kashti bhi nahin badli dariya bhi nahin badla
kashti bhi nahin badli dariya bhi nahin badla
Ghulam Mohammad Qasir
MORE BYGhulam Mohammad Qasir
kashtī bhī nahīñ badlī dariyā bhī nahīñ badlā
aur Dūbne vāloñ kā jazba bhī nahīñ badlā
tasvīr nahīñ badlī shīsha bhī nahīñ badlā
nazreñ bhī salāmat haiñ chehrā bhī nahīñ badlā
hai shauq-e-safar aisā ik umr se yāroñ ne
manzil bhī nahīñ paa.ī rasta bhī nahīñ badlā
bekār gayā ban meñ sonā mirā sadiyoñ kā
is shahr meñ to ab tak sikka bhī nahīñ badlā
be-samt havāoñ ne har lahr se sāzish kī
ḳhvāboñ ke jazīre kā naqsha bhī nahīñ badlā
kashti bhi nahin badli dariya bhi nahin badla
aur Dubne walon ka jazba bhi nahin badla
taswir nahin badli shisha bhi nahin badla
nazren bhi salamat hain chehra bhi nahin badla
hai shauq-e-safar aisa ek umr se yaron ne
manzil bhi nahin pai rasta bhi nahin badla
bekar gaya ban mein sona mera sadiyon ka
is shahr mein to ab tak sikka bhi nahin badla
be-samt hawaon ne har lahr se sazish ki
KHwabon ke jazire ka naqsha bhi nahin badla
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
