Sher on Mashwara

maiñ akelā hī chalā thā jānib-e-manzil magar

log saath aate ga.e aur kārvāñ bantā gayā

main akela hi chala tha jaanib-e-manzil magar

log sath aate gae aur karwan banta gaya

vo afsāna jise anjām tak laanā na ho mumkin

use ik ḳhūb-sūrat moḌ de kar chhoḌnā achchhā

wo afsana jise anjam tak lana na ho mumkin

use ek KHub-surat moD de kar chhoDna achchha

apne man meñ Duub kar pā jā surāġh-e-zindagī

tū agar merā nahīñ bantā na ban apnā to ban

apne man mein Dub kar pa ja suragh-e-zindagi

tu agar mera nahin banta na ban apna to ban

tire māthe pe ye āñchal bahut hī ḳhuub hai lekin

tū is āñchal se ik parcham banā letī to achchhā thā

tere mathe pe ye aanchal bahut hi KHub hai lekin

tu is aanchal se ek parcham bana leti to achchha tha

baare duniyā meñ raho ġham-zada yā shaad raho

aisā kuchh kar ke chalo yaañ ki bahut yaad raho

bare duniya mein raho gham-zada ya shad raho

aisa kuchh kar ke chalo yan ki bahut yaad raho

dushmanī laakh sahī ḳhatm na kiije rishta

dil mile yā na mile haath milāte rahiye

dushmani lakh sahi KHatm na kije rishta

dil mile ya na mile hath milate rahiye

hayāt le ke chalo kā.enāt le ke chalo

chalo to saare zamāne ko saath le ke chalo

hayat le ke chalo kaenat le ke chalo

chalo to sare zamane ko sath le ke chalo

zindagī yūñhī bahut kam hai mohabbat ke liye

ruuTh kar vaqt gañvāne kī zarūrat kyā hai

zindagi yunhi bahut kam hai mohabbat ke liye

ruTh kar waqt ganwane ki zarurat kya hai

tamannā dard-e-dil kī ho to kar ḳhidmat faqīroñ kī

nahīñ miltā ye gauhar bādshāhoñ ke ḳhazīnoñ meñ

tamanna dard-e-dil ki ho to kar KHidmat faqiron ki

nahin milta ye gauhar baadshahon ke KHazinon mein

bichhaḌne kā irāda hai to mujh se mashvara kar lo

mohabbat meñ koī bhī faisla zaatī nahīñ hotā

bichhaDne ka irada hai to mujh se mashwara kar lo

mohabbat mein koi bhi faisla zati nahin hota

vatan kī fikr kar nādāñ musībat aane vaalī hai

tirī barbādiyoñ ke mashvare haiñ āsmānoñ meñ

watan ki fikr kar nadan musibat aane wali hai

teri barbaadiyon ke mashware hain aasmanon mein

khīñcho na kamānoñ ko na talvār nikālo

jab top muqābil ho to aḳhbār nikālo

khincho na kamanon ko na talwar nikalo

jab top muqabil ho to aKHbar nikalo

saaya hai kam khajūr ke ūñche daraḳht kā

ummīd bāñdhiye na baḌe aadmī ke saath

saya hai kam khajur ke unche daraKHt ka

ummid bandhiye na baDe aadmi ke sath

kahāñ aa ke rukne the rāste kahāñ moḌ thā use bhuul jā

vo jo mil gayā use yaad rakh jo nahīñ milā use bhuul jā

kahan aa ke rukne the raste kahan moD tha use bhul ja

wo jo mil gaya use yaad rakh jo nahin mila use bhul ja

ai 'zauq' takalluf meñ hai taklīf sarāsar

ārām meñ hai vo jo takalluf nahīñ kartā

ai 'zauq' takalluf mein hai taklif sarasar

aaram mein hai wo jo takalluf nahin karta

duniyā to chāhtī hai yūñhī fāsle raheñ

duniyā ke mashvaroñ pe na jā us galī meñ chal

duniya to chahti hai yunhi fasle rahen

duniya ke mashwaron pe na ja us gali mein chal

bhañvar se laḌo tund lahroñ se uljho

kahāñ tak chaloge kināre kināre

bhanwar se laDo tund lahron se uljho

kahan tak chaloge kinare kinare

paidā vo baat kar ki tujhe ro.eñ dūsre

ronā ḳhud apne haal pe ye zaar zaar kyā

paida wo baat kar ki tujhe roen dusre

rona KHud apne haal pe ye zar zar kya

haañ samundar meñ utar lekin ubharne kī bhī soch

Dūbne se pahle gahrā.ī kā andāza lagā

han samundar mein utar lekin ubharne ki bhi soch

Dubne se pahle gahrai ka andaza laga

diloñ meñ hubb-e-vatan hai agar to ek raho

nikhārnā ye chaman hai agar to ek raho

dilon mein hubb-e-watan hai agar to ek raho

nikhaarna ye chaman hai agar to ek raho

baat kā zaḳhm hai talvār ke zaḳhmoñ se sivā

kījiye qatl magar muñh se kuchh irshād na ho

baat ka zaKHm hai talwar ke zaKHmon se siwa

kijiye qatl magar munh se kuchh irshad na ho

is se pahle ki log pahchāneñ

ḳhud ko pahchān lo to behtar hai

is se pahle ki log pahchanen

KHud ko pahchan lo to behtar hai

farāġhat se duniyā meñ har dam na baiTho

agar chāhte ho farāġhat ziyāda

faraghat se duniya mein har dam na baiTho

agar chahte ho faraghat ziyaada

kabhī bhuul kar kisī se na karo sulūk aisā

ki jo tum se koī kartā tumheñ nāgavār hotā

kabhi bhul kar kisi se na karo suluk aisa

ki jo tum se koi karta tumhein nagawar hota

ḳhudā ne nek sūrat dī to sīkho nek bāteñ bhī

bure hote ho achchhe ho ke ye kyā bad-zabānī hai

KHuda ne nek surat di to sikho nek baaten bhi

bure hote ho achchhe ho ke ye kya bad-zabani hai

itnā na apne jaame se bāhar nikal ke chal

duniyā hai chal-chalāv kā rasta sambhal ke chal

itna na apne jame se bahar nikal ke chal

duniya hai chal-chalaw ka rasta sambhal ke chal

itnī kāvish bhī na kar merī asīrī ke liye

tū kahīñ merā giraftār na samjhā jaa.e

itni kawish bhi na kar meri asiri ke liye

tu kahin mera giraftar na samjha jae

fursat-e-kār faqat chaar ghaḌī hai yaaro

ye na socho kī abhī umr paḌī hai yaaro

fursat-e-kar faqat chaar ghaDi hai yaro

ye na socho ki abhi umr paDi hai yaro

merī hī jaan ke dushman haiñ nasīhat vaale

mujh ko samjhāte haiñ un ko nahīñ samjhāte haiñ

meri hi jaan ke dushman hain nasihat wale

mujh ko samjhate hain un ko nahin samjhate hain

bad-tar hai maut se bhī ġhulāmī kī zindagī

mar jā.iyo magar ye gavārā na kījiyo

bad-tar hai maut se bhi ghulami ki zindagi

mar jaiyo magar ye gawara na kijiyo

zaḳhm jo tū ne diye tujh ko dikhā to duuñ magar

paas tere bhī nasīhat ke sivā hai aur kyā

zaKHm jo tu ne diye tujh ko dikha to dun magar

pas tere bhi nasihat ke siwa hai aur kya

mai-kasho aage baḌho tishna-labo aage baḌho

apnā haq māñgā nahīñ jaatā hai chhīnā jaa.e hai

mai-kasho aage baDho tishna-labo aage baDho

apna haq manga nahin jata hai chhina jae hai

dekh rah jaa.e na tū ḳhvāhish ke gumbad meñ asiir

ghar banātā hai to sab se pahle darvāza lagā

dekh rah jae na tu KHwahish ke gumbad mein asir

ghar banata hai to sab se pahle darwaza laga

na gird-o-pesh se is darja be-niyāz guzar

jo be-ḳhabar se haiñ sab kī ḳhabar bhī rakhte haiñ

na gird-o-pesh se is darja be-niyaz guzar

jo be-KHabar se hain sab ki KHabar bhi rakhte hain

mazra-e-duniyā meñ daanā hai to Dar kar haath Daal

ek din denā hai tujh ko daane daane kā hisāb

mazra-e-duniya mein dana hai to Dar kar hath Dal

ek din dena hai tujh ko dane dane ka hisab