دیدار پر اشعار

خدارا اک نگاہ ناز ہی سے دیکھ لو ہم کو

گریباں پھاڑنے کو آج ہم تیار بیٹھے ہیں

محض خوابوں خیالوں میں ترا دیدار ہو کب تک

حقیقت میں بھی تجھ سے آشنائی چاہتے ہیں ہم

حسن ہوتا ہے کسی شے کا کوئی اپنا ہی

اور پھر دیکھنے والے کی نظر ہوتی ہے

آ جائیں وقت نزع تو میں ان کو دیکھ لوں

ارمان کوئی دل میں اب اس کے سوا نہیں

تمہیں جو دیکھ لے اک بار دیکھتا رہ جائے

تمہارا حسن محبت کا استعارہ ہے

مجھے تو تیری بربادی بھی بربادی نہیں لگتی

کہ میں نے وہ بھی دیکھا ہے جو ہے برباد سے آگے

تم تو پھر غیر ہو تم سے تو شکایت کیسی

میرے اپنے مجھے غیروں کی طرح دیکھتے ہیں

حسن دل کش اسے کہتے ہیں کہ ہم ساری عمر

ان کو دیکھا کیے دیدار کی حسرت نہ گئی

تمہاری دید کی خواہش لیے وہ بیٹھے ہیں

تمہاری دید ہی بیمار کی شفا ٹھہری

کھڑکی کے اپنی اس نے بھی پردے گرا لیے

میرے بھی راستے کی رکاوٹ نہیں رہی

زمانے کو تمنا ہے ترا دیدار کرنے کی

مجھے یہ فکر ہے مجھ کو مرا دیدار ہو جائے

میری نگاہ شوق کا جادو بھی کم نہیں

آنکھوں میں آنکھیں ڈال کے دیکھا نہ کیجئے

تجھے اک بار کیا واصفؔ نے دیکھا

تجھے پھر دیکھنے کی آرزو ہے

خانہ ہے سیل سے خو کردۂ دیدار ہنوز

دوربیں در زدہ ہے رخنۂ دیوار ہنوز

دیدار ذوالجلال پہ آمادہ ہو گیا

کیا حوصلہ نگاہ دل ناتواں کا تھا

ترے رنگ و بو کو بھی دیکھتے نہ خیال تھا نہ مجال تھی

جو سکت ملی تجھے دیکھنے کی تو رنگ و بو سے نکل گئے

ہو گئی دید موت سے پہلے

آج ارماں نکل گئے سارے