Sher of Amjad Islam Amjad
jis taraf tū hai udhar hoñgī sabhī kī nazreñ
iid ke chāñd kā dīdār bahāna hī sahī
jis taraf tu hai udhar hongi sabhi ki nazren
id ke chand ka didar bahana hi sahi
kahāñ aa ke rukne the rāste kahāñ moḌ thā use bhuul jā
vo jo mil gayā use yaad rakh jo nahīñ milā use bhuul jā
kahan aa ke rukne the raste kahan moD tha use bhul ja
wo jo mil gaya use yaad rakh jo nahin mila use bhul ja
chehre pe mire zulf ko phailāo kisī din
kyā roz garajte ho baras jaao kisī din
chehre pe mere zulf ko phailao kisi din
kya roz garajte ho baras jao kisi din
-
Share this
- See Ghazal
- Critique
- Comments
- Download
baḌe sukūn se Duube the Dūbne vaale
jo sāhiloñ pe khaḌe the bahut pukāre bhī
baDe sukun se Dube the Dubne wale
jo sahilon pe khaDe the bahut pukare bhi
-
Share this
- See Ghazal
- Critique
- Comments
- Download
kyā ho jaatā hai in hañste jiite jāgte logoñ ko
baiThe baiThe kyuuñ ye ḳhud se bāteñ karne lagte haiñ
kya ho jata hai in hanste jite jagte logon ko
baiThe baiThe kyun ye KHud se baaten karne lagte hain
-
Share this
- See Ghazal
- Critique
- Comments
- Download
likhā thā ek taḳhtī par koī bhī phuul mat toḌe magar āñdhī to an-paḌh thī
so jab vo baaġh se guzrī koī ukhḌā koī TuuTā ḳhizāñ ke āḳhirī din the
likha tha ek taKHti par koi bhi phul mat toDe magar aandhi to an-paDh thi
so jab wo bagh se guzri koi ukhDa koi TuTa KHizan ke aaKHiri din the
-
Share this
- See Ghazal
- Critique
- Comments
- Download
jahāñ ho pyaar ġhalat-fahmiyāñ bhī hotī haiñ
so baat baat pe yuuñ dil burā nahīñ karte
jahan ho pyar ghalat-fahmiyan bhi hoti hain
so baat baat pe yun dil bura nahin karte
-
Share this
- See Ghazal
- Critique
- Comments
- Download
us ke lahje meñ barf thī lekin
chhū ke dekhā to haath jalne lage
us ke lahje mein barf thi lekin
chhu ke dekha to hath jalne lage
-
Share this
- See Ghazal
- Critique
- Comments
- Download
jaise bārish se dhule sehn-e-gulistāñ 'amjad'
aañkh jab ḳhushk huī aur bhī chehrā chamkā
jaise barish se dhule sehn-e-gulistan 'amjad'
aankh jab KHushk hui aur bhi chehra chamka
vo tire nasīb kī bārisheñ kisī aur chhat pe baras ga.iiñ
dil-e-be-ḳhabar mirī baat sun use bhuul jā use bhuul jā
wo tere nasib ki barishen kisi aur chhat pe baras gain
dil-e-be-KHabar meri baat sun use bhul ja use bhul ja
-
Share this
- See Ghazal
- Critique
- Comments
- Download
kis qadar yādeñ ubhar aa.ī haiñ tere naam se
ek patthar pheñkne se paḌ ga.e kitne bhañvar
kis qadar yaaden ubhar aai hain tere nam se
ek patthar phenkne se paD gae kitne bhanwar
-
Share this
- See Ghazal
- Critique
- Comments
- Download
savāl ye hai ki aapas meñ ham mileñ kaise
hamesha saath to chalte haiñ do kināre bhī
sawal ye hai ki aapas mein hum milen kaise
hamesha sath to chalte hain do kinare bhi
-
Tag : Sawal
-
Share this
- See Ghazal
- Critique
- Comments
- Download
har samundar kā ek sāhil hai
hijr kī raat kā kinārā nahīñ
har samundar ka ek sahil hai
hijr ki raat ka kinara nahin
-
Share this
- See Ghazal
- Critique
- Comments
- Download
guzreñ jo mere ghar se to ruk jaa.eñ sitāre
is tarah mirī raat ko chamkāo kisī din
guzren jo mere ghar se to ruk jaen sitare
is tarah meri raat ko chamkao kisi din
-
Share this
- See Ghazal
- Critique
- Comments
- Download
jaise rail kī har khiḌkī kī apnī apnī duniyā hai
kuchh manzar to ban nahīñ paate kuchh pīchhe rah jaate haiñ
jaise rail ki har khiDki ki apni apni duniya hai
kuchh manzar to ban nahin pate kuchh pichhe rah jate hain
-
Share this
- See Ghazal
- Critique
- Comments
- Download
har baat jānte hue dil māntā na thā
ham jaane e'tibār ke kis marhale meñ the
har baat jaante hue dil manta na tha
hum jaane e'tibar ke kis marhale mein the
ek nazar dekhā thā us ne aage yaad nahīñ
khul jaatī hai dariyā kī auqāt samundar meñ
ek nazar dekha tha us ne aage yaad nahin
khul jati hai dariya ki auqat samundar mein
-
Share this
- See Ghazal
- Critique
- Comments
- Download
be-samar peḌoñ ko chūmeñge sabā ke sabz lab
dekh lenā ye ḳhizāñ be-dast-o-pā rah jā.egī
be-samar peDon ko chumenge saba ke sabz lab
dekh lena ye KHizan be-dast-o-pa rah jaegi
-
Share this
- See Ghazal
- Critique
- Comments
- Download
hādisa bhī hone meñ vaqt kuchh to letā hai
baḳht ke bigaḌne meñ der kuchh to lagtī hai
hadisa bhi hone mein waqt kuchh to leta hai
baKHt ke bigaDne mein der kuchh to lagti hai
-
Share this
- See Ghazal
- Critique
- Comments
- Download
zindagī dard bhī davā bhī thī
ham-safar bhī gurez-pā bhī thī
zindagi dard bhi dawa bhi thi
ham-safar bhi gurez-pa bhi thi
-
Share this
- See Ghazal
- Critique
- Comments
- Download
us ne āhista se jab pukārā mujhe
jhuk ke takne lagā har sitārā mujhe
us ne aahista se jab pukara mujhe
jhuk ke takne laga har sitara mujhe
-
Share this
- See Ghazal
- Critique
- Comments
- Download
kuchh aisī be-yaqīnī thī fazā meñ
jo apne the vo begāne lage haiñ
kuchh aisi be-yaqini thi faza mein
jo apne the wo begane lage hain
-
Share this
- See Ghazal
- Critique
- Comments
- Download
peḌoñ kī tarah husn kī bārish meñ nahā luuñ
bādal kī tarah jhuum ke ghar aao kisī din
peDon ki tarah husn ki barish mein naha lun
baadal ki tarah jhum ke ghar aao kisi din
-
Share this
- See Ghazal
- Critique
- Comments
- Download
sunā hai kānoñ ke kachche ho tum bahut so ham
tumhāre shahr meñ sab se banā ke rakhte haiñ
suna hai kanon ke kachche ho tum bahut so hum
tumhaare shahr mein sab se bana ke rakhte hain
kamāl-e-husn hai husn-e-kamāl se bāhar
azal kā rañg hai jaise misāl se bāhar
kamal-e-husn hai husn-e-kamal se bahar
azal ka rang hai jaise misal se bahar
-
Share this
- See Ghazal
- Critique
- Comments
- Download
ye jo hāsil hameñ har shai kī farāvānī hai
ye bhī to apnī jagah ek pareshānī hai
ye jo hasil hamein har shai ki farawani hai
ye bhi to apni jagah ek pareshani hai
-
Share this
- See Ghazal
- Critique
- Comments
- Download
saa.e Dhalne charāg jalne lage
log apne gharoñ ko chalne lage
sae Dhalne charag jalne lage
log apne gharon ko chalne lage
-
Tag : Shaam
-
Share this
- See Ghazal
- Critique
- Comments
- Download
phir aaj kaise kaTegī pahāḌ jaisī raat
guzar gayā hai yahī baat sochte hue din
phir aaj kaise kaTegi pahaD jaisi raat
guzar gaya hai yahi baat sochte hue din
-
Share this
- See Ghazal
- Critique
- Comments
- Download
tire firāq kī sadiyāñ tire visāl ke pal
shumār-e-umr meñ ye maah o saal se kuchh haiñ
tere firaq ki sadiyan tere visal ke pal
shumar-e-umr mein ye mah o sal se kuchh hain
-
Share this
- See Ghazal
- Critique
- Comments
- Download
baat to kuchh bhī nahīñ thiiñ lekin us kā ek dam
haath ko hoñToñ pe rakh kar roknā achchhā lagā
baat to kuchh bhi nahin thin lekin us ka ek dam
hath ko honTon pe rakh kar rokna achchha laga
-
Share this
- See Ghazal
- Critique
- Comments
- Download
tumhī ne kaun sī achchhā.ī kī hai
chalo maanā ki maiñ achchhā nahīñ thā
tumhi ne kaun si achchhai ki hai
chalo mana ki main achchha nahin tha
-
Share this
- See Ghazal
- Critique
- Comments
- Download
hameñ hamārī anā.eñ tabāh kar deñgī
mukālme kā agar silsila nahīñ karte
hamein hamari anaen tabah kar dengi
mukalme ka agar silsila nahin karte
-
Share this
- See Ghazal
- Critique
- Comments
- Download
maanā nazar ke sāmne hai be-shumār dhuñd
hai dekhnā ki dhuñd ke is paar kaun hai
mana nazar ke samne hai be-shumar dhund
hai dekhna ki dhund ke is par kaun hai
-
Share this
- See Ghazal
- Critique
- Comments
- Download
bevafā to vo ḳhair thā 'amjad'
lekin us meñ kahīñ vafā bhī thī
bewafa to wo KHair tha 'amjad'
lekin us mein kahin wafa bhi thi
-
Share this
- See Ghazal
- Critique
- Comments
- Download
dūriyāñ simaTne meñ der kuchh to lagtī hai
ranjishoñ ke miTne meñ der kuchh to lagtī hai
duriyan simaTne mein der kuchh to lagti hai
ranjishon ke miTne mein der kuchh to lagti hai
-
Share this
- See Ghazal
- Critique
- Comments
- Download
yuuñ to har raat chamakte haiñ sitāre lekin
vasl kī raat bahut sub.h kā taarā chamkā
yun to har raat chamakte hain sitare lekin
wasl ki raat bahut subh ka tara chamka
tum hī ne paañv na rakkhā vagarna vasl kī shab
zamīñ pe ham ne sitāre bichhā ke rakkhe the
tum hi ne panw na rakkha wagarna wasl ki shab
zamin pe hum ne sitare bichha ke rakkhe the
-
Share this
- See Ghazal
- Critique
- Comments
- Download
sadiyāñ jin meñ zinda hoñ vo sach bhī marne lagte haiñ
dhuup āñkhoñ tak aa jaa.e to ḳhvāb bikharne lagte haiñ
sadiyan jin mein zinda hon wo sach bhi marne lagte hain
dhup aankhon tak aa jae to KHwab bikharne lagte hain
-
Share this
- See Ghazal
- Critique
- Comments
- Download
qadam uThā hai to paañv tale zamīñ hī nahīñ
safar kā ranj hameñ ḳhvāhish-e-safar se huā
qadam uTha hai to panw tale zamin hi nahin
safar ka ranj hamein KHwahish-e-safar se hua
-
Share this
- See Ghazal
- Critique
- Comments
- Download
bichhaḌ ke tujh se na jī paa.e muḳhtasar ye hai
is ek baat se niklī hai dāstāñ kyā kyā
bichhaD ke tujh se na ji pae muKHtasar ye hai
is ek baat se nikli hai dastan kya kya
-
Share this
- See Ghazal
- Critique
- Comments
- Download
aañkh bhī apnī sarāb-ālūd hai
aur is dariyā meñ paanī bhī nahīñ
aankh bhi apni sarab-alud hai
aur is dariya mein pani bhi nahin
-
Share this
- See Ghazal
- Critique
- Comments
- Download
fazā meñ tairte rahte haiñ naqsh se kyā kyā
mujhe talāsh na kartī hoñ ye balā.eñ kahīñ
faza mein tairte rahte hain naqsh se kya kya
mujhe talash na karti hon ye balaen kahin
-
Share this
- See Ghazal
- Critique
- Comments
- Download
ye jo saa.e se bhaTakte haiñ hamāre ird-gird
chhū ke un ko dekhiye to vāhima koī nahīñ
ye jo sae se bhaTakte hain hamare ird-gird
chhu ke un ko dekhiye to wahima koi nahin
-
Share this
- See Ghazal
- Critique
- Comments
- Download
dard kā rasta hai yā hai sā.at-e-roz-e-hisāb
saikaḌoñ logoñ ko rokā ek bhī Thahrā nahīñ
dard ka rasta hai ya hai saat-e-roz-e-hisab
saikaDon logon ko roka ek bhi Thahra nahin
-
Share this
- See Ghazal
- Critique
- Comments
- Download
na us kā ant hai koī na isti.āra hai
ye dāstān hai hijr-o-visāl se bāhar
na us ka ant hai koi na istiara hai
ye dastan hai hijr-o-visal se bahar
-
Share this
- See Ghazal
- Critique
- Comments
- Download
itne ḳhadshe nahīñ haiñ rastoñ meñ
jis qadar ḳhvāhish-e-safar meñ haiñ
itne KHadshe nahin hain raston mein
jis qadar KHwahish-e-safar mein hain
-
Share this
- See Ghazal
- Critique
- Comments
- Download
dām-e-ḳhushbū meñ giraftār sabā hai kab se
lafz iz.hār kī uljhan meñ paḌā hai kab se
dam-e-KHushbu mein giraftar saba hai kab se
lafz izhaar ki uljhan mein paDa hai kab se
-
Share this
- See Ghazal
- Critique
- Comments
- Download
āñkhoñ meñ kaise tan ga.ī dīvār-e-be-hisī
sīnoñ meñ ghuT ke rah ga.ī āvāz kis tarah
aankhon mein kaise tan gai diwar-e-be-hisi
sinon mein ghuT ke rah gai aawaz kis tarah
-
Share this
- See Ghazal
- Critique
- Comments
- Download
shahr-e-suḳhan meñ aisā kuchh kar izzat ban jaa.e
sab kuchh miTTī ho jaatā hai izzat rahtī hai
shahr-e-suKHan mein aisa kuchh kar izzat ban jae
sab kuchh miTTi ho jata hai izzat rahti hai
-
Share this
- See Ghazal
- Critique
- Comments
- Download
tiir aayā thā jidhar ye mire shahr ke log
kitne saadā haiñ ki marham bhī vahīñ dekhte haiñ
tir aaya tha jidhar ye mere shahr ke log
kitne sada hain ki marham bhi wahin dekhte hain
-
Share this
- See Ghazal
- Critique
- Comments
- Download