Sher on Wasl

merī har shab isī ummīd meñ kaT jaatī hai

vo abhī aaya abhī merā muqaddar jaagā

meri har shab isi ummid mein kaT jati hai

wo abhi aaya abhi mera muqaddar jaga

dam mohabbat kā bharā kartā thā jo dil vasl meñ

ab vo shām-e-hijr aate hī pashemāñ ho gayā

dam mohabbat ka bhara karta tha jo dil wasl mein

ab wo sham-e-hijr aate hi pasheman ho gaya

va.ada-e-vasl na hotā to ham aise bhī na the

ki hameñ hijr meñ marnā na gavārā hotā

wada-e-wasl na hota to hum aise bhi na the

ki hamein hijr mein marna na gawara hota

maiñ chāhtā huuñ koī naqsh vasl kā ubhre

ai rang-e-husn mire dil ke canvas pe baras

main chahta hun koi naqsh wasl ka ubhre

ai rang-e-husn mere dil ke canwas pe baras

vasl kā lutf shab-e-hijr ke maare yuuñ leñ

niiñd aa jaa.e jo donoñ ko to ḳhvāboñ meñ mileñ

wasl ka lutf shab-e-hijr ke mare yun len

nind aa jae jo donon ko to KHwabon mein milen