kuchh aisī bhī dil kī bāteñ hotī haiñ

jin bātoñ ko ḳhalvat kam paḌ jaatī hai

kuchh aisi bhi dil ki baaten hoti hain

jin baaton ko KHalwat kam paD jati hai

kuchh der baiTh jā.iye dīvār ke qarīb

kyā kah rahā hai sāya-e-dīvār jāniye

kuchh der baiTh jaiye diwar ke qarib

kya kah raha hai saya-e-diwar jaaniye

kyā kaheñ aur dil ke baare meñ

ham mulāzim haiñ is idāre meñ

kya kahen aur dil ke bare mein

hum mulazim hain is idare mein

niiñd uḌne lagī hai āñkhoñ se

dhuul jamne lagī hai bistar par

nind uDne lagi hai aankhon se

dhul jamne lagi hai bistar par

peḌ ho yā ki aadmī 'ġhā.er'

sar-buland apnī ājizī se huā

peD ho ya ki aadmi 'ghaer'

sar-buland apni aajizi se hua

na ham vahshat meñ apne ghar se nikle

na sahrā apnī vīrānī se niklā

na hum wahshat mein apne ghar se nikle

na sahra apni virani se nikla

mere andar kā shor hai mujh meñ

varna bāhar to ḳhāmushī hai yahāñ

mere andar ka shor hai mujh mein

warna bahar to KHamushi hai yahan

mujh se rastoñ kā bichhaḌnā nahīñ dekhā jaatā

mujh se milne vo kisī moḌ pe aayā na kare

mujh se raston ka bichhaDna nahin dekha jata

mujh se milne wo kisi moD pe aaya na kare

maut kā kyā kaam jab is shahr meñ

zindagī jaisī balā maujūd hai

maut ka kya kaam jab is shahr mein

zindagi jaisi bala maujud hai

zindagī meñ kasak zarūrī thī

ye ḳhalā pur tirī kamī se huā

zindagi mein kasak zaruri thi

ye KHala pur teri kami se hua

zamīñ ābād hotī jā rahī hai

kahāñ jā.egī tanhā.ī hamārī

zamin aabaad hoti ja rahi hai

kahan jaegi tanhai hamari

zindagī dhuup meñ aane se khulī

saaya dīvār uThāne se khulā

zindagi dhup mein aane se khuli

saya diwar uThane se khula

shor jitnā hai kā.enāt meñ shor

mere andar kī ḳhāmushī se huā

shor jitna hai kaenat mein shor

mere andar ki KHamushi se hua

bane haiñ kaam sab uljhan se mere

yahī atvār haiñ bachpan se mere

bane hain kaam sab uljhan se mere

yahi atwar hain bachpan se mere

kal raat jagātī rahī ik ḳhvāb kī duurī

aur niiñd bichhātī rahī bistar mire aage

kal raat jagati rahi ek KHwab ki duri

aur nind bichhati rahi bistar mere aage

kyā chāhtī hai ham se hamārī ye zindagī

kyā qarz hai jo ham se adā ho nahīñ rahā

kya chahti hai hum se hamari ye zindagi

kya qarz hai jo hum se ada ho nahin raha

terā ḳhayāl terī tamannā tak aa gayā

maiñ dil ko DhūñDhtā huā duniyā tak aa gayā

tera KHayal teri tamanna tak aa gaya

main dil ko DhunDhta hua duniya tak aa gaya

mujh se mansūb hai ġhubār mirā

qāfile meñ na kar shumār mirā

mujh se mansub hai ghubar mera

qafile mein na kar shumar mera

hamāre dil kī tarah shahr ke ye raste bhī

hazār bhed chhupā.e hue se lagte haiñ

hamare dil ki tarah shahr ke ye raste bhi

hazar bhed chhupae hue se lagte hain

hamārī zindagī par maut bhī hairān hai 'ġhā.er'

na jaane kis ne ye tārīḳh-e-paidā.ish nikālī hai

hamari zindagi par maut bhi hairan hai 'ghaer'

na jaane kis ne ye tariKH-e-paidaish nikali hai

in sitāroñ meñ kahīñ tum bhī ho

in nazāroñ meñ kahīñ maiñ bhī huuñ

in sitaron mein kahin tum bhi ho

in nazaron mein kahin main bhi hun

ye havā yuuñ hī ḳhaak chhāntī hai

yā koī chiiz kho ga.ī hai yahāñ

ye hawa yun hi KHak chhanti hai

ya koi chiz kho gai hai yahan

zamīñ hamvār ho kar rah ga.ī hai

uḌī hai dhuul vo dāman se mere

zamin hamwar ho kar rah gai hai

uDi hai dhul wo daman se mere

nazar milī to nazāroñ meñ baañT dī maiñ ne

ye raushnī bhī sitāroñ meñ baañT dī maiñ ne

nazar mili to nazaron mein banT di main ne

ye raushni bhi sitaron mein banT di main ne

ik din dukh kī shiddat kam paḌ jaatī hai

kaisī bhī ho vahshat kam paḌ jaatī hai

ek din dukh ki shiddat kam paD jati hai

kaisi bhi ho wahshat kam paD jati hai

sahrā meñ aa nikle to ma.alūm huā

tanhā.ī ko vus.at kam paḌ jaatī hai

sahra mein aa nikle to malum hua

tanhai ko wusat kam paD jati hai

dhuup saa.e kī tarah phail ga.ī

in daraḳhtoñ kī duā lene se

dhup sae ki tarah phail gai

in daraKHton ki dua lene se

hamārī zindagī par maut bhī hairān hai ġhā.er

na jaane kis ne ye tārīḳh-e-paidā.ish nikālī hai

hamari zindagi par maut bhi hairan hai ghaer

na jaane kis ne ye tariKH-e-paidaish nikali hai

haal pūchhā na kare haath milāyā na kare

maiñ isī dhuup meñ ḳhush huuñ koī saaya na kare

haal puchha na kare hath milaya na kare

main isi dhup mein KHush hun koi saya na kare