sainkaDon hi rahnuma hain rasta koi nahin

saiñkaḌoñ hī rahnumā haiñ rāsta koī nahīñ

aa.ine chāroñ taraf haiñ dekhtā koī nahīñ

sab ke sab haiñ apne apne dā.ere kī qaid meñ

dā.eroñ kī had se bāhar sochtā koī nahīñ

sirf mātam aur zaarī se hī jis kā hal mile

is tarah kā to kahīñ bhī mas.ala koī nahīñ

ye jo saa.e se bhaTakte haiñ hamāre ird-gird

chhū ke un ko dekhiye to vāhima koī nahīñ

jo huā ye darj thā pahle hī apne baḳht meñ

is kā matlab to huā ki bevafā koī nahīñ

tere raste meñ khaḌe haiñ sirf tujh ko dekhne

mudda.ā pūchho to apnā mudda.ā koī nahīñ

kun-fakāñ ke bhed se maulā mujhe āgāh kar

kaun huuñ maiñ gar yahāñ par dūsrā koī nahīñ

vaqt aisā ham-safar hai jis kī manzil hai alag

vo sarā.e hai ki jis meñ Thairtā koī nahīñ

gaahe gaahe hī sahī 'amjad' magar ye vāqi.a

yuuñ bhī lagtā hai ki duniyā kā ḳhudā koī nahīñ

sainkaDon hi rahnuma hain rasta koi nahin

aaine chaaron taraf hain dekhta koi nahin

sab ke sab hain apne apne daere ki qaid mein

daeron ki had se bahar sochta koi nahin

sirf matam aur zari se hi jis ka hal mile

is tarah ka to kahin bhi masala koi nahin

ye jo sae se bhaTakte hain hamare ird-gird

chhu ke un ko dekhiye to wahima koi nahin

jo hua ye darj tha pahle hi apne baKHt mein

is ka matlab to hua ki bewafa koi nahin

tere raste mein khaDe hain sirf tujh ko dekhne

muddaa puchho to apna muddaa koi nahin

kun-fakan ke bhed se maula mujhe aagah kar

kaun hun main gar yahan par dusra koi nahin

waqt aisa ham-safar hai jis ki manzil hai alag

wo sarae hai ki jis mein Thairta koi nahin

gahe gahe hi sahi 'amjad' magar ye waqia

yun bhi lagta hai ki duniya ka KHuda koi nahin