Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Yaad

Lose yourself in the

magic of memories with these hand-picked yaad shayari to suit your mood. Yaad shayari is one of the most sought after topics in Urdu shayari as we need the magicians of Urdu language to give voice to our emotions.

maiñ jaatā huuñ dil ko tire paas chhoḌe

mirī yaad tujh ko dilātā rahegā

main jata hun dil ko tere pas chhoDe

meri yaad tujh ko dilata rahega

Khwaja Meer Dard

yaad meñ terī jahāñ ko bhūltā jaatā huuñ maiñ

bhūlne vaale kabhī tujh ko bhī yaad aatā huuñ maiñ

yaad mein teri jahan ko bhulta jata hun main

bhulne wale kabhi tujh ko bhi yaad aata hun main

Agha Hashr Kashmiri

na sakūñ maiñ jis ke baġhair

akasr yaad na aayā vo

ji na sakun main jis ke baghair

akasr yaad na aaya wo

Athar Nafees

dil jo TuuTā hai to phir yaad nahīñ hai koī

is ḳharābe meñ ab ābād nahīñ hai koī

dil jo TuTa hai to phir yaad nahin hai koi

is KHarabe mein ab aabaad nahin hai koi

Sarfaraz Khalid

yaad na aane va.ada kar ke

vo to pahle se sivā yaad aayā

yaad na aane ka wada kar ke

wo to pahle se siwa yaad aaya

Karamat Bukhari

baat niklegī to phir duur talak jā.egī

log be-vaj.h udāsī sabab pūchheñge

baat niklegi to phir dur talak jaegi

log be-wajh udasi ka sabab puchhenge

Kafeel Aazar Amrohvi

zindagī ho to ka.ī kaam nikal aate haiñ

yaad ā.ūñgā kabhī maiñ bhī zarūrat meñ use

zindagi ho to kai kaam nikal aate hain

yaad aaunga kabhi main bhi zarurat mein use

Fazil Jamili

yaad aa.ī hai to phir TuuT ke yaad aa.ī hai

koī guzrī huī manzil koī bhūlī huī dost

yaad aai hai to phir TuT ke yaad aai hai

koi guzri hui manzil koi bhuli hui dost

Ahmad Faraz

mirī nazar meñ vahī mohnī mūrat hai

ye raat hijr hai phir bhī ḳhūb-sūrat hai

meri nazar mein wahi mohni si murat hai

ye raat hijr ki hai phir bhi KHub-surat hai

Khalilur Rahman Azmi

go farāmoshī takmīl huā chāhtī hai

phir bhī kah do ki hameñ yaad vo aayā na kare

go faramoshi ki takmil hua chahti hai

phir bhi kah do ki hamein yaad wo aaya na kare

Abrar Ahmad

''aap yaad aatī rahī raat bhar''

chāñdnī dil dukhātī rahī raat bhar

aap ki yaad aati rahi raat bhar

chandni dil dukhati rahi raat bhar

Faiz Ahmad Faiz

kahānī apnī apnī ahl-e-mahfil jab sunāte haiñ

mujhe bhī yaad ik bhūlā huā afsāna aatā hai

kahani apni apni ahl-e-mahfil jab sunate hain

mujhe bhi yaad ek bhula hua afsana aata hai

Amn Lakhnavi

ab bhī aatī hai tirī yaad pa is karb ke saath

TūTtī niiñd meñ jaise koī sapnā dekhā

ab bhi aati hai teri yaad pa is karb ke sath

TuTti nind mein jaise koi sapna dekha

Akhtar Imam Rizvi

tujh ko bhī kyuuñ yaad rakhā

soch ke ab pachhtāte haiñ

tujh ko bhi kyun yaad rakha

soch ke ab pachhtate hain

Aashufta Changezi

aaj phir niiñd ko āñkhoñ se bichhaḌte dekhā

aaj phir yaad koī choT purānī aa.ī

aaj phir nind ko aankhon se bichhaDte dekha

aaj phir yaad koi choT purani aai

Iqbal Ashhar

ab tujhe kaise batā.eñ ki tirī yādoñ meñ

kuchh izāfa kiyā ham ne ḳhayānat nahīñ

ab tujhe kaise bataen ki teri yaadon mein

kuchh izafa hi kiya hum ne KHayanat nahin ki

Haleem Qureshi

yādoñ bauchhāroñ se jab palkeñ bhīgne lagtī haiñ

soñdhī soñdhī lagtī hai tab maazī rusvā.ī bhī

yaadon ki bauchhaaron se jab palken bhigne lagti hain

sondhi sondhi lagti hai tab mazi ki ruswai bhi

Gulzar

vo ik din jaane kis ko yaad kar ke

mire siine se lag ke ro paḌā thā

wo ek din jaane kis ko yaad kar ke

mere sine se lag ke ro paDa tha

Anjum Saleemi

khilā rahegā kisī yaad ke jazīre par

ye baaġh maiñ jise vīrān karne vaalā huuñ

khila rahega kisi yaad ke jazire par

ye bagh main jise viran karne wala hun

Aftab Hussain

yaad use intihā.ī karte haiñ

so ham us burā.ī karte haiñ

yaad use intihai karte hain

so hum us ki burai karte hain

Jaun Eliya

vafā kareñge nibāheñge baat māneñge

tumheñ bhī yaad hai kuchh ye kalām kis thā

wafa karenge nibahenge baat manenge

tumhein bhi yaad hai kuchh ye kalam kis ka tha

Dagh Dehlvi

is zindagī meñ itnī farāġhat kise nasīb

itnā na yaad aa ki tujhe bhuul jaa.eñ ham

is zindagi mein itni faraghat kise nasib

itna na yaad aa ki tujhe bhul jaen hum

Ahmad Faraz

kahāñ aa ke rukne the rāste kahāñ moḌ thā use bhuul

vo jo mil gayā use yaad rakh jo nahīñ milā use bhuul

kahan aa ke rukne the raste kahan moD tha use bhul ja

wo jo mil gaya use yaad rakh jo nahin mila use bhul ja

Amjad Islam Amjad

koī vīrānī vīrānī hai

dasht ko dekh ke ghar yaad aayā

What kind of desolation there this be

Home comes to mind the desert when I see

koi virani si virani hai

dasht ko dekh ke ghar yaad aaya

What kind of desolation there this be

Home comes to mind the desert when I see

Mirza Ghalib

yaad aao mujhe lillāh na tum yaad karo

merī aur apnī javānī ko na barbād karo

yaad aao mujhe lillah na tum yaad karo

meri aur apni jawani ko na barbaad karo

Akhtar Shirani

markaz-e-jāñ to vahī hai magar tere sivā

log haiñ aur bhī is yaad purānī meñ kahīñ

markaz-e-jaan to wahi tu hai magar tere siwa

log hain aur bhi is yaad purani mein kahin

Abrar Ahmad

vahī din hai hamārī iid din

jo tirī yaad meñ guzartā hai

wahi din hai hamari id ka din

jo teri yaad mein guzarta hai

Maulana Mohammad Ali Jauhar

vo koī dost thā achchhe dinoñ

jo pichhlī raat se yaad aa rahā hai

wo koi dost tha achchhe dinon ka

jo pichhli raat se yaad aa raha hai

Nasir Kazmi

yādoñ ke shabistān meñ baiThā huā saa.il

tanhā jo nazar aatā hai tanhā nahīñ hotā

yaadon ke shabistan mein baiTha hua sail

tanha jo nazar aata hai tanha nahin hota

Sayil Imran

yaad aayā tire jaur-o-sitam lekin na yaad aa.e

mohabbat meñ ye ma.asūmī baḌī mushkil se aatī hai

You I did remember, your torments all forgot

such innocence in love, is with hardship wrought

tu yaad aaya tere jaur-o-sitam lekin na yaad aae

mohabbat mein ye masumi baDi mushkil se aati hai

You I did remember, your torments all forgot

such innocence in love, is with hardship wrought

Firaq Gorakhpuri

aa ga.ī yaad shaam Dhalte

bujh gayā dil charāġh jalte

aa gai yaad sham Dhalte hi

bujh gaya dil charagh jalte hi

Muneer Niyazi

haqīqat khul ga.ī 'hasrat' tire tark-e-mohabbat

tujhe to ab vo pahle se bhī baḌh kar yaad aate haiñ

haqiqat khul gai 'hasrat' tere tark-e-mohabbat ki

tujhe to ab wo pahle se bhi baDh kar yaad aate hain

Hasrat Mohani

yaad tirī jaise ki sar-e-shām

dhund utar jaa.e paanī meñ

yaad teri jaise ki sar-e-sham

dhund utar jae pani mein

Rajinder Manchanda Bani

jab tujhe yaad kar liyā sub.h mahak mahak uThī

jab tirā ġham jagā liyā raat machal machal ga.ī

When your thoughts arose, fragrant was the morn

When your sorrow's woke, the night was all forlorn

jab tujhe yaad kar liya subh mahak mahak uThi

jab tera gham jaga liya raat machal machal gai

When your thoughts arose, fragrant was the morn

When your sorrow's woke, the night was all forlorn

Faiz Ahmad Faiz

kahīñ ye apnī mohabbat intihā to nahīñ

bahut dinoñ se tirī yaad bhī nahīñ aa.ī

kahin ye apni mohabbat ki intiha to nahin

bahut dinon se teri yaad bhi nahin aai

Ahmad Rahi

ek tumhārī yaad ne laakh diye jalā.e haiñ

āmad-e-shab ke qabl bhī ḳhatm-e-sahar ke baad bhī

ek tumhaari yaad ne lakh diye jalae hain

aamad-e-shab ke qabl bhi KHatm-e-sahar ke baad bhi

Ali Jawad Zaidi

sochtā huuñ ki us yaad āḳhir

ab kise raat bhar jagātī hai

sochta hun ki us ki yaad aaKHir

ab kise raat bhar jagati hai

Jaun Eliya

ab to un yaad bhī aatī nahīñ

kitnī tanhā ho ga.iiñ tanhā.iyāñ

nowadays even her thoughts do not intrude

see how forlorn and lonely is my solitude

ab to un ki yaad bhi aati nahin

kitni tanha ho gain tanhaiyan

nowadays even her thoughts do not intrude

see how forlorn and lonely is my solitude

Firaq Gorakhpuri

yaad rakhne ye bāteñ haiñ bajā hai sach hai

aap bhūle na hameñ aap ko ham bhuul ga.e

yaad rakhne ki ye baaten hain baja hai sach hai

aap bhule na hamein aap ko hum bhul gae

Hatim Ali Mehr

kitne nādāñ haiñ tire bhūlne vaale ki tujhe

yaad karne ke liye umr paḌī ho jaise

kitne nadan hain tere bhulne wale ki tujhe

yaad karne ke liye umr paDi ho jaise

Ahmad Faraz

aaj ik aur baras biit gayā us ke baġhair

jis ke hote hue hote the zamāne mere

aaj ek aur baras bit gaya us ke baghair

jis ke hote hue hote the zamane mere

Ahmad Faraz

koī purānā ḳhat kuchh bhūlī-bisrī yaad

zaḳhmoñ par vo lamhe marham hote haiñ

koi purana KHat kuchh bhuli-bisri yaad

zaKHmon par wo lamhe marham hote hain

Anjum Irfani

bijlī chamkī to abr royā

yaad aa ga.ī kyā hañsī kisī

bijli chamki to abr roya

yaad aa gai kya hansi kisi ki

Goya Faqir Mohammad

aate aate aa.egā un ko ḳhayāl

jaate jaate be-ḳhayālī jā.egī

aate aate aaega un ko KHayal

jate jate be-KHayali jaegi

Jaleel Manikpuri

tumhārā naam aayā aur ham takne lage rasta

tumhārī yaad aa.ī aur khiḌkī khol ham ne

tumhaara nam aaya aur hum takne lage rasta

tumhaari yaad aai aur khiDki khol di hum ne

Munawwar Rana

chupke chupke raat din aañsū bahānā yaad hai

ham ko ab tak āshiqī vo zamānā yaad hai

chupke chupke raat din aansu bahana yaad hai

hum ko ab tak aashiqi ka wo zamana yaad hai

Hasrat Mohani

yūñhī dil ne chāhā thā ronā-rulānā

tirī yaad to ban ga.ī ik bahānā

yunhi dil ne chaha tha rona-rulana

teri yaad to ban gai ek bahana

Sahir Ludhianvi

is qadar royā huuñ terī yaad meñ

ā.īne āñkhoñ ke dhundle ho ga.e

is qadar roya hun teri yaad mein

aaine aankhon ke dhundle ho gae

Nasir Kazmi

akelā ke mujh ko yaad un aa to jaatī hai

magar phir lauT kar jaatī nahīñ maiñ kaise so jā.ūñ

akela pa ke mujh ko yaad un ki aa to jati hai

magar phir lauT kar jati nahin main kaise so jaun

Anwar Mirzapuri

raat ik shaḳhs bahut yaad aayā

jis ghaḌī chāñd numūdār huā

raat ek shaKHs bahut yaad aaya

jis ghaDi chand numudar hua

Aziz Ahmad Khan Shafaq

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now