chale to paañv ke nīche kuchal ga.ī koī shai

nashe kī jhoñk meñ dekhā nahīñ ki duniyā hai

chale to panw ke niche kuchal gai koi shai

nashe ki jhonk mein dekha nahin ki duniya hai

tū idhar udhar kī na baat kar ye batā ki qāfile kyuuñ luTe

tirī rahbarī kā savāl hai hameñ rāhzan se ġharaz nahīñ

tu idhar udhar ki na baat kar ye bata ki qafile kyun luTe

teri rahbari ka sawal hai hamein rahzan se gharaz nahin

paañv jab simTe to raste bhī hue takiya-nashīñ

boriyā jab tah kiyā duniyā uThā kar le ga.e

panw jab simTe to raste bhi hue takiya-nashin

boriya jab tah kiya duniya uTha kar le gae

qalandarī mirī pūchho ho dostān-e-junūñ

har āstāñ mirī Thokar se jaanā jaatā hai

qalandari meri puchho ho dostan-e-junun

har aastan meri Thokar se jaana jata hai