zara si baat pe dil se bigaD aaya hun
zarā sī baat pe dil se bigāḌ aayā huuñ
banā banāyā huā ghar ujaaḌ aayā huuñ
vo intiqām kī ātish thī mere siine meñ
milā na koī to ḳhud ko pachhāḌ aayā huuñ
maiñ is jahān kī qismat badalne niklā thā
aur apne haath kā likkhā hī phaaḌ aayā huuñ
ab apne dūsre phere ke intizār meñ huuñ
jahāñ jahāñ mire dushman haiñ taaḌ aayā huuñ
maiñ us galī meñ gayā aur dil o nigāh samet
'jamāl' jeb meñ jo kuchh thā jhaaḌ aayā huuñ
zara si baat pe dil se bigaD aaya hun
bana banaya hua ghar ujaD aaya hun
wo intiqam ki aatish thi mere sine mein
mila na koi to KHud ko pachhaD aaya hun
main is jahan ki qismat badalne nikla tha
aur apne hath ka likkha hi phaD aaya hun
ab apne dusre phere ke intizar mein hun
jahan jahan mere dushman hain taD aaya hun
main us gali mein gaya aur dil o nigah samet
'jamal' jeb mein jo kuchh tha jhaD aaya hun
- Book : Akelepan Ki Intiha (Pg. 64)
- Author : Jamal Ehsani
- Publication : Rekhta Publications (2018)
- Edition : First
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
