zabt apna shiar tha na raha

zabt apnā shi.ār thā na rahā

dil pe kuchh iḳhtiyār thā na rahā

dil-e-marhūm ko ḳhudā baḳhshe

ek hī ġham-gusār thā na rahā

aa ki vaqt-e-sukūn-e-marg aayā

naala nā-ḳhush-gavār thā na rahā

un kī be-mehriyoñ ko kyā mālūm

koī ummīd-vār thā na rahā

aah kā e'tibār bhī kab tak

aah kā e'tibār thā na rahā

kuchh zamāne ko sāzgār sahī

jo hameñ sāzgār thā na rahā

ab garebāñ kahīñ se chaak nahīñ

shuġhl-e-fasl-e-bahār thā na rahā

maut kā intizār baaqī hai

aap kā intizār thā na rahā

mehrbāñ ye mazār-e-'fānī' hai

aap kā jāñ-nisār thā na rahā

zabt apna shiar tha na raha

dil pe kuchh iKHtiyar tha na raha

dil-e-marhum ko KHuda baKHshe

ek hi gham-gusar tha na raha

aa ki waqt-e-sukun-e-marg aaya

nala na-KHush-gawar tha na raha

un ki be-mehriyon ko kya malum

koi ummid-war tha na raha

aah ka e'tibar bhi kab tak

aah ka e'tibar tha na raha

kuchh zamane ko sazgar sahi

jo hamein sazgar tha na raha

ab gareban kahin se chaak nahin

shughl-e-fasl-e-bahaar tha na raha

maut ka intizar baqi hai

aap ka intizar tha na raha

mehrban ye mazar-e-'fani' hai

aap ka jaan-nisar tha na raha