Sher of Fani Badayuni
har nafas umr-e-guzishta kī hai mayyat 'fānī'
zindagī naam hai mar mar ke jiye jaane kā
har nafas umr-e-guzishta ki hai mayyat 'fani'
zindagi nam hai mar mar ke jiye jaane ka
-
Share this
- See Ghazal
- Critique
- Comments
- Download
sune jaate na the tum se mire din raat ke shikve
kafan sarkāo merī be-zabānī dekhte jaao
sune jate na the tum se mere din raat ke shikwe
kafan sarkao meri be-zabani dekhte jao
ik muamma hai samajhne kā na samjhāne kā
zindagī kaahe ko hai ḳhvāb hai dīvāne kā
ek muamma hai samajhne ka na samjhane ka
zindagi kahe ko hai KHwab hai diwane ka
nā-umīdī maut se kahtī hai apnā kaam kar
aas kahtī hai Thahar ḳhat kā javāb aane ko hai
na-umidi maut se kahti hai apna kaam kar
aas kahti hai Thahar KHat ka jawab aane ko hai
har musībat kā diyā ek tabassum se javāb
is tarah gardish-e-daurāñ ko rulāyā maiñ ne
har musibat ka diya ek tabassum se jawab
is tarah gardish-e-dauran ko rulaya main ne
-
Tag : Motivational
duniyā merī balā jaane mahñgī hai yā sastī hai
maut mile to muft na luuñ hastī kī kyā hastī hai
duniya meri bala jaane mahngi hai ya sasti hai
maut mile to muft na lun hasti ki kya hasti hai
dil sarāpā dard thā vo ibtidā-e-ishq thī
intihā ye hai ki 'fānī' dard ab dil ho gayā
dil sarapa dard tha wo ibtida-e-ishq thi
intiha ye hai ki 'fani' dard ab dil ho gaya
aate haiñ ayādat ko to karte haiñ nasīhat
ahbāb se ġham-ḳhvār huā bhī nahīñ jaatā
aate hain ayaadat ko to karte hain nasihat
ahbab se gham-KHwar hua bhi nahin jata
-
Tag : Ayaadat
-
Share this
- See Ghazal
- Critique
- Comments
- Download
zikr jab chhiḌ gayā qayāmat kā
baat pahuñchī tirī javānī tak
zikr jab chhiD gaya qayamat ka
baat pahunchi teri jawani tak
maut kā intizār baaqī hai
aap kā intizār thā na rahā
maut ka intizar baqi hai
aap ka intizar tha na raha
ābādī bhī dekhī hai vīrāne bhī dekhe haiñ
jo ujḌe aur phir na base dil vo nirālī bastī hai
aabaadi bhi dekhi hai virane bhi dekhe hain
jo ujDe aur phir na base dil wo nirali basti hai
-
Tag : Dil
-
Share this
- See Ghazal
- Critique
- Comments
- Download
na ibtidā kī ḳhabar hai na intihā ma.alūm
rahā ye vahm ki ham haiñ so vo bhī kyā ma.alūm
TRANSLATION
Neither the beginning, nor the end do I know,
As for this illusion that I am, but do I really know.
Sagar Akbarabadi
na ibtida ki KHabar hai na intiha malum
raha ye wahm ki hum hain so wo bhi kya malum
TRANSLATION
Neither the beginning, nor the end do I know,
As for this illusion that I am, but do I really know.
Sagar Akbarabadi
-
Share this
- See Ghazal
- Critique
- Comments
- Download
kuchh kaTī himmat-e-savāl meñ umr
kuchh umīd-e-javāb meñ guzrī
kuchh kaTi himmat-e-sawal mein umr
kuchh umid-e-jawab mein guzri
maujoñ kī siyāsat se māyūs na ho 'fānī'
girdāb kī har tah meñ sāhil nazar aatā hai
maujon ki siyasat se mayus na ho 'fani'
girdab ki har tah mein sahil nazar aata hai
yā-rab tirī rahmat se māyūs nahīñ 'fānī'
lekin tirī rahmat kī tāḳhīr ko kyā kahiye
ya-rab teri rahmat se mayus nahin 'fani'
lekin teri rahmat ki taKHir ko kya kahiye
javānī ko bachā sakte to haiñ har daaġh se vaa.iz
magar aisī javānī ko javānī kaun kahtā hai
jawani ko bacha sakte to hain har dagh se waiz
magar aisi jawani ko jawani kaun kahta hai
bahlā na dil na tīrgī-e-shām-e-ġham ga.ī
ye jāntā to aag lagātā na ghar ko maiñ
bahla na dil na tirgi-e-sham-e-gham gai
ye jaanta to aag lagata na ghar ko main
-
Tag : Famous shayari
yuuñ churā.īñ us ne āñkheñ sādgī to dekhiye
bazm meñ goyā mirī jānib ishārā kar diyā
yun churain us ne aankhen sadgi to dekhiye
bazm mein goya meri jaanib ishaara kar diya
us ko bhūle to hue ho 'fānī'
kyā karoge vo agar yaad aayā
us ko bhule to hue ho 'fani'
kya karoge wo agar yaad aaya
-
Tag : Yaad
-
Share this
- See Ghazal
- Critique
- Comments
- Download
apnī jannat mujhe dikhlā na sakā tū vaa.iz
kūcha-e-yār meñ chal dekh le jannat merī
apni jannat mujhe dikhla na saka tu waiz
kucha-e-yar mein chal dekh le jannat meri
zindagī jabr hai aur jabr ke āsār nahīñ
haa.e is qaid ko zanjīr bhī darkār nahīñ
zindagi jabr hai aur jabr ke aasar nahin
hae is qaid ko zanjir bhi darkar nahin
ham haiñ us ke ḳhayāl kī tasvīr
jis kī tasvīr hai ḳhayāl apnā
hum hain us ke KHayal ki taswir
jis ki taswir hai KHayal apna
mere junūñ ko zulf ke saa.e se duur rakh
raste meñ chhāñv pā ke musāfir Thahar na jaa.e
mere junun ko zulf ke sae se dur rakh
raste mein chhanw pa ke musafir Thahar na jae
-
Tag : Zulf
-
Share this
- See Ghazal
- Critique
- Comments
- Download
dard-e-dil kī unheñ ḳhabar kyā ho
jāntā kaun hai parā.ī choT
dard-e-dil ki unhen KHabar kya ho
jaanta kaun hai parai choT
yuuñ na qātil ko jab yaqīñ aayā
ham ne dil khol kar dikhā.ī choT
yun na qatil ko jab yaqin aaya
hum ne dil khol kar dikhai choT
vo nazar kāmyāb ho ke rahī
dil kī bastī ḳharāb ho ke rahī
wo nazar kaamyab ho ke rahi
dil ki basti KHarab ho ke rahi
kisī ke ek ishāre meñ kis ko kyā na milā
bashar ko ziist milī maut ko bahāna milā
kisi ke ek ishaare mein kis ko kya na mila
bashar ko zist mili maut ko bahana mila
dil kā ujaḌnā sahl sahī basnā sahl nahīñ zālim
bastī basnā khel nahīñ baste baste bastī hai
dil ka ujaDna sahl sahi basna sahl nahin zalim
basti basna khel nahin baste baste basti hai
-
Tag : Dil
-
Share this
- See Ghazal
- Critique
- Comments
- Download
dil-e-marhūm ko ḳhudā baḳhshe
ek hī ġham-gusār thā na rahā
dil-e-marhum ko KHuda baKHshe
ek hi gham-gusar tha na raha
-
Tag : Dil
-
Share this
- See Ghazal
- Critique
- Comments
- Download
kafan ai gard-e-lahad dekh na mailā ho jaa.e
aaj hī ham ne ye kapḌe haiñ nahā ke badle
kafan ai gard-e-lahad dekh na maila ho jae
aaj hi hum ne ye kapDe hain naha ke badle
-
Share this
- See Ghazal
- Critique
- Comments
- Download
rone ke bhī ādāb huā karte haiñ 'fānī'
ye us kī galī hai terā ġham-ḳhāna nahīñ hai
rone ke bhi aadab hua karte hain 'fani'
ye us ki gali hai tera gham-KHana nahin hai
shikva-e-hijr pe sar kaaT ke farmāte haiñ
phir karoge kabhī is muñh se shikāyat merī
shikwa-e-hijr pe sar kaT ke farmate hain
phir karoge kabhi is munh se shikayat meri
ruuh ghabrā.ī huī phirtī hai merī laash par
kyā janāze par mere ḳhat kā javāb aane ko hai
ruh ghabrai hui phirti hai meri lash par
kya janaze par mere KHat ka jawab aane ko hai
-
Tag : Khat
-
Share this
- See Ghazal
- Critique
- Comments
- Download
muskurā.e vo hāl-e-dil sun kar
aur goyā javāb thā hī nahīñ
muskurae wo haal-e-dil sun kar
aur goya jawab tha hi nahin
phir kisī kī yaad ne taḌpā diyā
phir kaleja thaam kar ham rah ga.e
phir kisi ki yaad ne taDpa diya
phir kaleja tham kar hum rah gae
-
Tag : Yaad
-
Share this
- See Ghazal
- Critique
- Comments
- Download
roz-e-jazā gila to kyā shukr-e-sitam hī ban paḌā
haa.e ki dil ke dard ne dard ko dil banā diyā
roz-e-jaza gila to kya shukr-e-sitam hi ban paDa
hae ki dil ke dard ne dard ko dil bana diya
dair meñ yā haram meñ guzregī
umr tere hī ġham meñ guzregī
dair mein ya haram mein guzregi
umr tere hi gham mein guzregi
-
Share this
- See Ghazal
- Critique
- Comments
- Download
mujh tak us mahfil meñ phir jām-e-sharāb aane ko hai
umr-e-rafta palTī aatī hai shabāb aane ko hai
mujh tak us mahfil mein phir jam-e-sharab aane ko hai
umr-e-rafta palTi aati hai shabab aane ko hai
nahīñ zarūr ki mar jaa.eñ jāñ-nisār tere
yahī hai maut ki jiinā harām ho jaa.e
nahin zarur ki mar jaen jaan-nisar tere
yahi hai maut ki jina haram ho jae
tinkoñ se khelte hī rahe āshiyāñ meñ ham
aayā bhī aur gayā bhī zamāna bahār kā
tinkon se khelte hi rahe aashiyan mein hum
aaya bhi aur gaya bhi zamana bahaar ka
tark-e-ummīd bas kī baat nahīñ
varna ummīd kab bar aa.ī hai
tark-e-ummid bas ki baat nahin
warna ummid kab bar aai hai
-
Tag : Ummeed
-
Share this
- See Ghazal
- Critique
- Comments
- Download
aañkh uThā.ī hī thī ki khaa.ī choT
bach ga.ī aañkh dil pe aa.ī choT
aankh uThai hi thi ki khai choT
bach gai aankh dil pe aai choT
-
Share this
- See Ghazal
- Critique
- Comments
- Download
yuuñ na kisī tarah kaTī jab mirī zindagī kī raat
chheḌ ke dāstān-e-ġham dil ne mujhe sulā diyā
yun na kisi tarah kaTi jab meri zindagi ki raat
chheD ke dastan-e-gham dil ne mujhe sula diya
ruuh arbāb-e-mohabbat kī laraz jaatī hai
tū pashemān na ho apnī jafā yaad na kar
ruh arbab-e-mohabbat ki laraz jati hai
tu pasheman na ho apni jafa yaad na kar
kis ḳharābī se zindagī 'fānī'
is jahān-e-ḳharāb meñ guzrī
kis KHarabi se zindagi 'fani'
is jahan-e-KHarab mein guzri
kashti-e-e'tibār toḌ ke dekh
ki ḳhudā bhī hai nā-ḳhudā hī nahīñ
kashti-e-e'tibar toD ke dekh
ki KHuda bhi hai na-KHuda hi nahin
vo sub.h-e-īd kā manzar tire tasavvur meñ
vo dil meñ aa ke adā tere muskurāne kī
wo subh-e-id ka manzar tere tasawwur mein
wo dil mein aa ke ada tere muskurane ki
ai be-ḳhudī Thahr ki bahut din guzar ga.e
mujh ko ḳhayāl-e-yār kahīñ DhūñDtā na ho
ai be-KHudi Thahr ki bahut din guzar gae
mujh ko KHayal-e-yar kahin DhunDta na ho
jalva o dil meñ farq nahīñ jalve ko hī ab dil kahte haiñ
yaanī ishq kī hastī kā āġhāz to hai anjām nahīñ
jalwa o dil mein farq nahin jalwe ko hi ab dil kahte hain
yani ishq ki hasti ka aaghaz to hai anjam nahin
-
Share this
- See Ghazal
- Critique
- Comments
- Download
jiine bhī nahīñ dete marne bhī nahīñ dete
kyā tum ne mohabbat kī har rasm uThā Daalī
jine bhi nahin dete marne bhi nahin dete
kya tum ne mohabbat ki har rasm uTha Dali
-
Share this
- See Ghazal
- Critique
- Comments
- Download