Sher on Nasha

chale to paañv ke nīche kuchal ga.ī koī shai

nashe kī jhoñk meñ dekhā nahīñ ki duniyā hai

chale to panw ke niche kuchal gai koi shai

nashe ki jhonk mein dekha nahin ki duniya hai

itnī pī jaa.e ki miT jaa.e maiñ aur tū kī tamīz

yaanī ye hosh kī dīvār girā dī jaa.e

itni pi jae ki miT jae main aur tu ki tamiz

yani ye hosh ki diwar gira di jae

na tum hosh meñ ho na ham hosh meñ haiñ

chalo mai-kade meñ vahīñ baat hogī

na tum hosh mein ho na hum hosh mein hain

chalo mai-kade mein wahin baat hogi

tark-e-mai hī samajh ise nāseh

itnī pī hai ki pī nahīñ jaatī

tark-e-mai hi samajh ise naseh

itni pi hai ki pi nahin jati

ham intizār kareñ ham ko itnī taab nahīñ

pilā do tum hameñ paanī agar sharāb nahīñ

hum intizar karen hum ko itni tab nahin

pila do tum hamein pani agar sharab nahin

log kahte haiñ raat biit chukī

mujh ko samjhāo! maiñ sharābī huuñ

log kahte hain raat bit chuki

mujh ko samjhao! main sharabi hun

ḳhushk bātoñ meñ kahāñ hai shaiḳh kaif-e-zindagī

vo to pī kar hī milegā jo mazā piine meñ hai

KHushk baaton mein kahan hai shaiKH kaif-e-zindagi

wo to pi kar hi milega jo maza pine mein hai

ai gardisho tumheñ zarā tāḳhīr ho ga.ī

ab merā intizār karo maiñ nashe meñ huuñ

ai gardisho tumhein zara taKHir ho gai

ab mera intizar karo main nashe mein hun

aalam se be-ḳhabar bhī huuñ aalam meñ bhī huuñ maiñ

saaqī ne is maqām ko āsāñ banā diyā

aalam se be-KHabar bhi hun aalam mein bhi hun main

saqi ne is maqam ko aasan bana diya

mirī sharāb kī tauba pe jā na ai vaa.iz

nashe kī baat nahīñ e'tibār ke qābil

meri sharab ki tauba pe ja na ai waiz

nashe ki baat nahin e'tibar ke qabil

ye vāqi.a mirī āñkhoñ ke sāmne kā hai

sharāb naach rahī thī gilās baiThe rahe

ye waqia meri aankhon ke samne ka hai

sharab nach rahi thi gilas baiThe rahe

yahāñ koī na jī sakā na jī sakegā hosh meñ

miTā de naam hosh kā sharāb lā sharāb lā

yahan koi na ji saka na ji sakega hosh mein

miTa de nam hosh ka sharab la sharab la

nashsha thā zindagī kā sharāboñ se tez-tar

ham gir paḌe to maut uThā le ga.ī hameñ

nashsha tha zindagi ka sharabon se tez-tar

hum gir paDe to maut uTha le gai hamein

itnī pī hai ki ba.ad-e-tauba bhī

be-piye be-ḳhudī sī rahtī hai

itni pi hai ki baad-e-tauba bhi

be-piye be-KHudi si rahti hai

nāseh ḳhatā muaaf suneñ kyā bahār meñ

ham iḳhtiyār meñ haiñ na dil iḳhtiyār meñ

naseh KHata muaf sunen kya bahaar mein

hum iKHtiyar mein hain na dil iKHtiyar mein

āñkhoñ ko dekhte hī bole

bin piye koī mad.hosh aayā

aankhon ko dekhte hi bole

bin piye koi madhosh aaya

ab maiñ hudūd-e-hosh-o-ḳhirad se guzar gayā

Thukrāo chāhe pyaar karo maiñ nashe meñ huuñ

ab main hudud-e-hosh-o-KHirad se guzar gaya

Thukrao chahe pyar karo main nashe mein hun

mai-ḳhāna-e-europe ke dastūr nirāle haiñ

laate haiñ surūr avval dete haiñ sharāb āḳhir

mai-KHana-e-europe ke dastur nirale hain

late hain surur awwal dete hain sharab aaKHir

nasha TuuTā nahīñ hai maar khā kar

ki ham ne pī hai kam khaa.ī bahut hai

nasha TuTa nahin hai mar kha kar

ki hum ne pi hai kam khai bahut hai

tā-marg mujh se tark na hogī kabhī namāz

par nashsha-e-sharāb ne majbūr kar diyā

ta-marg mujh se tark na hogi kabhi namaz

par nashsha-e-sharab ne majbur kar diya

ye vaa.iz kaisī bahkī bahkī bāteñ ham se karte haiñ

kahīñ chaḌh kar sharāb-e-ishq ke nashshe utarte haiñ

ye waiz kaisi bahki bahki baaten hum se karte hain

kahin chaDh kar sharab-e-ishq ke nashshe utarte hain

mai-kade meñ nashsha kī ainak dikhātī hai mujhe

āsmāñ mast o zamīñ mast o dar-o-dīvār mast

mai-kade mein nashsha ki ainak dikhati hai mujhe

aasman mast o zamin mast o dar-o-diwar mast

nashshe meñ sūjhtī hai mujhe duur duur kī

naddī vo sāmne hai sharāb-e-tuhūr kī

nashshe mein sujhti hai mujhe dur dur ki

naddi wo samne hai sharab-e-tuhur ki