ALL
Profile
Ghazal111
Sher86
E-book54
TOP 20 SHAYARI 20
Image Shayari32
Audio58
Video58
Gallery 4
Blog1
Sher of Nasir Kazmi
dil dhaḌakne kā sabab yaad aayā
vo tirī yaad thī ab yaad aayā
dil dhaDakne ka sabab yaad aaya
wo teri yaad thi ab yaad aaya
aaj dekhā hai tujh ko der ke ba.ad
aaj kā din guzar na jaa.e kahīñ
aaj dekha hai tujh ko der ke baad
aaj ka din guzar na jae kahin
-
Share this
- See Ghazal
- Critique
- Comments
- Download
ai dost ham ne tark-e-mohabbat ke bāvajūd
mahsūs kī hai terī zarūrat kabhī kabhī
ai dost hum ne tark-e-mohabbat ke bawajud
mahsus ki hai teri zarurat kabhi kabhi
vo koī dost thā achchhe dinoñ kā
jo pichhlī raat se yaad aa rahā hai
wo koi dost tha achchhe dinon ka
jo pichhli raat se yaad aa raha hai
-
Share this
- See Ghazal
- Critique
- Comments
- Download
aarzū hai ki tū yahāñ aa.e
aur phir umr bhar na jaa.e kahīñ
aarzu hai ki tu yahan aae
aur phir umr bhar na jae kahin
-
Share this
- See Ghazal
- Critique
- Comments
- Download
judā.iyoñ ke zaḳhm dard-e-zindagī ne bhar diye
tujhe bhī niiñd aa ga.ī mujhe bhī sabr aa gayā
judaiyon ke zaKHm dard-e-zindagi ne bhar diye
tujhe bhi nind aa gai mujhe bhi sabr aa gaya
terī majbūriyāñ durust magar
tū ne va.ada kiyā thā yaad to kar
teri majburiyan durust magar
tu ne wada kiya tha yaad to kar
mujhe ye Dar hai tirī aarzū na miT jaa.e
bahut dinoñ se tabī.at mirī udaas nahīñ
mujhe ye Dar hai teri aarzu na miT jae
bahut dinon se tabiat meri udas nahin
zarā sī baat sahī terā yaad aa jaanā
zarā sī baat bahut der tak rulātī thī
zara si baat sahi tera yaad aa jaana
zara si baat bahut der tak rulati thi
daa.em ābād rahegī duniyā
ham na hoñge koī ham sā hogā
daem aabaad rahegi duniya
hum na honge koi hum sa hoga
na.e kapḌe badal kar jā.ūñ kahāñ aur baal banā.ūñ kis ke liye
vo shaḳhs to shahr hī chhoḌ gayā maiñ bāhar jā.ūñ kis ke liye
nae kapDe badal kar jaun kahan aur baal banaun kis ke liye
wo shaKHs to shahr hi chhoD gaya main bahar jaun kis ke liye
-
Share this
- See Ghazal
- Critique
- Comments
- Download
bharī duniyā meñ jī nahīñ lagtā
jaane kis chiiz kī kamī hai abhī
bhari duniya mein ji nahin lagta
jaane kis chiz ki kami hai abhi
-
Tag : Mayoosi
-
Share this
- See Ghazal
- Critique
- Comments
- Download
hamāre ghar kī dīvāroñ pe 'nāsir'
udāsī baal khole so rahī hai
hamare ghar ki diwaron pe 'nasir'
udasi baal khole so rahi hai
-
Share this
- See Ghazal
- Critique
- Comments
- Download
kaun achchhā hai is zamāne meñ
kyuuñ kisī ko burā kahe koī
kaun achchha hai is zamane mein
kyun kisi ko bura kahe koi
-
Share this
- See Ghazal
- Critique
- Comments
- Download
vaqt achchhā bhī aa.egā 'nāsir'
ġham na kar zindagī paḌī hai abhī
waqt achchha bhi aaega 'nasir'
gham na kar zindagi paDi hai abhi
-
Tag : Waqt
-
Share this
- See Ghazal
- Critique
- Comments
- Download
is qadar royā huuñ terī yaad meñ
ā.īne āñkhoñ ke dhundle ho ga.e
is qadar roya hun teri yaad mein
aaine aankhon ke dhundle ho gae
yaad aa.ī vo pahlī bārish
jab tujhe ek nazar dekhā thā
yaad aai wo pahli barish
jab tujhe ek nazar dekha tha
yaad hai ab tak tujh se bichhaḌne kī vo añdherī shaam mujhe
tū ḳhāmosh khaḌā thā lekin bāteñ kartā thā kājal
yaad hai ab tak tujh se bichhaDne ki wo andheri sham mujhe
tu KHamosh khaDa tha lekin baaten karta tha kajal
aaj to be-sabab udaas hai jī
ishq hotā to koī baat bhī thī
aaj to be-sabab udas hai ji
ishq hota to koi baat bhi thi
-
Tag : Mayoosi
-
Share this
- See Ghazal
- Critique
- Comments
- Download
ye haqīqat hai ki ahbāb ko ham
yaad hī kab the jo ab yaad nahīñ
ye haqiqat hai ki ahbab ko hum
yaad hi kab the jo ab yaad nahin
-
Tag : Yaad
-
Share this
- See Ghazal
- Critique
- Comments
- Download
dil to merā udaas hai 'nāsir'
shahr kyuuñ saa.eñ saa.eñ kartā hai
dil to mera udas hai 'nasir'
shahr kyun saen saen karta hai
ek dam us ke hoñT chuum liye
ye mujhe baiThe baiThe kyā sūjhī
ek dam us ke honT chum liye
ye mujhe baiThe baiThe kya sujhi
-
Tag : Lab
-
Share this
- See Ghazal
- Critique
- Comments
- Download
-
Tag : Khuda
-
Share this
- See Ghazal
- Critique
- Comments
- Download
din guzārā thā baḌī mushkil se
phir tirā va.ada-e-shab yaad aayā
din guzara tha baDi mushkil se
phir tera wada-e-shab yaad aaya
na.ī duniyā ke hañgāmoñ meñ 'nāsir'
dabī jaatī haiñ āvāzeñ purānī
nai duniya ke hangamon mein 'nasir'
dabi jati hain aawazen purani
-
Share this
- See Ghazal
- Critique
- Comments
- Download
chup chup kyuuñ rahte ho 'nāsir'
ye kyā rog lagā rakkhā hai
chup chup kyun rahte ho 'nasir'
ye kya rog laga rakkha hai
-
Tag : Khamoshi
-
Share this
- See Ghazal
- Critique
- Comments
- Download
vo dil-navāz hai lekin nazar-shanās nahīñ
mirā ilaaj mire chāra-gar ke paas nahīñ
wo dil-nawaz hai lekin nazar-shanas nahin
mera ilaj mere chaara-gar ke pas nahin
-
Tag : Charagar
-
Share this
- See Ghazal
- Critique
- Comments
- Download
jinheñ ham dekh kar jiite the 'nāsir'
vo log āñkhoñ se ojhal ho ga.e haiñ
jinhen hum dekh kar jite the 'nasir'
wo log aankhon se ojhal ho gae hain
-
Tag : Yaad-e-Raftagan
-
Share this
- See Ghazal
- Critique
- Comments
- Download
bulā.ūñgā na milūñgā na ḳhat likhūñgā tujhe
tirī ḳhushī ke liye ḳhud ko ye sazā dūñgā
bulaunga na milunga na KHat likhunga tujhe
teri KHushi ke liye KHud ko ye saza dunga
ye sub.h kī safediyāñ ye dopahar kī zardiyāñ
ab ā.īne meñ dekhtā huuñ maiñ kahāñ chalā gayā
ye subh ki safediyan ye dopahar ki zardiyan
ab aaine mein dekhta hun main kahan chala gaya
us ne manzil pe lā ke chhoḌ diyā
umr bhar jis kā rāstā dekhā
us ne manzil pe la ke chhoD diya
umr bhar jis ka rasta dekha
-
Tag : Manzil
-
Share this
- See Ghazal
- Critique
- Comments
- Download
kuchh yādgār-e-shahr-e-sitamgar hī le chaleñ
aa.e haiñ is galī meñ to patthar hī le chaleñ
kuchh yaadgar-e-shahr-e-sitamgar hi le chalen
aae hain is gali mein to patthar hi le chalen
-
Share this
- See Ghazal
- Critique
- Comments
- Download
is shahr-e-be-charāġh meñ jā.egī tū kahāñ
aa ai shab-e-firāq tujhe ghar hī le chaleñ
is shahr-e-be-charagh mein jaegi tu kahan
aa ai shab-e-firaq tujhe ghar hi le chalen
-
Share this
- See Ghazal
- Critique
- Comments
- Download
niyyat-e-shauq bhar na jaa.e kahīñ
tū bhī dil se utar na jaa.e kahīñ
niyyat-e-shauq bhar na jae kahin
tu bhi dil se utar na jae kahin
-
Share this
- See Ghazal
- Critique
- Comments
- Download
apnī dhun meñ rahtā huuñ
maiñ bhī tere jaisā huuñ
apni dhun mein rahta hun
main bhi tere jaisa hun
-
Share this
- See Ghazal
- Critique
- Comments
- Download
din bhar to maiñ duniyā ke dhandoñ meñ khoyā rahā
jab dīvāroñ se dhuup Dhalī tum yaad aa.e
din bhar to main duniya ke dhandon mein khoya raha
jab diwaron se dhup Dhali tum yaad aae
maiñ sote sote ka.ī baar chauñk chauñk paḌā
tamām raat tire pahluoñ se aañch aa.ī
main sote sote kai bar chaunk chaunk paDa
tamam raat tere pahluon se aanch aai
na milā kar udaas logoñ se
husn terā bikhar na jaa.e kahīñ
na mila kar udas logon se
husn tera bikhar na jae kahin
-
Share this
- See Ghazal
- Critique
- Comments
- Download
raat kitnī guzar ga.ī lekin
itnī himmat nahīñ ki ghar jaa.eñ
raat kitni guzar gai lekin
itni himmat nahin ki ghar jaen
-
Share this
- See Ghazal
- Critique
- Comments
- Download
tire aane kā dhokā sā rahā hai
diyā sā raat bhar jaltā rahā hai
tere aane ka dhoka sa raha hai
diya sa raat bhar jalta raha hai
tujh bin saarī umr guzārī
log kaheñge tū merā thā
tujh bin sari umr guzari
log kahenge tu mera tha
-
Tag : Hijr
-
Share this
- See Ghazal
- Critique
- Comments
- Download
vo shahr meñ thā to us ke liye auroñ se bhī milnā paḌtā thā
ab aise-vaise logoñ ke maiñ naaz uThā.ūñ kis ke liye
wo shahr mein tha to us ke liye auron se bhi milna paDta tha
ab aise-waise logon ke main naz uThaun kis ke liye
-
Share this
- See Ghazal
- Critique
- Comments
- Download
hāl-e-dil ham bhī sunāte lekin
jab vo ruḳhsat huā tab yaad aayā
haal-e-dil hum bhi sunate lekin
jab wo ruKHsat hua tab yaad aaya
-
Share this
- See Ghazal
- Critique
- Comments
- Download
maiñ to biite dinoñ kī khoj meñ huuñ
tū kahāñ tak chalegā mere saath
main to bite dinon ki khoj mein hun
tu kahan tak chalega mere sath
kal jo thā vo aaj nahīñ jo aaj hai kal miT jā.egā
rūkhī-sūkhī jo mil jaa.e shukr karo to behtar hai
kal jo tha wo aaj nahin jo aaj hai kal miT jaega
rukhi-sukhi jo mil jae shukr karo to behtar hai
-
Tag : Thanksgiving
-
Share this
- See Ghazal
- Critique
- Comments
- Download
yuuñ to har shaḳhs akelā hai bharī duniyā meñ
phir bhī har dal ke muqaddar meñ nahīñ tanhā.ī
yun to har shaKHs akela hai bhari duniya mein
phir bhi har dal ke muqaddar mein nahin tanhai
ga.e dinoñ kā surāġh le kar kidhar se aayā kidhar gayā vo
ajiib mānūs ajnabī thā mujhe to hairān kar gayā vo
gae dinon ka suragh le kar kidhar se aaya kidhar gaya wo
ajib manus ajnabi tha mujhe to hairan kar gaya wo
-
Share this
- See Ghazal
- Critique
- Comments
- Download
yuuñ kis tarah kaTegā kaḌī dhuup kā safar
sar par ḳhayāl-e-yār kī chādar hī le chaleñ
yun kis tarah kaTega kaDi dhup ka safar
sar par KHayal-e-yar ki chadar hi le chalen
-
Share this
- See Ghazal
- Critique
- Comments
- Download
girafta-dil haiñ bahut aaj tere dīvāne
ḳhudā kare koī tere sivā na pahchāne
girafta-dil hain bahut aaj tere diwane
KHuda kare koi tere siwa na pahchane
-
Share this
- See Ghazal
- Critique
- Comments
- Download
unheñ sadiyoñ na bhūlegā zamāna
yahāñ jo hādse kal ho ga.e haiñ
unhen sadiyon na bhulega zamana
yahan jo hadse kal ho gae hain
-
Tag : Hadsa
-
Share this
- See Ghazal
- Critique
- Comments
- Download