قید پر اشعار

مجھ سے قفس کا دروازہ کیا ٹوٹے گا

پاؤں پڑی زنجیر میں کھوئی رہتی ہوں

قفس میں رہ کے نہ روتے اگر یہ جانتے ہم

چمن میں رہ کے بھی رونا ہے بال و پر کے لئے

کہہ رہے ہیں وہ بنا کر زلف کو

مجرمان عشق کی زنجیر دیکھ

وہ دیواروں میں چنوانے کا منظر اب نہیں دکھتا

محبت پر مگر بندش جو پہلے تھی سو اب بھی ہے

چھیڑتی ہے مجھے آ آ کے مری آزادی

گو میں قیدی ہوں مرے پاؤں میں زنجیر بھی ہے

قید آوارگیٔ جاں ہی بہت ہے مجھ کو

ایک دیوار مری روح کے اندر نہ بنا

گراں ہے اتنی لبوں پر حروف کی زنجیر

زباں پہ قید ہو جیسے کلام کرنے کی

شجر کی یاد رلاتی ہی تھی مگر اب تو

جو آشیاں کے برابر تھا وہ قفس بھی گیا

روح بے چین ہے اتنی کہ دعا کرتا ہوں

عمر کی قید سے مل جائے رہائی مجھ کو

بند کمرے میں مجھے قید کیا ہے کس نے

میں ہوں اک چیخ فضاؤں میں بکھرنے دو مجھے

روز زندان کی دیوار پہ لکھتا ہے کوئی

ہائے تنہائی سلاسل سے کہیں بھاری ہے

خط و کاکل و زلف و انداز و ناز

ہوئیں دام رہ صد گرفتاریاں

زندگانی اسیر کرنے کو

گیسوؤں کا یہ جال اچھا ہے

کھینچتے ہو ہر جانب کس لیے لکیریں سی

میں نہ کوئی راون ہوں میں نہ کوئی سیتا ہوں

ہم برسوں سے پتھر کے اس شہر میں ہیں

کیسا ہے شیشے کا جہاں معلوم نہیں

گاہ ہو جاتا ہوں میں اپنی انا کا قیدی

میں نہ آؤں تو پھر آ کر مجھے چھڑوائے گا

کھلی فضا مجھے عزیز ہے پر اس کو کیا کروں

بچھا ہوا زمیں سے آسماں تک ایک جال ہے

دفن کر دے مجھے چٹانوں میں

اور آنکھیں خلاؤں میں کھولے

قفس کی چار دیواری میں اب میں مطمئن ہوں

حوادث صاحب اولاد بھی ہو جائیں تو کیا

تو گلشن حیات سے نسیم کی طرح گزر

فریب خار و خس نہ کھا اسیر رنگ و بو نہ ہو

میرے ہی جسم کے زنداں میں مجھے اے نجمیؔ

قید کر رکھا ہے خود میری انا نے مجھ کو

ہم تو بیٹھے ہی رہے اپنی اسیری کو لئے

بننے والا کام بے وہم و گماں بنتا گیا

قفس کے خوف نے جکڑی ہوئی ہے رونق جاں

وجود کرب مسلسل فرار چاہتا ہے