hijr ke tapte mausam meñ bhī dil un se vābasta hai

ab tak yaad kā pattā pattā Daalī se paivasta hai

hijr ke tapte mausam mein bhi dil un se wabasta hai

ab tak yaad ka patta patta Dali se paiwasta hai

kitāb-e-ārzū ke gum-shuda kuchh baab rakkhe haiñ

tire takiye ke nīche bhī hamāre ḳhvāb rakkhe haiñ

kitab-e-arzu ke gum-shuda kuchh bab rakkhe hain

tere takiye ke niche bhi hamare KHwab rakkhe hain

naam likh likh ke tirā phuul banāne vaalā

aaj phir shabnamīñ āñkhoñ se varaq dhotā hai

nam likh likh ke tera phul banane wala

aaj phir shabnamin aankhon se waraq dhota hai

tirī āvāz ko is shahr kī lahreñ tarastī haiñ

ġhalat number milātā huuñ to pahroñ baat hotī hai

teri aawaz ko is shahr ki lahren tarasti hain

ghalat number milata hun to pahron baat hoti hai

usī kī shakl mujhe chāñd meñ nazar aa.e

vo māh-ruḳh jo lab-e-bām bhī nahīñ aatā

usi ki shakl mujhe chand mein nazar aae

wo mah-ruKH jo lab-e-baam bhi nahin aata