Sher on Duniya

ye kā.enāt mire sāmne hai misl-e-bisāt

kahīñ junūñ meñ ulaT duuñ na is jahān ko maiñ

ye kaenat mere samne hai misl-e-bisat

kahin junun mein ulaT dun na is jahan ko main

ik nazar kā fasāna hai duniyā

sau kahānī hai ik kahānī se

ek nazar ka fasana hai duniya

sau kahani hai ek kahani se

kar hī kyā saktī hai duniyā aur tujh ko dekh kar

dekhtī jā.egī aur hairān hotī jā.egī

kar hi kya sakti hai duniya aur tujh ko dekh kar

dekhti jaegi aur hairan hoti jaegi

jis kī havas ke vāste duniyā huī aziiz

vāpas hue to us kī mohabbat ḳhafā milī

jis ki hawas ke waste duniya hui aziz

wapas hue to us ki mohabbat KHafa mili

kar hī kyā saktī hai duniyā aur tujh ko dekh kar

dekhtī jā.egī aur hairān hotī jā.egī

kar hi kya sakti hai duniya aur tujh ko dekh kar

dekhti jaegi aur hairan hoti jaegi

zamāne kī kashākash kā diyā paiham pata mujh ko

kahīñ TuuTe hue dil ne kahīñ TuuTe hue sar ne

zamane ki kashakash ka diya paiham pata mujh ko

kahin TuTe hue dil ne kahin TuTe hue sar ne

bhuul shāyad bahut baḌī kar lī

dil ne duniyā se dostī kar lī

bhul shayad bahut baDi kar li

dil ne duniya se dosti kar li

koī din aur ġham-e-hijr meñ shādāñ ho leñ

abhī kuchh din meñ samajh jā.eñge duniyā kyā hai

koi din aur gham-e-hijr mein shadan ho len

abhi kuchh din mein samajh jaenge duniya kya hai

ye duniyā hai yahāñ aslī kahānī pusht par rakhnā

laboñ par pyaas rakhnā aur paanī pusht par rakhnā

ye duniya hai yahan asli kahani pusht par rakhna

labon par pyas rakhna aur pani pusht par rakhna

ġham-e-zamāna ne majbūr kar diyā varna

ye aarzū thī ki bas terī aarzū karte

gham-e-zamana ne majbur kar diya warna

ye aarzu thi ki bas teri aarzu karte

kaf-e-afsos malne se bhalā ab fā.eda kyā hai

dil-e-rāhat-talab kyuuñ ham na kahte the ye duniyā hai

kaf-e-afsos malne se bhala ab faeda kya hai

dil-e-rahat-talab kyun hum na kahte the ye duniya hai

duniyā badal rahī hai zamāne ke saath saath

ab roz roz dekhne vaalā kahāñ se laa.eñ

duniya badal rahi hai zamane ke sath sath

ab roz roz dekhne wala kahan se laen

gañvā dī umr jis ko jītne meñ

vo duniyā merī jaañ terī na merī

ganwa di umr jis ko jitne mein

wo duniya meri jaan teri na meri

phir se ḳhudā banā.egā koī nayā jahāñ

duniyā ko yuuñ miTā.egī ikkīsvīñ sadī

phir se KHuda banaega koi naya jahan

duniya ko yun miTaegi ikkiswin sadi

duniyā kī kyā chaah kareñ

duniyā ānī-jānī hai

duniya ki kya chah karen

duniya aani-jaani hai

laa.ī hai kahāñ mujh ko tabī.at kī do-rañgī

duniyā kā talabgār bhī duniyā se ḳhafā bhī

lai hai kahan mujh ko tabiat ki do-rangi

duniya ka talabgar bhi duniya se KHafa bhi

gaañv kī aañkh se bastī kī nazar se dekhā

ek hī rañg hai duniyā ko jidhar se dekhā

ganw ki aankh se basti ki nazar se dekha

ek hi rang hai duniya ko jidhar se dekha

qalandarī mirī pūchho ho dostān-e-junūñ

har āstāñ mirī Thokar se jaanā jaatā hai

qalandari meri puchho ho dostan-e-junun

har aastan meri Thokar se jaana jata hai

ye duniyā hai yahāñ har ābgīna TuuT jaatā hai

kahīñ chhupte phiro āḳhir zamāna DhūñDh hī legā

ye duniya hai yahan har aabgina TuT jata hai

kahin chhupte phiro aaKHir zamana DhunDh hi lega

bas ham donoñ zinda haiñ

baaqī duniyā faanī hai

bas hum donon zinda hain

baqi duniya fani hai

ham duniyā se jab tañg aayā karte haiñ

apne saath ik shaam manāyā karte haiñ

hum duniya se jab tang aaya karte hain

apne sath ek sham manaya karte hain

ik ḳhvāb kā ḳhayāl hai duniyā kaheñ jise

hai is meñ ik tilism tamannā kaheñ jise

ek KHwab ka KHayal hai duniya kahen jise

hai is mein ek tilism tamanna kahen jise

duniyā hai sambhal ke dil lagānā

yaañ log ajab ajab mileñge

duniya hai sambhal ke dil lagana

yan log ajab ajab milenge

ḳhudā jaane ye duniyā jalva-gāh-e-nāz hai kis kī

hazāroñ uTh ga.e lekin vahī raunaq hai majlis kī

KHuda jaane ye duniya jalwa-gah-e-naz hai kis ki

hazaron uTh gae lekin wahi raunaq hai majlis ki

duniyā ne zar ke vāste kyā kuchh nahīñ kiyā

aur ham ne shā.erī ke sivā kuchh nahīñ kiyā

duniya ne zar ke waste kya kuchh nahin kiya

aur hum ne shaeri ke siwa kuchh nahin kiya

duniyā bahut ḳharāb hai jā-e-guzar nahīñ

bistar uThāo rahne ke qābil ye ghar nahīñ

duniya bahut KHarab hai ja-e-guzar nahin

bistar uThao rahne ke qabil ye ghar nahin

ek maiñ huuñ ki is āshob-e-navā meñ chup huuñ

varna duniyā mire zaḳhmoñ kī zabāñ boltī hai

ek main hun ki is aashob-e-nawa mein chup hun

warna duniya mere zaKHmon ki zaban bolti hai

ham ki apnī raah kā patthar samajhte haiñ use

ham se jaane kis liye duniyā na Thukrā.ī ga.ī

hum ki apni rah ka patthar samajhte hain use

hum se jaane kis liye duniya na Thukrai gai

haath duniyā kā bhī hai dil kī ḳharābī meñ bahut

phir bhī ai dost tirī ek nazar se kam hai

hath duniya ka bhi hai dil ki KHarabi mein bahut

phir bhi ai dost teri ek nazar se kam hai

mujh pe ho kar guzar ga.ī duniyā

maiñ tirī raah se haTā hī nahīñ

mujh pe ho kar guzar gai duniya

main teri rah se haTa hi nahin

ik dard-e-mohabbat hai ki jaatā nahīñ varna

jis dard kī DhūñDe koī duniyā meñ davā hai

ek dard-e-mohabbat hai ki jata nahin warna

jis dard ki DhunDe koi duniya mein dawa hai

umīd-o-bīm ke mehvar se haT ke dekhte haiñ

zarā sī der ko duniyā se kaT ke dekhte haiñ

umid-o-bim ke mehwar se haT ke dekhte hain

zara si der ko duniya se kaT ke dekhte hain

mirī to saarī duniyā bas tumhī ho

ġhalat kyā hai jo duniyā-dār huuñ maiñ

meri to sari duniya bas tumhi ho

ghalat kya hai jo duniya-dar hun main

justujū jis kī thī us ko to na paayā ham ne

is bahāne se magar dekh lī duniyā ham ne

justuju jis ki thi us ko to na paya hum ne

is bahane se magar dekh li duniya hum ne

duniyā to hai duniyā ki vo dushman hai sadā kī

sau baar tire ishq meñ ham ḳhud se laḌe haiñ

duniya to hai duniya ki wo dushman hai sada ki

sau bar tere ishq mein hum KHud se laDe hain

duniyā kī ravish dekhī tirī zulf-e-dotā meñ

bantī hai ye mushkil se bigaḌtī hai zarā meñ

duniya ki rawish dekhi teri zulf-e-dota mein

banti hai ye mushkil se bigaDti hai zara mein

ek ḳhvāb-o-ḳhayāl hai duniyā

e'tibār-e-nazar ko kyā kahiye

ek KHwab-o-KHayal hai duniya

e'tibar-e-nazar ko kya kahiye

thoḌī sī aql laa.e the ham bhī magar 'adam'

duniyā ke hādsāt ne dīvāna kar diyā

thoDi si aql lae the hum bhi magar 'adam'

duniya ke hadsat ne diwana kar diya

badal rahe haiñ zamāne ke rañg kyā kyā dekh

nazar uThā ki ye duniyā hai dekhne ke liye

badal rahe hain zamane ke rang kya kya dekh

nazar uTha ki ye duniya hai dekhne ke liye

ham yaqīnan yahāñ nahīñ hoñge

ġhāliban zindagī rahegī abhī

hum yaqinan yahan nahin honge

ghaaliban zindagi rahegi abhi

maiñ chāhtā huuñ yahīñ saare faisle ho jaa.eñ

ki is ke ba.ad ye duniyā kahāñ se lā.ūñgā maiñ

main chahta hun yahin sare faisle ho jaen

ki is ke baad ye duniya kahan se launga main

ġham-e-duniyā bhī ġham-e-yār meñ shāmil kar lo

nashsha baḌhtā hai sharābeñ jo sharāboñ meñ mileñ

gham-e-duniya bhi gham-e-yar mein shamil kar lo

nashsha baDhta hai sharaben jo sharabon mein milen

duniyā pasand aane lagī dil ko ab bahut

samjho ki ab ye baaġh bhī murjhāne vaalā hai

duniya pasand aane lagi dil ko ab bahut

samjho ki ab ye bagh bhi murjhane wala hai

chale to paañv ke nīche kuchal ga.ī koī shai

nashe kī jhoñk meñ dekhā nahīñ ki duniyā hai

chale to panw ke niche kuchal gai koi shai

nashe ki jhonk mein dekha nahin ki duniya hai

kis ḳharābī se zindagī 'fānī'

is jahān-e-ḳharāb meñ guzrī

kis KHarabi se zindagi 'fani'

is jahan-e-KHarab mein guzri

mukammal dāstāñ kā iḳhtisār itnā hī kaafī hai

sulāyā shor-e-duniyā ne jagāyā shor-e-mahshar ne

mukammal dastan ka iKHtisar itna hi kafi hai

sulaya shor-e-duniya ne jagaya shor-e-mahshar ne

is tamāshe kā sabab varna kahāñ baaqī hai

ab bhī kuchh log haiñ zinda ki jahāñ baaqī hai

is tamashe ka sabab warna kahan baqi hai

ab bhi kuchh log hain zinda ki jahan baqi hai

duniyā meñ huuñ duniyā kā talabgār nahīñ huuñ

bāzār se guzrā huuñ ḳharīdār nahīñ huuñ

duniya mein hun duniya ka talabgar nahin hun

bazar se guzra hun KHaridar nahin hun

kuchh is ke sañvar jaane kī tadbīr nahīñ hai

duniyā hai tirī zulf-e-girah-gīr nahīñ hai

kuchh is ke sanwar jaane ki tadbir nahin hai

duniya hai teri zulf-e-girah-gir nahin hai

paañv jab simTe to raste bhī hue takiya-nashīñ

boriyā jab tah kiyā duniyā uThā kar le ga.e

panw jab simTe to raste bhi hue takiya-nashin

boriya jab tah kiya duniya uTha kar le gae