Sher on Aarzoo
Our yearnings, or desires,
characterize us as human beings. In fact, we live most of our lives desiring, yearning, or pining for one thing or the other. There are many facets to this experience; some of them are sweet while others are sour. This selection will take you along and help you appreciate some of these conditions of our existence.
na jī bhar ke dekhā na kuchh baat kī
baḌī aarzū thī mulāqāt kī
na ji bhar ke dekha na kuchh baat ki
baDi aarzu thi mulaqat ki
-
Tags : Famous shayariand 4 more
hazāroñ ḳhvāhisheñ aisī ki har ḳhvāhish pe dam nikle
bahut nikle mire armān lekin phir bhī kam nikle
I have a thousand yearnings , each one afflicts me so
Many were fulfilled for sure, not enough although
hazaron KHwahishen aisi ki har KHwahish pe dam nikle
bahut nikle mere arman lekin phir bhi kam nikle
I have a thousand yearnings , each one afflicts me so
Many were fulfilled for sure, not enough although
-
Tags : Famous shayariand 5 more
nahīñ nigāh meñ manzil to justujū hī sahī
nahīñ visāl mayassar to aarzū hī sahī
nahin nigah mein manzil to justuju hi sahi
nahin visal mayassar to aarzu hi sahi
-
Tags : Justajuand 2 more
aarzū hai ki tū yahāñ aa.e
aur phir umr bhar na jaa.e kahīñ
aarzu hai ki tu yahan aae
aur phir umr bhar na jae kahin
-
Tags : Hasratand 4 more
insāñ kī ḳhvāhishoñ kī koī intihā nahīñ
do gaz zamīñ bhī chāhiye do gaz kafan ke baad
insan ki KHwahishon ki koi intiha nahin
do gaz zamin bhi chahiye do gaz kafan ke baad
-
Tags : Hasratand 1 more
jān-levā thiiñ ḳhvāhisheñ varna
vasl se intizār achchhā thā
jaan-lewa thin KHwahishen warna
wasl se intizar achchha tha
-
Tags : Intezarand 1 more
mujh ko ye aarzū vo uThā.eñ naqāb ḳhud
un ko ye intizār taqāzā kare koī
I had hoped she would unveil at her own behest
and she waits for someone to make a request
mujh ko ye aarzu wo uThaen naqab KHud
un ko ye intizar taqaza kare koi
I had hoped she would unveil at her own behest
and she waits for someone to make a request
mujhe ye Dar hai tirī aarzū na miT jaa.e
bahut dinoñ se tabī.at mirī udaas nahīñ
mujhe ye Dar hai teri aarzu na miT jae
bahut dinon se tabiat meri udas nahin
-
Tag : Mayoosi
tumhārī yaad meñ jiine kī aarzū hai abhī
kuchh apnā haal sambhālūñ agar ijāzat ho
tumhaari yaad mein jine ki aarzu hai abhi
kuchh apna haal sambhaalun agar ijazat ho
-
Tags : Ijazatand 1 more
aarzū terī barqarār rahe
dil kā kyā hai rahā rahā na rahā
aarzu teri barqarar rahe
dil ka kya hai raha raha na raha
-
Tag : Dil
yahāñ kisī ko bhī kuchh hasb-e-ārzū na milā
kisī ko ham na mile aur ham ko tū na milā
yahan kisi ko bhi kuchh hasb-e-arzu na mila
kisi ko hum na mile aur hum ko tu na mila
-
Tag : Qismat
marte haiñ aarzū meñ marne kī
maut aatī hai par nahīñ aatī
I die yearning as I hope for death
Death does come to me but then not quite
marte hain aarzu mein marne ki
maut aati hai par nahin aati
I die yearning as I hope for death
Death does come to me but then not quite
ye aarzū bhī baḌī chiiz hai magar hamdam
visāl-e-yār faqat aarzū kī baat nahīñ
ye aarzu bhi baDi chiz hai magar hamdam
visal-e-yar faqat aarzu ki baat nahin
mirī apnī aur us kī aarzū meñ farq ye thā
mujhe bas vo use saarā zamāna chāhiye thā
meri apni aur us ki aarzu mein farq ye tha
mujhe bas wo use sara zamana chahiye tha
aarzū hasrat aur ummīd shikāyat aañsū
ik tirā zikr thā aur biich meñ kyā kyā niklā
aarzu hasrat aur ummid shikayat aansu
ek tera zikr tha aur bich mein kya kya nikla
-
Tags : Aansooand 3 more
ham kyā kareñ agar na tirī aarzū kareñ
duniyā meñ aur bhī koī tere sivā hai kyā
hum kya karen agar na teri aarzu karen
duniya mein aur bhi koi tere siwa hai kya
sab ḳhvāhisheñ puurī hoñ 'farāz' aisā nahīñ hai
jaise ka.ī ash.ār mukammal nahīñ hote
sab KHwahishen puri hon 'faraaz' aisa nahin hai
jaise kai ashaar mukammal nahin hote
-
Tags : Hasratand 1 more
bahāne aur bhī hote jo zindagī ke liye
ham ek baar tirī aarzū bhī kho dete
bahane aur bhi hote jo zindagi ke liye
hum ek bar teri aarzu bhi kho dete
-
Tags : Bahanaand 1 more
ḳhvāb, ummīd, tamannā.eñ, ta.alluq, rishte
jaan le lete haiñ āḳhir ye sahāre saare
KHwab, ummid, tamannaen, talluq, rishte
jaan le lete hain aaKHir ye sahaare sare
-
Tags : Hasratand 3 more
ġham-e-zamāna ne majbūr kar diyā varna
ye aarzū thī ki bas terī aarzū karte
gham-e-zamana ne majbur kar diya warna
ye aarzu thi ki bas teri aarzu karte
-
Tag : Duniya
nā-umīdī baḌh ga.ī hai is qadar
aarzū kī aarzū hone lagī
na-umidi baDh gai hai is qadar
aarzu ki aarzu hone lagi
-
Tag : Mayoosi
tirī aarzū tirī justujū meñ bhaTak rahā thā galī galī
mirī dāstāñ tirī zulf hai jo bikhar bikhar ke sañvar ga.ī
teri aarzu teri justuju mein bhaTak raha tha gali gali
meri dastan teri zulf hai jo bikhar bikhar ke sanwar gai
ye aarzū thī tujhe gul ke rū-ba-rū karte
ham aur bulbul-e-betāb guftugū karte
ye aarzu thi tujhe gul ke ru-ba-ru karte
hum aur bulbul-e-betab guftugu karte
hotī kahāñ hai dil se judā dil kī aarzū
jaatā kahāñ hai sham.a ko parvāna chhoḌ kar
hoti kahan hai dil se juda dil ki aarzu
jata kahan hai shama ko parwana chhoD kar
-
Tags : Diland 2 more
kaTtī hai aarzū ke sahāre pe zindagī
kaise kahūñ kisī kī tamannā na chāhiye
kaTti hai aarzu ke sahaare pe zindagi
kaise kahun kisi ki tamanna na chahiye
-
Tags : Hasratand 2 more
aarzū vasl kī rakhtī hai pareshāñ kyā kyā
kyā batā.ūñ ki mere dil meñ hai armāñ kyā kyā
aarzu wasl ki rakhti hai pareshan kya kya
kya bataun ki mere dil mein hai arman kya kya
-
Tags : Diland 3 more
dil meñ vo bhiiḌ hai ki zarā bhī nahīñ jagah
aap aa.iye magar koī armāñ nikāl ke
dil mein wo bhiD hai ki zara bhi nahin jagah
aap aaiye magar koi arman nikal ke
-
Tags : Diland 2 more
tujh se sau baar mil chuke lekin
tujh se milne kī aarzū hai vahī
tujh se sau bar mil chuke lekin
tujh se milne ki aarzu hai wahi
armān vasl kā mirī nazroñ se taaḌ ke
pahle hī se vo baiTh ga.e muñh bigāḌ ke
arman wasl ka meri nazron se taD ke
pahle hi se wo baiTh gae munh bigaD ke
tirī vafā meñ milī ārzū-e-maut mujhe
jo maut mil ga.ī hotī to koī baat bhī thī
teri wafa mein mili aarzu-e-maut mujhe
jo maut mil gai hoti to koi baat bhi thi
ba.ad marne ke bhī chhoḌī na rifāqat merī
merī turbat se lagī baiThī hai hasrat merī
even after death my love did not forsake
at my grave my desires kept a steady wake
baad marne ke bhi chhoDi na rifaqat meri
meri turbat se lagi baiThi hai hasrat meri
even after death my love did not forsake
at my grave my desires kept a steady wake
-
Tags : Hasratand 1 more
bahut aziiz thī ye zindagī magar ham log
kabhī kabhī to kisī aarzū meñ mar bhī ga.e
bahut aziz thi ye zindagi magar hum log
kabhi kabhi to kisi aarzu mein mar bhi gae
-
Tags : Mautand 1 more
baḌī aarzū thī ham ko na.e ḳhvāb dekhne kī
so ab apnī zindagī meñ na.e ḳhvāb bhar rahe haiñ
baDi aarzu thi hum ko nae KHwab dekhne ki
so ab apni zindagi mein nae KHwab bhar rahe hain
-
Tag : Khwab
Dartā huuñ dekh kar dil-e-be-ārzū ko maiñ
sunsān ghar ye kyuuñ na ho mehmān to gayā
I'm fearful when I see this heart so hopeless and forlorn
why shouldn't this home be desolate, as the guest has gone
Darta hun dekh kar dil-e-be-arzu ko main
sunsan ghar ye kyun na ho mehman to gaya
I'm fearful when I see this heart so hopeless and forlorn
why shouldn't this home be desolate, as the guest has gone
-
Tag : Dil
tamannā tirī hai agar hai tamannā
tirī aarzū hai agar aarzū hai
tamanna teri hai agar hai tamanna
teri aarzu hai agar aarzu hai
-
Tag : Tamanna
hai husūl-e-ārzū kā raaz tark-e-ārzū
maiñ ne duniyā chhoḌ dī to mil ga.ī duniyā mujhe
hai husul-e-arzu ka raaz tark-e-arzu
main ne duniya chhoD di to mil gai duniya mujhe
kitāb-e-ārzū ke gum-shuda kuchh baab rakkhe haiñ
tire takiye ke nīche bhī hamāre ḳhvāb rakkhe haiñ
kitab-e-arzu ke gum-shuda kuchh bab rakkhe hain
tere takiye ke niche bhi hamare KHwab rakkhe hain
-
Tag : Khwab
vo jo raat mujh ko baḌe adab se salām kar ke chalā gayā
use kyā ḳhabar mire dil meñ bhī kabhī ārzū-e-gunāh thī
wo jo raat mujh ko baDe adab se salam kar ke chala gaya
use kya KHabar mere dil mein bhi kabhi aarzu-e-gunah thi
-
Tag : Gunah
kyā vo ḳhvāhish ki jise dil bhī samajhtā ho haqīr
aarzū vo hai jo siine meñ rahe naaz ke saath
kya wo KHwahish ki jise dil bhi samajhta ho haqir
aarzu wo hai jo sine mein rahe naz ke sath
be-ārzū bhī ḳhush haiñ zamāne meñ baaz log
yaañ aarzū ke saath bhī jiinā harām hai
be-arzu bhi KHush hain zamane mein baz log
yan aarzu ke sath bhi jina haram hai
tumhārī aarzū meñ maiñ ne apnī aarzū kī thī
ḳhud apnī justujū kā aap hāsil ho gayā huuñ maiñ
tumhaari aarzu mein main ne apni aarzu ki thi
KHud apni justuju ka aap hasil ho gaya hun main
ḳhvāhishoñ ne Dubo diyā dil ko
varna ye bahr-e-be-karāñ hotā
KHwahishon ne Dubo diya dil ko
warna ye bahr-e-be-karan hota
khul gayā un kī aarzū meñ ye raaz
ziist apnī nahīñ parā.ī hai
khul gaya un ki aarzu mein ye raaz
zist apni nahin parai hai
talātum aarzū meñ hai na tūfāñ justujū meñ hai
javānī kā guzar jaanā hai dariyā kā utar jaanā
talatum aarzu mein hai na tufan justuju mein hai
jawani ka guzar jaana hai dariya ka utar jaana
-
Tags : Budhapaand 3 more
is liye aarzū chhupā.ī hai
muñh se niklī huī parā.ī hai
is liye aarzu chhupai hai
munh se nikli hui parai hai
bād-e-tark-e-ārzū baiThā huuñ kaisā mutma.in
ho ga.ī āsāñ har ik mushkil ba-āsānī mirī
baad-e-tark-e-arzu baiTha hun kaisa mutmain
ho gai aasan har ek mushkil ba-asani meri
aaj tak dil kī aarzū hai vahī
phuul murjhā gayā hai bū hai vahī
aaj tak dil ki aarzu hai wahi
phul murjha gaya hai bu hai wahi
-
Tag : Dil
ek bhī ḳhvāhish ke hāthoñ meñ na mehñdī lag sakī
mere jazboñ meñ na dūlhā ban sakā ab tak koī
ek bhi KHwahish ke hathon mein na mehndi lag saki
mere jazbon mein na dulha ban saka ab tak koi
-
Tags : Hasratand 1 more
us bevafā kā shahr hai aur vaqt-e-shām hai
aaise meñ aarzū baḌī himmat kā kaam hai
us bewafa ka shahr hai aur waqt-e-sham hai
aaise mein aarzu baDi himmat ka kaam hai
muddat se aarzū hai ḳhudā vo ghaḌī kare
ham tum piyeñ jo mil ke kahīñ ek jā sharāb
muddat se aarzu hai KHuda wo ghaDi kare
hum tum piyen jo mil ke kahin ek ja sharab
-
Tags : Mulaqatand 1 more