Sher on Bisaat

dil kī bisāt kyā thī nigāh-e-jamāl meñ

ik ā.īna thā TuuT gayā dekh-bhāl meñ

dil ki bisat kya thi nigah-e-jamal mein

ek aaina tha TuT gaya dekh-bhaal mein

zindagī kī bisāt par 'bāqī'

maut kī ek chaal haiñ ham log

zindagi ki bisat par 'baqi'

maut ki ek chaal hain hum log

ye kā.enāt mire sāmne hai misl-e-bisāt

kahīñ junūñ meñ ulaT duuñ na is jahān ko maiñ

ye kaenat mere samne hai misl-e-bisat

kahin junun mein ulaT dun na is jahan ko main

lagī thī jaan kī baazī bisāt ulaT Daalī

ye khel bhī hameñ yāroñ ne hārne na diyā

lagi thi jaan ki bazi bisat ulaT Dali

ye khel bhi hamein yaron ne haarne na diya

tire intizār meñ is tarah mirā ahad-e-shauq guzar gayā

sar-e-shām jaise bisāt-e-dil koī ḳhasta-hāl sameT le

tere intizar mein is tarah mera ahad-e-shauq guzar gaya

sar-e-sham jaise bisat-e-dil koi KHasta-haal sameT le