aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Beqarari

Restlessness is an unwelcome

state of existence. In life, there may be many reasons for restlessness but in poetry it is usually the love that makes the two—the lover and the beloved—restless for each other. Interestingly, restlessness can also be a uniquely enjoyable state for the lover to be in. Here are a few samples on this theme.

hameñ bhī niiñd aa jā.egī ham bhī so jā.eñge

abhī kuchh be-qarārī hai sitāro tum to so jaao

hamein bhi nind aa jaegi hum bhi so hi jaenge

abhi kuchh be-qarari hai sitaro tum to so jao

Qateel Shifai

aa ki tujh bin is tarah ai dost ghabrātā huuñ maiñ

jaise har shai meñ kisī shai kamī paatā huuñ maiñ

aa ki tujh bin is tarah ai dost ghabraata hun main

jaise har shai mein kisi shai ki kami pata hun main

Jigar Moradabadi

ham ko na mil sakā to faqat ik sukūn-e-dil

ai zindagī vagarna zamāne meñ kyā na thā

hum ko na mil saka to faqat ek sukun-e-dil

ai zindagi wagarna zamane mein kya na tha

Azad Ansari

na kar 'saudā' shikva ham se dil be-qarārī

mohabbat kis ko detī hai miyāñ ārām duniyā meñ

na kar 'sauda' tu shikwa hum se dil ki be-qarari ka

mohabbat kis ko deti hai miyan aaram duniya mein

Sauda Mohammad Rafi

ik chubhan hai ki jo bechain kiye rahtī hai

aisā lagtā hai ki kuchh TuuT gayā hai mujh meñ

ek chubhan hai ki jo bechain kiye rahti hai

aisa lagta hai ki kuchh TuT gaya hai mujh mein

Irfan Sattar

tujh ko kar bhī na kam ho sakī be-tābī-e-dil

itnā āsān tire ishq ġham thā nahīñ

tujh ko pa kar bhi na kam ho saki be-tabi-e-dil

itna aasan tere ishq ka gham tha hi nahin

Firaq Gorakhpuri

samjhā liyā fareb se mujh ko to aap ne

dil se to pūchh lījiye kyuuñ be-qarār hai

samjha liya fareb se mujh ko to aap ne

dil se to puchh lijiye kyun be-qarar hai

Lala Madhav Ram Jauhar

jo charāġh saare bujhā chuke unheñ intizār kahāñ rahā

ye sukūñ daur-e-shadīd hai koī be-qarār kahāñ rahā

jo charagh sare bujha chuke unhen intizar kahan raha

ye sukun ka daur-e-shadid hai koi be-qarar kahan raha

Ada Jafarey

sunā hai terī mahfil meñ sukūn-e-dil bhī miltā hai

magar ham jab tirī mahfil se aa.e be-qarār aa.e

suna hai teri mahfil mein sukun-e-dil bhi milta hai

magar hum jab teri mahfil se aae be-qarar aae

Unknown

dil ko ḳhudā yaad tale bhī dabā chukā

kam-baḳht phir bhī chain na paa.e to kyā karūñ

dil ko KHuda ki yaad tale bhi daba chuka

kam-baKHt phir bhi chain na pae to kya karun

Hafeez Jalandhari

dard ulfat na ho to zindagī kyā mazā

āh-o-zārī zindagī hai be-qarārī zindagī

dard ulfat ka na ho to zindagi ka kya maza

aah-o-zari zindagi hai be-qarari zindagi

Ghulam Bhik Nairang

betāb phirtā hai ka.ī roz se 'āsī'

bechāre ne phir tum ko kahīñ dekh liyā hai

betab sa phirta hai kai roz se 'asi'

bechaare ne phir tum ko kahin dekh liya hai

Aasi uldani

nahīñ ilāj-e-ġham-e-hijr-e-yār kyā kiije

taḌap rahā hai dil-e-be-qarār kiyā kiije

nahin ilaj-e-gham-e-hijr-e-yar kya kije

taDap raha hai dil-e-be-qarar kiya kije

Jigar Barelvi

dil pyaar nazar ke liye be-qarār hai

ik tiir is taraf bhī ye taaza shikār hai

dil pyar ki nazar ke liye be-qarar hai

ek tir is taraf bhi ye taza shikar hai

Lala Madhav Ram Jauhar

har ek saañs mujhe khīñchtī hai us taraf

ye kaun mere liye be-qarār rahtā hai

har ek sans mujhe khinchti hai us ki taraf

ye kaun mere liye be-qarar rahta hai

Ghulam Murtaza Rahi

kisī tarah to ghaTe dil be-qarārī bhī

chalo vo chashm nahīñ kam se kam sharāb to ho

kisi tarah to ghaTe dil ki be-qarari bhi

chalo wo chashm nahin kam se kam sharab to ho

Aftab Hussain

qaul 'ābrū' thā ki na jā.ūñgā us galī

ho kar ke be-qarār dekho aaj phir gayā

qaul 'abru' ka tha ki na jaunga us gali

ho kar ke be-qarar dekho aaj phir gaya

Abroo Shah Mubarak

taḌap taḌap ke tamannā meñ karvaTeñ badlīñ

na paayā dil ne hamāre qarār saarī raat

taDap taDap ke tamanna mein karwaTen badlin

na paya dil ne hamare qarar sari raat

Imdad Imam Asar

tumhāre āshiqoñ meñ be-qarārī kyā phailī hai

jidhar dekho jigar thāme hue do-chār baiThe haiñ

tumhaare aashiqon mein be-qarari kya hi phaili hai

jidhar dekho jigar thame hue do-chaar baiThe hain

Imdad Imam Asar

dil ko is tarh dekhne vaale

dil agar be-qarār ho jaa.e

dil ko is tarh dekhne wale

dil agar be-qarar ho jae

Jalaluddin Akbar

jaane de sabr o qarār o hosh ko

kahāñ ai be-qarārī jā.egī

jaane de sabr o qarar o hosh ko

tu kahan ai be-qarari jaegi

Munshi Amirullah Tasleem

shab-e-firāq kuchh aisā ḳhayāl-e-yār rahā

ki raat bhar dil-e-ġham-dīda be-qarār rahā

shab-e-firaq kuchh aisa KHayal-e-yar raha

ki raat bhar dil-e-gham-dida be-qarar raha

Hijr Nazim Ali Khan

raat jaatī hai maan lo kahnā

der se dil hai be-qarār apnā

raat jati hai man lo kahna

der se dil hai be-qarar apna

Lala Madhav Ram Jauhar

be-qarārī thī sab ummīd-e-mulāqāt ke saath

ab vo aglī darāzī shab-e-hijrāñ meñ nahīñ

be-qarari thi sab ummid-e-mulaqat ke sath

ab wo agli si daraazi shab-e-hijran mein nahin

Altaf Hussain Hali

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now