Sher on Sacrifice

mujh ko atā huā hai ye kaisā libās-e-zīst

baḌhte haiñ jis ke chaak barābar rafū ke saath

mujh ko ata hua hai ye kaisa libas-e-zist

baDhte hain jis ke chaak barabar rafu ke sath

ye nā-qadrī hamārī is liye hai

tirā hone meñ jaldī kar ga.e ham

ye na-qadri hamari is liye hai

tera hone mein jaldi kar gae hum

javāñ huī mirī beTī to haath ḳhālī haiñ

tamām 'umr to bahneñ biyāhtā rahā maiñ

jawan hui meri beTi to hath KHali hain

tamam 'umr to bahnen biyahta raha main

jo ham pe guzrī hai us kā nahīñ alam koī

ġham-e-husain se baḌh kar nahīñ hai ġham koī

jo hum pe guzri hai us ka nahin alam koi

gham-e-husain se baDh kar nahin hai gham koi

neza ho ki pyāla lab-e-inkār salāmat

ye silsila suqrāt se shabbīr talak hai

neza ho ki pyala lab-e-inkar salamat

ye silsila suqraat se shabbir talak hai

maiñ havāoñ se laḌā huuñ jis kī ḳhātir 'umr bhar

us diye ne hī mire ghar ko jalā kar rakh diyā

main hawaon se laDa hun jis ki KHatir 'umr bhar

us diye ne hi mere ghar ko jala kar rakh diya

pāsbānī karte karte us kī āñkheñ bujh ga.iiñ

'umr bhar jo ḳhvāhish-e-tā'mīr-e-dar kartā rahā

pasbani karte karte us ki aankhen bujh gain

'umr bhar jo KHwahish-e-ta'mir-e-dar karta raha

jagah jagah the bhañvar 'ishq ke samundar meñ

vo ḳhud bhī Duub gayā thā mujhe bachāte hue

jagah jagah the bhanwar 'ishq ke samundar mein

wo KHud bhi Dub gaya tha mujhe bachate hue

ik hayāt-e-nau chhupī hai karbalā kī raah meñ

karbalā rāh-e-'amal hai manzil-e-mātam nahīñ

ek hayat-e-nau chhupi hai karbala ki rah mein

karbala rah-e-'amal hai manzil-e-matam nahin

zarra zarra pukārtā hai ahad

jab shahādat bilāl detā hai

zarra zarra pukarta hai ahad

jab shahadat bilal deta hai

vahī nā-qadrī-e-abnā-e-jahāñ hai lekin

jāñ-nisārī vahī īmān-e-vafā aaj bhī hai

wahi na-qadri-e-abna-e-jahan hai lekin

jaan-nisari wahi iman-e-wafa aaj bhi hai