aañsū mirī āñkhoñ meñ haiñ naale mire lab par

saudā mire sar meñ hai tamannā mire dil meñ

aansu meri aankhon mein hain nale mere lab par

sauda mere sar mein hai tamanna mere dil mein

apnī ḳhū-e-vafā se Dartā huuñ

āshiqī bandagī na ho jaa.e

apni KHu-e-wafa se Darta hun

aashiqi bandagi na ho jae

kabhī hayā unheñ aa.ī kabhī ġhurūr aayā

hamāre kaam meñ sau sau tarah futūr aayā

kabhi haya unhen aai kabhi ghurur aaya

hamare kaam mein sau sau tarah futur aaya

ḳhuun ho jaa.eñ ḳhaak meñ mil jaa.eñ

hazrat-e-dil se kuchh ba.iid nahīñ

KHun ho jaen KHak mein mil jaen

hazrat-e-dil se kuchh baid nahin

vo jo kar rahe haiñ bajā kar rahe haiñ

ye jo ho rahā hai bajā ho rahā hai

wo jo kar rahe hain baja kar rahe hain

ye jo ho raha hai baja ho raha hai