sawera ho bhi chuka aur raat baqi hai
saverā ho bhī chukā aur raat baaqī hai
zarūr dil meñ abhī koī baat baaqī hai
ye log kis qadar ārām se haiñ baiThe hue
agarche hone ko ik vārdāt baaqī hai
kuchh aur zaḳhm-e-mohabbat meñ baḌh ga.ī hai kasak
ye soch kar ki abhī to hayāt baaqī hai
ye ġham judā hai bahut jald-bāz the ham tum
ye dukh alag hai abhī kā.enāt baaqī hai
jo merī terī mulāqāt kā sabab thā kabhī
vo lamha tere bichhaḌne ke saath baaqī hai
tamām beḌiyāñ to kaaT Daalī haiñ lekin
'jamāl' qaid-e-nafs se najāt baaqī hai
sawera ho bhi chuka aur raat baqi hai
zarur dil mein abhi koi baat baqi hai
ye log kis qadar aaram se hain baiThe hue
agarche hone ko ek wardat baqi hai
kuchh aur zaKHm-e-mohabbat mein baDh gai hai kasak
ye soch kar ki abhi to hayat baqi hai
ye gham juda hai bahut jald-baz the hum tum
ye dukh alag hai abhi kaenat baqi hai
jo meri teri mulaqat ka sabab tha kabhi
wo lamha tere bichhaDne ke sath baqi hai
tamam beDiyan to kaT Dali hain lekin
'jamal' qaid-e-nafs se najat baqi hai
- Book : Akelepan Ki Intiha (Pg. 120)
- Author :Jamal Ehsani
- Publication : Rekhta Publications (2018)
- Edition : First
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
