daraḳht karte nahīñ is liye umīd-e-vafā

vo jānte haiñ parindoñ ke par nikalte haiñ

daraKHt karte nahin is liye umid-e-wafa

wo jaante hain parindon ke par nikalte hain

mausam-e-yād yuuñ ujlat meñ na vaare jaa.eñ

ham vo lamhe haiñ jo fursat se guzāre jaa.eñ

mausam-e-yaad yun ujlat mein na ware jaen

hum wo lamhe hain jo fursat se guzare jaen

maiñ haar jaatā huuñ un do udaas āñkhoñ se

mujhe safar kā irāda badalnā paḌtā hai

main haar jata hun un do udas aankhon se

mujhe safar ka irada badalna paDta hai

tumhārā kyā gayā gar thoḌā sā qarār gayā

ye dukh to merā hai ai dil mirā to yaar gayā

tumhaara kya gaya gar thoDa sa qarar gaya

ye dukh to mera hai ai dil mera to yar gaya

maiñ us ke 'ishq nahīñ hausle kā qaa.il huuñ

siyāh shab thā maiñ phir bhī mujhe guzār gayā

main us ke 'ishq nahin hausle ka qail hun

siyah shab tha main phir bhi mujhe guzar gaya