Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Jamal Ehsani's Photo'

Jamal Ehsani

1951 - 1998 | Karachi, Pakistan

One of most prominent post-modern Pakistani poets, known for the uniqueness of his poetic experience.

One of most prominent post-modern Pakistani poets, known for the uniqueness of his poetic experience.

Sher of Jamal Ehsani

23.1K
Favorite

SORT BY

yaad rakhnā mohabbat meñ nahīñ hai sab kuchh

bhuul jaanā bhī baḌī baat huā kartī hai

yaad rakhna hi mohabbat mein nahin hai sab kuchh

bhul jaana bhi baDi baat hua karti hai

us ne bārish meñ bhī khiḌkī khol ke dekhā nahīñ

bhīgne vāloñ ko kal kyā kyā pareshānī huī

us ne barish mein bhi khiDki khol ke dekha nahin

bhigne walon ko kal kya kya pareshani hui

tamām raat nahāyā thā shahr bārish meñ

vo rañg utar ga.e jo utarne vaale the

tamam raat nahaya tha shahr barish mein

wo rang utar hi gae jo utarne wale the

qarār dil ko sadā jis ke naam se aayā

vo aayā bhī to kisī aur kaam se aayā

qarar dil ko sada jis ke nam se aaya

wo aaya bhi to kisi aur kaam se aaya

'jamāl' har shahr se hai pyārā vo shahr mujh ko

jahāñ se dekhā thā pahlī baar āsmān maiñ ne

'jamal' har shahr se hai pyara wo shahr mujh ko

jahan se dekha tha pahli bar aasman main ne

ye ġham nahīñ hai ki ham donoñ ek ho na sake

ye rañj hai ki koī darmiyān meñ bhī na thā

ye gham nahin hai ki hum donon ek ho na sake

ye ranj hai ki koi darmiyan mein bhi na tha

ḳhud jise mehnat mashaqqat se banātā huuñ 'jamāl'

chhoḌ detā huuñ vo rasta aam ho jaane ke ba.ad

KHud jise mehnat mashaqqat se banata hun 'jamal'

chhoD deta hun wo rasta aam ho jaane ke baad

usī maqām pe kal mujh ko dekh kar tanhā

bahut udaas hue phuul bechne vaale

usi maqam pe kal mujh ko dekh kar tanha

bahut udas hue phul bechne wale

ik safar meñ koī do baar nahīñ luT saktā

ab dobāra tirī chāhat nahīñ saktī

ek safar mein koi do bar nahin luT sakta

ab dobara teri chahat nahin ki ja sakti

duniyā pasand aane lagī dil ko ab bahut

samjho ki ab ye baaġh bhī murjhāne vaalā hai

duniya pasand aane lagi dil ko ab bahut

samjho ki ab ye bagh bhi murjhane wala hai

hazār tarah ke the ranj pichhle mausam meñ

par itnā thā ki koī saath rone vaalā thā

hazar tarah ke the ranj pichhle mausam mein

par itna tha ki koi sath rone wala tha

kisī bhī vaqt badal saktā hai lamha koī

is qadar ḳhush bhī na ho merī pareshānī par

kisi bhi waqt badal sakta hai lamha koi

is qadar KHush bhi na ho meri pareshani par

us ek chhoTe se qasbe pe rail Thahrī nahīñ

vahāñ bhī chand musāfir utarne vaale the

us ek chhoTe se qasbe pe rail Thahri nahin

wahan bhi chand musafir utarne wale the

ye kaun aane jaane lagā us galī meñ ab

ye kaun merī dāstāñ dohrāne vaalā hai

ye kaun aane jaane laga us gali mein ab

ye kaun meri dastan dohrane wala hai

sub.h aatā huuñ yahāñ aur shaam ho jaane ke ba.ad

lauT jaatā huuñ maiñ ghar nākām ho jaane ke ba.ad

subh aata hun yahan aur sham ho jaane ke baad

lauT jata hun main ghar nakaam ho jaane ke baad

hārne vāloñ ne is ruḳh se bhī sochā hogā

sar kaTānā hai to hathiyār na Daale jaa.eñ

haarne walon ne is ruKH se bhi socha hoga

sar kaTana hai to hathiyar na Dale jaen

kyā kahūñ uubne lagā huuñ 'jamāl'

ek jaise sub.h o shaam se maiñ

kya kahun ubne laga hun 'jamal'

ek hi jaise subh o sham se main

thakan bahut thī magar sāya-e-shajar meñ 'jamāl'

maiñ baiThtā to mirā ham-safar chalā jaatā

thakan bahut thi magar saya-e-shajar mein 'jamal'

main baiThta to mera ham-safar chala jata

ḳhatm hone ko haiñ ashkoñ ke zaḳhīre bhī 'jamāl'

ro.e kab tak koī is shahr vīrānī par

KHatm hone ko hain ashkon ke zaKHire bhi 'jamal'

roe kab tak koi is shahr ki virani par

jāntā huuñ mire qissa-go ne

asl qisse ko chhupā rakkhā hai

jaanta hun mere qissa-go ne

asl qisse ko chhupa rakkha hai

mujh ko mālūm hai merī ḳhātir

kahīñ ik jaal bunā rakkhā hai

mujh ko malum hai meri KHatir

kahin ek jal buna rakkha hai

sunte haiñ us ne DhūñD liyā aur koī ghar

ab tak jo aañkh thī tire dar par lagī huī

sunte hain us ne DhunD liya aur koi ghar

ab tak jo aankh thi tere dar par lagi hui

na ajnabī hai koī aur na āshnā koī

akele-pan bhī hotī hai intihā koī

na ajnabi hai koi aur na aashna koi

akele-pan ki bhi hoti hai intiha koi

jo pahle roz se do āñganoñ meñ thā haa.il

vo fāsla to zamīn āsmān meñ bhī na thā

jo pahle roz se do aanganon mein tha hail

wo fasla to zamin aasman mein bhi na tha

tire na aane se dil bhī nahīñ dukhā shāyad

vagarna kyā maiñ sar-e-shām sone vaalā thā

tere na aane se dil bhi nahin dukha shayad

wagarna kya main sar-e-sham sone wala tha

aur ab ye chāhtā huuñ koī ġham baTā.e mirā

maiñ apnī miTTī kabhī aap Dhone vaalā thā

aur ab ye chahta hun koi gham baTae mera

main apni miTTi kabhi aap Dhone wala tha

ham aise be-hunaroñ meñ hai jo salīqa-e-zīst

tire dayār meñ pal-bhar qayām se aayā

hum aise be-hunaron mein hai jo saliqa-e-zist

tere dayar mein pal-bhar qayam se aaya

ye kis maqām pe sūjhī tujhe bichhaḌne

ki ab to ke kahīñ din sañvarne vaale the

ye kis maqam pe sujhi tujhe bichhaDne ki

ki ab to ja ke kahin din sanwarne wale the

bikhar gayā hai jo motī pirone vaalā thā

vo ho rahā hai yahāñ jo na hone vaalā thā

TRANSLATION

The one who threaded the pearls, has got scattered,

What is happening here was not something expected.

Sagar Akbarabadi

bikhar gaya hai jo moti pirone wala tha

wo ho raha hai yahan jo na hone wala tha

TRANSLATION

The one who threaded the pearls, has got scattered,

What is happening here was not something expected.

Sagar Akbarabadi

mere hone se na honā hai mirā

aag jalne se dhuāñ ābād hai

mere hone se na hona hai mera

aag jalne se dhuan aabaad hai

maa.eñ darvāzoñ par haiñ

bārish hone vaalī hai

maen darwazon par hain

barish hone wali hai

jo kuchh in āñkhoñ ne dekhā hai maiñ us kyā karūñ

shahr meñ phailī huī jhūTī ḳhabar apnī jagah

jo kuchh in aankhon ne dekha hai main us ka kya karun

shahr mein phaili hui jhuTi KHabar apni jagah

is raste par pīchhe se itnī āvāzeñ aa.iiñ 'jamāl'

ek jagah to ghuum ke rah ga.ī eḌī sīdhe paañv

is raste par pichhe se itni aawazen aain 'jamal'

ek jagah to ghum ke rah gai eDi sidhe panw ki

vo log mere bahut pyaar karne vaale the

guzar ga.e haiñ jo mausam guzarne vaale the

wo log mere bahut pyar karne wale the

guzar gae hain jo mausam guzarne wale the

vo intiqām ātish thī mere siine meñ

milā na koī to ḳhud ko pachhāḌ aayā huuñ

wo intiqam ki aatish thi mere sine mein

mila na koi to KHud ko pachhaD aaya hun

kaun hai is rim-jhim ke pīchhe chhupā huā

ye aañsū saare ke saare kis ke haiñ

kaun hai is rim-jhim ke pichhe chhupa hua

ye aansu sare ke sare kis ke hain

mirā kamāl ki maiñ is fazā meñ zinda huuñ

du'ā na milte hue aur havā na hote hue

mera kamal ki main is faza mein zinda hun

du'a na milte hue aur hawa na hote hue

jo mere zikr par ab qahqahe lagātā hai

bichhaḌte vaqt koī haal dekhtā us

jo mere zikr par ab qahqahe lagata hai

bichhaDte waqt koi haal dekhta us ka

charāġh sāmne vaale makān meñ bhī na thā

ye sāneha mire vahm-o-gumān meñ bhī na thā

charagh samne wale makan mein bhi na tha

ye saneha mere wahm-o-guman mein bhi na tha

na ranj-e-hijrat thā aur na shauq-e-safar thā dil meñ

sab apne apne gunāh bojh Dho rahe the

na ranj-e-hijrat tha aur na shauq-e-safar tha dil mein

sab apne apne gunah ka bojh Dho rahe the

jo dil ke taaq meñ ne charāġh rakkhā thā

na pūchh maiñ ne use kis tarah sitāra kiyā

jo dil ke taq mein tu ne charagh rakkha tha

na puchh main ne use kis tarah sitara kiya

kisī ke hone na hone ke baare meñ aksar

akele-pan meñ baḌe dhyān jaayā karte haiñ

kisi ke hone na hone ke bare mein aksar

akele-pan mein baDe dhyan jaya karte hain

charāġh bujhte chale rahe haiñ silsila-vār

maiñ ḳhud ko dekh rahā huuñ fasāna hote hue

charagh bujhte chale ja rahe hain silsila-war

main KHud ko dekh raha hun fasana hote hue

vo jis muñDer pe chhoḌ aayā apnī āñkheñ maiñ

charāġh hotā to lau bhuul kar chalā jaatā

wo jis munDer pe chhoD aaya apni aankhen main

charagh hota to lau bhul kar chala jata

do jīvan tārāj hue tab puurī huī baat

kaisā phuul khilā hai aur kaisī vīrānī meñ

do jiwan taraj hue tab puri hui baat

kaisa phul khila hai aur kaisi virani mein

na.e sire se jal uTThī hai phir purānī aag

ajiib lutf tujhe bhūlne meñ aayā hai

nae sire se jal uTThi hai phir purani aag

ajib lutf tujhe bhulne mein aaya hai

ik aadmī se tark-e-marāsim ke ba.ad ab

kyā us galī se koī guzarnā bhī chhoḌ de

ek aadmi se tark-e-marasim ke baad ab

kya us gali se koi guzarna bhi chhoD de

ye jo laḌtā-jhagaḌtā huuñ sab se

bach rahā huuñ qubūl-e-ām se maiñ

ye jo laDta-jhagaDta hun sab se

bach raha hun qubul-e-am se main

ik lahar us aañkh meñ hai hausla-shikan

ik rañg us ke chehre pe bahkāne vaalā hai

ek lahar us ki aankh mein hai hausla-shikan

ek rang us ke chehre pe bahkane wala hai

din guzarte rahe haiñ aur hujūm-e-ḳhush-gumāñ

muntazir baiThā hai aab o ḳhaak se bichhḌā huā

din guzarte ja rahe hain aur hujum-e-KHush-guman

muntazir baiTha hai aab o KHak se bichhDa hua

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now