charagh samne wale makan mein bhi na tha
charāġh sāmne vaale makān meñ bhī na thā
ye sāneha mire vahm-o-gumān meñ bhī na thā
jo pahle roz se do āñganoñ meñ thā haa.il
vo fāsla to zamīn āsmān meñ bhī na thā
ye ġham nahīñ hai ki ham donoñ ek ho na sake
ye rañj hai ki koī darmiyān meñ bhī na thā
havā na jaane kahāñ le ga.ī vo tiir ki jo
nishāne par bhī na thā aur kamān meñ bhī na thā
'jamāl' pahlī shanāsā.ī kā vo ik lamha
use bhī yaad na thā mere dhyān meñ bhī na thā
charagh samne wale makan mein bhi na tha
ye saneha mere wahm-o-guman mein bhi na tha
jo pahle roz se do aanganon mein tha hail
wo fasla to zamin aasman mein bhi na tha
ye gham nahin hai ki hum donon ek ho na sake
ye ranj hai ki koi darmiyan mein bhi na tha
hawa na jaane kahan le gai wo tir ki jo
nishane par bhi na tha aur kaman mein bhi na tha
'jamal' pahli shanasai ka wo ek lamha
use bhi yaad na tha mere dhyan mein bhi na tha
- Book : Akelepan Ki Intiha (Pg. 21)
- Author : Jamal Ehsani
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
