agar ai nāḳhudā tūfān se laḌne kā dam-ḳham hai

idhar kashtī na le aanā yahāñ paanī bahut kam hai

agar ai naKHuda tufan se laDne ka dam-KHam hai

idhar kashti na le aana yahan pani bahut kam hai

agar maujeñ Dubo detīñ to kuchh taskīn ho jaatī

kināroñ ne Duboyā hai mujhe is baat kā ġham hai

agar maujen Dubo detin to kuchh taskin ho jati

kinaron ne Duboya hai mujhe is baat ka gham hai

bahut āsān hai do ghūñT pī lenā to ai 'rāhī'

baḌī mushkil se aate haiñ magar ādāb-e-mai-ḳhāna

bahut aasan hai do ghunT pi lena to ai 'rahi'

baDi mushkil se aate hain magar aadab-e-mai-KHana

is daur-e-taraqqī ke andāz nirāle haiñ

zehnoñ meñ añdhere haiñ saḌkoñ pe ujāle haiñ

is daur-e-taraqqi ke andaz nirale hain

zehnon mein andhere hain saDkon pe ujale hain

vaqār-e-ḳhūn-e-shahīdān-e-karbalā kī qasam

yazīd morcha jiitā hai jañg haarā hai

waqar-e-KHun-e-shahidan-e-karbala ki qasam

yazid morcha jita hai jang haara hai