اندھیرا پر اشعار

شہر کے اندھیرے کو اک چراغ کافی ہے

سو چراغ جلتے ہیں اک چراغ جلنے سے

الفت کا ہے مزہ کہ اثرؔ غم بھی ساتھ ہوں

تاریکیاں بھی ساتھ رہیں روشنی کے ساتھ

عشق میں کچھ نظر نہیں آیا

جس طرف دیکھیے اندھیرا ہے

روشنی پھیلی تو سب کا رنگ کالا ہو گیا

کچھ دیئے ایسے جلے ہر سو اندھیرا ہو گیا

دیتے نہیں سجھائی جو دنیا کے خط و خال

آئے ہیں تیرگی میں مگر روشنی سے ہم

اندھیروں کو نکالا جا رہا ہے

مگر گھر سے اجالا جا رہا ہے

آج کی رات بھی تنہا ہی کٹی

آج کے دن بھی اندھیرا ہوگا