Sher on Aqeedat

tū jis ke dam par bhī boltā hai

mire ḳhudā se baḌā nahīñ hai

tu jis ke dam par bhi bolta hai

mere KHuda se baDa nahin hai

maiñ mohabbat meñ bahut soñ ko ḳhudā māntā huuñ

tum kisī ek kā pūchhoge to maañ bolūñgā

main mohabbat mein bahut son ko KHuda manta hun

tum kisi ek ka puchhoge to man bolunga

she'r keh ke guzār sakte haiñ

zindagī ho yā maañ kā din 'kāshif'

she'r keh ke guzar sakte hain

zindagi ho ya man ka din 'kashif'

jabīnoñ par nishāñ sajdoñ ke haiñ hāthoñ meñ shamshīreñ

aqīde ne tashaddud ke badan ko oḌh rakhā hai

jabinon par nishan sajdon ke hain hathon mein shamshiren

aqide ne tashaddud ke badan ko oDh rakha hai

apnā sar vo kaise jhukā.e is sāgar kī chaukhaT par

gangā jī ke taT par yaaro jis jogī kā Thikāna hai

apna sar wo kaise jhukae is sagar ki chaukhaT par

ganga ji ke taT par yaro jis jogi ka Thikana hai

aap kī bhaktī na jab tak ho to kyā hāsil mujhe

qaid-e-duniyā se agar ho jā.ūñ maiñ āzād bhī

aap ki bhakti na jab tak ho to kya hasil mujhe

qaid-e-duniya se agar ho jaun main aazad bhi

tumhārī bhī hifāzat ham kareñge

tumhāre phir ḳhudā hone kā matlab

tumhaari bhi hifazat hum karenge

tumhaare phir KHuda hone ka matlab

terī marzī ke mutābiq tujhe chāhe 'kāshif'

jhang ke log mohabbat meñ ḳhudā hote haiñ

teri marzi ke mutabiq tujhe chahe 'kashif'

jhang ke log mohabbat mein KHuda hote hain

ḳhuddār huuñ ḳhud-sar huuñ maiñ ḳhud-mast huuñ lekin

tū sāmne aa jaa.e to sar aaj bhī ḳham hai

KHuddar hun KHud-sar hun main KHud-mast hun lekin

tu samne aa jae to sar aaj bhi KHam hai