dast-bardar zindagi se hua

dast-bardār zindagī se huā

aur ye saudā mirī ḳhushī se huā

āgahī bhī na kar sakī puurā

jitnā nuqsān āgahī se huā

maiñ huā bhī to ek din raushan

apne andar kī raushnī se huā

zindagī meñ kasak zarūrī thī

ye ḳhalā pur tirī kamī se huā

dil tarafdār-e-hijr thā hī nahīñ

ab huā bhī to be-dilī se huā

shor jitnā hai kā.enāt meñ shor

mere andar kī ḳhāmushī se huā

kaisā mansab hai aadmī kā ki rab

jab muḳhātib huā usī se huā

peḌ ho yā ki aadmī 'ġhā.er'

sar-buland apnī ājizī se huā

dast-bardar zindagi se hua

aur ye sauda meri KHushi se hua

aagahi bhi na kar saki pura

jitna nuqsan aagahi se hua

main hua bhi to ek din raushan

apne andar ki raushni se hua

zindagi mein kasak zaruri thi

ye KHala pur teri kami se hua

dil tarafdar-e-hijr tha hi nahin

ab hua bhi to be-dili se hua

shor jitna hai kaenat mein shor

mere andar ki KHamushi se hua

kaisa mansab hai aadmi ka ki rab

jab muKHatib hua usi se hua

peD ho ya ki aadmi 'ghaer'

sar-buland apni aajizi se hua