sitare ka raaz rakh liya mehman maine

sitāre kā raaz rakh liyā mehmān maiñ ne

ik ujle ḳhvāb aur aañkh ke darmiyān maiñ ne

chaḌhā hai jab chāñd āsmāñ par to bojh utrā

sunā dī har sone vaale ko dāstān maiñ ne

tamām tesha-ba-dast hairat meñ gum hue haiñ

charāġh se kaaT dī havā kī chaTān maiñ ne

maiñ dhuup meñ kyuuñ kisī kā ehsānmand hotā

ḳhud apne saa.e ko kar liyā sā.ebān maiñ ne

'jamāl' har shahr se hai pyārā vo shahr mujh ko

jahāñ se dekhā thā pahlī baar āsmān maiñ ne

sitare ka raaz rakh liya mehman main ne

ek ujle KHwab aur aankh ke darmiyan main ne

chaDha hai jab chand aasman par to bojh utra

suna di har sone wale ko dastan main ne

tamam tesha-ba-dast hairat mein gum hue hain

charagh se kaT di hawa ki chaTan main ne

main dhup mein kyun kisi ka ehsanmand hota

KHud apne sae ko kar liya saeban main ne

'jamal' har shahr se hai pyara wo shahr mujh ko

jahan se dekha tha pahli bar aasman main ne