'shabab' aaj ye tujh par hai inayat meri
- Deewan-e-Shabab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
