parde mein lakh phir bhi numudar kaun hai

parde meñ laakh phir bhī numūdār kaun hai

hai jis ke dam se garmī-e-bāzār kaun hai

vo sāmne hai phir bhī dikhā.ī na de sake

mere aur us ke beach ye dīvār kaun hai

bāġh-e-vafā meñ ho nahīñ saktā ye faisla

sayyād yaañ pe kaun giraftār kaun hai

maanā nazar ke sāmne hai be-shumār dhuñd

hai dekhnā ki dhuñd ke is paar kaun hai

kuchh bhī nahīñ hai paas pe rahtā hai phir bhī ḳhush

sab kuchh hai jis ke paas vo bezār kaun hai

yuuñ to dikhā.ī dete haiñ asrār har taraf

khultā nahīñ ki sāhab-e-asrār kaun hai

'amjad' alag sī aap ne kholī hai jo dukāñ

jins-e-hunar kā yaañ ye ḳharīdār kaun hai

parde mein lakh phir bhi numudar kaun hai

hai jis ke dam se garmi-e-bazar kaun hai

wo samne hai phir bhi dikhai na de sake

mere aur us ke beach ye diwar kaun hai

bagh-e-wafa mein ho nahin sakta ye faisla

sayyaad yan pe kaun giraftar kaun hai

mana nazar ke samne hai be-shumar dhund

hai dekhna ki dhund ke is par kaun hai

kuchh bhi nahin hai pas pe rahta hai phir bhi KHush

sab kuchh hai jis ke pas wo bezar kaun hai

yun to dikhai dete hain asrar har taraf

khulta nahin ki sahab-e-asrar kaun hai

'amjad' alag si aap ne kholi hai jo dukan

jins-e-hunar ka yan ye KHaridar kaun hai