Sher on Mohabbat

ujāle apnī yādoñ ke hamāre saath rahne do

na jaane kis galī meñ zindagī kī shaam ho jaa.e

ujale apni yaadon ke hamare sath rahne do

na jaane kis gali mein zindagi ki sham ho jae

aur bhī dukh haiñ zamāne meñ mohabbat ke sivā

rāhateñ aur bhī haiñ vasl kī rāhat ke sivā

aur bhi dukh hain zamane mein mohabbat ke siwa

rahaten aur bhi hain wasl ki rahat ke siwa

ranjish hī sahī dil hī dukhāne ke liye aa

aa phir se mujhe chhoḌ ke jaane ke liye aa

ranjish hi sahi dil hi dukhane ke liye aa

aa phir se mujhe chhoD ke jaane ke liye aa

us kī yaad aa.ī hai sāñso zarā āhista chalo

dhaḌkanoñ se bhī ibādat meñ ḳhalal paḌtā hai

us ki yaad aai hai sanso zara aahista chalo

dhaDkanon se bhi ibaadat mein KHalal paDta hai

mohabbat meñ nahīñ hai farq jiine aur marne kā

usī ko dekh kar jiite haiñ jis kāfir pe dam nikle

mohabbat mein nahin hai farq jine aur marne ka

usi ko dekh kar jite hain jis kafir pe dam nikle

na jī bhar ke dekhā na kuchh baat kī

baḌī aarzū thī mulāqāt kī

na ji bhar ke dekha na kuchh baat ki

baDi aarzu thi mulaqat ki

hosh vāloñ ko ḳhabar kyā be-ḳhudī kyā chiiz hai

ishq kiije phir samajhiye zindagī kyā chiiz hai

hosh walon ko KHabar kya be-KHudi kya chiz hai

ishq kije phir samajhiye zindagi kya chiz hai

aur kyā dekhne ko baaqī hai

aap se dil lagā ke dekh liyā

aur kya dekhne ko baqi hai

aap se dil laga ke dekh liya

aziiz itnā hī rakkho ki jī sambhal jaa.e

ab is qadar bhī na chāho ki dam nikal jaa.e

aziz itna hi rakkho ki ji sambhal jae

ab is qadar bhi na chaho ki dam nikal jae

kuchh to majbūriyāñ rahī hoñgī

yuuñ koī bevafā nahīñ hotā

kuchh to majburiyan rahi hongi

yun koi bewafa nahin hota

chupke chupke raat din aañsū bahānā yaad hai

ham ko ab tak āshiqī kā vo zamānā yaad hai

chupke chupke raat din aansu bahana yaad hai

hum ko ab tak aashiqi ka wo zamana yaad hai

ishq nāzuk-mizāj hai behad

aql kā bojh uThā nahīñ saktā

ishq nazuk-mizaj hai behad

aql ka bojh uTha nahin sakta

huā hai tujh se bichhaḌne ke baa'd ye mā'lūm

ki tū nahīñ thā tire saath ek duniyā thī

hua hai tujh se bichhaDne ke ba'd ye ma'lum

ki tu nahin tha tere sath ek duniya thi

zindagī kis tarah basar hogī

dil nahīñ lag rahā mohabbat meñ

zindagi kis tarah basar hogi

dil nahin lag raha mohabbat mein

vo to ḳhush-bū hai havāoñ meñ bikhar jā.egā

mas.ala phuul kā hai phuul kidhar jā.egā

wo to KHush-bu hai hawaon mein bikhar jaega

masala phul ka hai phul kidhar jaega

kis kis ko batā.eñge judā.ī kā sabab ham

tū mujh se ḳhafā hai to zamāne ke liye aa

kis kis ko bataenge judai ka sabab hum

tu mujh se KHafa hai to zamane ke liye aa

saarī duniyā ke ġham hamāre haiñ

aur sitam ye ki ham tumhāre haiñ

sari duniya ke gham hamare hain

aur sitam ye ki hum tumhaare hain

donoñ jahān terī mohabbat meñ haar ke

vo jā rahā hai koī shab-e-ġham guzār ke

donon jahan teri mohabbat mein haar ke

wo ja raha hai koi shab-e-gham guzar ke

aap ke ba.ad har ghaḌī ham ne

aap ke saath hī guzārī hai

aap ke baad har ghaDi hum ne

aap ke sath hi guzari hai

koī samjhe to ek baat kahūñ

ishq taufīq hai gunāh nahīñ

koi samjhe to ek baat kahun

ishq taufiq hai gunah nahin

dil dhaḌakne kā sabab yaad aayā

vo tirī yaad thī ab yaad aayā

dil dhaDakne ka sabab yaad aaya

wo teri yaad thi ab yaad aaya

ai mohabbat tire anjām pe ronā aayā

jaane kyuuñ aaj tire naam pe ronā aayā

ai mohabbat tere anjam pe rona aaya

jaane kyun aaj tere nam pe rona aaya

dil meñ kisī ke raah kiye jā rahā huuñ maiñ

kitnā hasīñ gunāh kiye jā rahā huuñ maiñ

dil mein kisi ke rah kiye ja raha hun main

kitna hasin gunah kiye ja raha hun main

tire ishq kī intihā chāhtā huuñ

mirī sādgī dekh kyā chāhtā huuñ

tere ishq ki intiha chahta hun

meri sadgi dekh kya chahta hun

inhīñ pattharoñ pe chal kar agar aa sako to aao

mire ghar ke rāste meñ koī kahkashāñ nahīñ hai

inhin pattharon pe chal kar agar aa sako to aao

mere ghar ke raste mein koi kahkashan nahin hai

gilā bhī tujh se bahut hai magar mohabbat bhī

vo baat apnī jagah hai ye baat apnī jagah

gila bhi tujh se bahut hai magar mohabbat bhi

wo baat apni jagah hai ye baat apni jagah

mohabbatoñ meñ dikhāve kī dostī na milā

agar gale nahīñ miltā to haath bhī na milā

mohabbaton mein dikhawe ki dosti na mila

agar gale nahin milta to hath bhi na mila

hameñ bhī niiñd aa jā.egī ham bhī so hī jā.eñge

abhī kuchh be-qarārī hai sitāro tum to so jaao

hamein bhi nind aa jaegi hum bhi so hi jaenge

abhi kuchh be-qarari hai sitaro tum to so jao

ab judā.ī ke safar ko mire āsān karo

tum mujhe ḳhvāb meñ aa kar na pareshān karo

ab judai ke safar ko mere aasan karo

tum mujhe KHwab mein aa kar na pareshan karo

ham to samjhe the ki ham bhuul ga.e haiñ un ko

kyā huā aaj ye kis baat pe ronā aayā

hum to samjhe the ki hum bhul gae hain un ko

kya hua aaj ye kis baat pe rona aaya

tum ko aatā hai pyaar par ġhussa

mujh ko ġhusse pe pyaar aatā hai

tum ko aata hai pyar par ghussa

mujh ko ghusse pe pyar aata hai

ishq par zor nahīñ hai ye vo ātish 'ġhālib'

ki lagā.e na lage aur bujhā.e na bane

ishq par zor nahin hai ye wo aatish 'ghaalib'

ki lagae na lage aur bujhae na bane

mujhe ab tum se Dar lagne lagā hai

tumheñ mujh se mohabbat ho ga.ī kyā

mujhe ab tum se Dar lagne laga hai

tumhein mujh se mohabbat ho gai kya

karūñgā kyā jo mohabbat meñ ho gayā nākām

mujhe to aur koī kaam bhī nahīñ aatā

karunga kya jo mohabbat mein ho gaya nakaam

mujhe to aur koi kaam bhi nahin aata

terā milnā ḳhushī kī baat sahī

tujh se mil kar udaas rahtā huuñ

tera milna KHushi ki baat sahi

tujh se mil kar udas rahta hun

ḳhudā kī itnī baḌī kā.enāt meñ maiñ ne

bas ek shaḳhs ko māñgā mujhe vahī na milā

KHuda ki itni baDi kaenat mein main ne

bas ek shaKHs ko manga mujhe wahi na mila

aaj dekhā hai tujh ko der ke ba.ad

aaj kā din guzar na jaa.e kahīñ

aaj dekha hai tujh ko der ke baad

aaj ka din guzar na jae kahin

maiñ to ġhazal sunā ke akelā khaḌā rahā

sab apne apne chāhne vāloñ meñ kho ga.e

main to ghazal suna ke akela khaDa raha

sab apne apne chahne walon mein kho gae

ham se kyā ho sakā mohabbat meñ

ḳhair tum ne to bevafā.ī kī

hum se kya ho saka mohabbat mein

KHair tum ne to bewafai ki

tum mohabbat ko khel kahte ho

ham ne barbād zindagī kar lī

tum mohabbat ko khel kahte ho

hum ne barbaad zindagi kar li

anjām-e-vafā ye hai jis ne bhī mohabbat kī

marne kī duā māñgī jiine kī sazā paa.ī

anjam-e-wafa ye hai jis ne bhi mohabbat ki

marne ki dua mangi jine ki saza pai

na pūchho husn kī tārīf ham se

mohabbat jis se ho bas vo hasīñ hai

na puchho husn ki tarif hum se

mohabbat jis se ho bas wo hasin hai

itnī miltī hai mirī ġhazloñ se sūrat terī

log tujh ko mirā mahbūb samajhte hoñge

itni milti hai meri ghazlon se surat teri

log tujh ko mera mahbub samajhte honge

kyā kahā ishq jāvedānī hai!

āḳhirī baar mil rahī ho kyā

kya kaha ishq jawedani hai!

aaKHiri bar mil rahi ho kya

us ko judā hue bhī zamāna bahut huā

ab kyā kaheñ ye qissa purānā bahut huā

us ko juda hue bhi zamana bahut hua

ab kya kahen ye qissa purana bahut hua

ġham aur ḳhushī meñ farq na mahsūs ho jahāñ

maiñ dil ko us maqām pe laatā chalā gayā

gham aur KHushi mein farq na mahsus ho jahan

main dil ko us maqam pe lata chala gaya

tum se bichhaḌ kar zinda haiñ

jaan bahut sharminda haiñ

tum se bichhaD kar zinda hain

jaan bahut sharminda hain

jhukī jhukī sī nazar be-qarār hai ki nahīñ

dabā dabā sā sahī dil meñ pyaar hai ki nahīñ

jhuki jhuki si nazar be-qarar hai ki nahin

daba daba sa sahi dil mein pyar hai ki nahin

milnā thā ittifāq bichhaḌnā nasīb thā

vo utnī duur ho gayā jitnā qarīb thā

milna tha ittifaq bichhaDna nasib tha

wo utni dur ho gaya jitna qarib tha

bhūle haiñ rafta rafta unheñ muddatoñ meñ ham

qistoñ meñ ḳhud-kushī kā mazā ham se pūchhiye

bhule hain rafta rafta unhen muddaton mein hum

qiston mein KHud-kushi ka maza hum se puchhiye