محرومی پر اشعار
شاعری میں محرومی کی
زیادہ تر صورتیں عشق کے علاقے سے وابستہ ہیں ۔ عاشق بہت سی سطحوں پر محرومی کا شکار ہوتا ہے ۔ سب سے بڑی محرومی تو عمر بھر کا ہجر گزارنے کے بعد وصال کی امید کا بھی خواب ہوجانا ہے ۔ شاعروں نے محرومی کے اس گہرے اور نازک ترین احساس کو بڑی خوبصورتی کے ساتھ بیان کیا ہے ۔ ہمارا یہ انتخاب آپ کو محرومی کی بہت سی صورتوں سے آشنا کرائے گا ۔
یہ بھی اک رنگ ہے شاید مری محرومی کا
کوئی ہنس دے تو محبت کا گماں ہوتا ہے
-
موضوع : محبت
بس ایک بار منایا تھا جشن محرومی
پھر اس کے بعد کوئی ابتلا نہیں آئی
اک آبلہ تھا سو بھی گیا خار غم سے پھٹ
تیری گرہ میں کیا دل اندوہ گیں رہا
تم ان لکیروں میں اک خوشی بھی تلاش کر لو تو معجزہ ہے
کہ میں تو بچپن سے جانتا ہوں مری ہتھیلی کا نام دکھ ہے
کسی بھی حشر سے محروم ہی رہا وہ بھی
مری طرح کا جو کردار تھا کہانی میں
-
موضوعات : انجاماور 1 مزید
دل یہ انسان کا ہر چیز سے بھر جاتا ہے
قدر کھو دیتا ہے ہر وقت میسر ہونا
ایک تم ہی نہیں ہو پاس مرے
ورنہ کس چیز کی کمی ہے مجھے
کبھی تو باڑھ آ کے اپنے ساتھ سب بہا گئی
کبھی کسان بارشوں کی راہ دیکھتا رہا
گھر کی چوکھٹ پہ آئے مفلس کی
ہر صدا بس صدا نہیں ہوتی
مرے بچوں کا اب گستاخ ہونا حق بہ جانب ہے
جہاں فاقوں پہ فاقے ہوں کہاں آداب آتے ہیں
کسی کے ہاتھ میں کاسہ کسی کے ہاتھ میں جھاڑو
کھلونے ہاتھ میں لے کر کوئی بچہ نہیں نکلا
ہم وہ محروم تمنا کہ بھری دنیا میں
اپنے حصے کی محبت بھی نہیں کر پائے
عجب دنیا ہے اپنی
کہ مر جاتی ہیں مائیں
فرصت کے وقت عشق سے محروم میں رہا
پھر ایسا وقت آیا کہ فرصت نہیں بچی
-
موضوع : عشق
جواں ہوئی مری بیٹی تو ہاتھ خالی ہیں
تمام عمر تو بہنیں بیاہتا رہا میں
بے گھری باعث تسکین بھی ہے میرے لئے
میری اولاد وراثت پہ نہیں جھگڑے گی
یہ ناقدری ہماری اس لیے ہے
ترا ہونے میں جلدی کر گئے ہم
جنہیں میں حاصل ہوں ان کو مجھ سے ہزار شکوے
جنہیں میں حاصل نہیں انہیں ہے خدا سے شکوہ
لوگوں کا اک ہجوم تھا مطلب کے واسطے
چاہے جو دل سے ایک بھی ایسا نہیں ملا
یاس محرومی تذبذب کرب خوش فہمی انا
اتنے ساماں تھے مرا تنہا مکاں چھوٹا لگا
-
موضوع : مایوسی
شکوۂ بے چارگی میکشؔ کسی سے کیوں کریں
عشق تو محرومیٔ دل کے سوا کچھ بھی نہیں
-
موضوعات : دلاور 3 مزید
حیف ان بے شعور لوگوں پر
جو ترے لمس سے رہے محروم
وہ اپنے سورج تو کیا جلاتے مرے چراغوں کو بیچ ڈالا
فرات اپنے بچا کے رکھے مری سبیلیں فروخت کر دیں
نہ کوئی رنگ نہ خوشبو نہ خواب ہے مجھ میں
صبا یہ کہتی ہے تصوير آب ہے مجھ میں
ترے بغیر وہ راتیں بھی کاٹ دیں ہم نے
کہ جن میں تیرا تصور بھی رہ نما نہ ہوا
بے حس پڑا ہوا ہوں میں لمحوں کی گرد میں
صدیوں کی تھی جو مجھ میں کسک کون لے گیا
اس کا غم پوچھ سکو تو پوچھو
جس نے مرنے کی مسرت چاہی
وہ اپنی آنکھ چہرہ ہات پاؤں
سفر میں زندگی کے کھو چکا ہے
اس بار تو محرومیٔ امید غضب تھی
یہ بھی نہ رہا یاد کہ کس شے کی طلب تھی
لے گئے چن چن کے اجملؔ صاحبان عقل و ہوش
میرے حصے میں بچے ہیں حرف لغزیدہ تمام
دینی تھی داد تشنہ لبی جس غریب کو
وہ بزم میں نہیں ہے تو ساقی اداس ہے