وصل پر اشعار

میری ہر شب اسی امید میں کٹ جاتی ہے

وہ ابھی آیا ابھی میرا مقدر جاگا

دم محبت کا بھرا کرتا تھا جو دل وصل میں

اب وہ شام ہجر آتے ہی پشیماں ہو گیا

وعدۂ وصل نہ ہوتا تو ہم ایسے بھی نہ تھے

کہ ہمیں ہجر میں مرنا نہ گوارا ہوتا

میں چاہتا ہوں کوئی نقش وصل کا ابھرے

اے رنگ حسن مرے دل کے کینوس پہ برس

برسوں بعد اس ہجر کے پیڑ پہ مور آئے

برسوں بعد اس پیڑ پہ کوئل بولی ہے

وصل کا لطف شب ہجر کے مارے یوں لیں

نیند آ جائے جو دونوں کو تو خوابوں میں ملیں

مہندی میں لالی جس طرح کانوں میں بالی جس طرح

جب یوں ملے تو کیا چلے دنیا کا ہم پہ داؤں رے

ہر غزل اور فسانے میں ہے چرچا جس کا

میں نے وہ شام ترے ساتھ گزاری ہوئی ہے

ہمارے پاس ہی وہ آ رہے تھے

بجا ہے ہم وہاں بے جا گئے ہیں

نور سحر و رنگ سحر پر نہیں موقوف

دشمن ہے شب وصل میں آواز اذاں تک

کچھ وصل کے آداب ہیں کچھ عشق کی رسمیں

دریا سے گلے ملنے سمندر نہیں جاتا

امید وصل ہی چھینے ہے دل کا چین و قرار

غم فراق تو ورنہ سکوں کا حاصل ہے