Sher of Nizam Rampuri
andāz apnā dekhte haiñ aa.ine meñ vo
aur ye bhī dekhte haiñ koī dekhtā na ho
looking in the mirror she sees her savoir-faire
and also looks to see no one is peeping there
andaz apna dekhte hain aaine mein wo
aur ye bhi dekhte hain koi dekhta na ho
looking in the mirror she sees her savoir-faire
and also looks to see no one is peeping there
-
Share this
- Translation
- Critique
- Comments
- Download
añgḌā.ī bhī vo lene na paa.e uThā ke haath
dekhā jo mujh ko chhoḌ diye muskurā ke haath
she couldn't even stretch out with her arms upraised
seeing me she smiled and composed herself all fazed
angDai bhi wo lene na pae uTha ke hath
dekha jo mujh ko chhoD diye muskura ke hath
she couldn't even stretch out with her arms upraised
seeing me she smiled and composed herself all fazed
-
Share this
- Translation
- See Ghazal
- Critique
- Comments
- Download
hai ḳhushī intizār kī har dam
maiñ ye kyuuñ pūchhūñ kab mileñge aap
hai KHushi intizar ki har dam
main ye kyun puchhun kab milenge aap
tere hī ġham meñ mar ga.e sad-shukr
āḳhir ik din to ham ko marnā thā
tere hi gham mein mar gae sad-shukr
aaKHir ek din to hum ko marna tha
ab tum se kyā kisī se shikāyat nahīñ mujhe
tum kyā badal ga.e ki zamānā badal gayā
ab tum se kya kisi se shikayat nahin mujhe
tum kya badal gae ki zamana badal gaya
ab aao mil ke so raheñ takrār ho chukī
āñkhoñ meñ niiñd bhī hai bahut raat kam bhī hai
ab aao mil ke so rahen takrar ho chuki
aankhon mein nind bhi hai bahut raat kam bhi hai
-
Tag : Neend
-
Share this
- See Ghazal
- Critique
- Comments
- Download
bosa to us lab-e-shīrīñ se kahāñ miltā hai
gāliyāñ bhī milīñ ham ko to milīñ thoḌī sī
bosa to us lab-e-shirin se kahan milta hai
galiyan bhi milin hum ko to milin thoDi si
-
Tag : Kiss
-
Share this
- See Ghazal
- Critique
- Comments
- Download
mazmūn sūjhte haiñ hazāroñ na.e na.e
qāsid ye ḳhat nahīñ mire ġham kī kitāb hai
mazmun sujhte hain hazaron nae nae
qasid ye KHat nahin mere gham ki kitab hai
kahīñ us bazm tak rasā.ī ho
phir koī dekhe ehtimām mirā
kahin us bazm tak rasai ho
phir koi dekhe ehtimam mera
-
Share this
- See Ghazal
- Critique
- Comments
- Download
gar koī pūchhe mujhe aap ise jānte haiñ
ho ke anjān vo kahte haiñ kahīñ dekhā hai
gar koi puchhe mujhe aap ise jaante hain
ho ke anjaan wo kahte hain kahin dekha hai
ab kyā mileñ kisī se kahāñ jaa.eñ ham'nizām'
ham vo nahīñ rahe vo mohabbat nahīñ rahī
ab kya milen kisi se kahan jaen ham'nizam'
hum wo nahin rahe wo mohabbat nahin rahi
abhī to kahā hī nahīñ maiñ ne kuchh
abhī tum jo āñkheñ churāne lage
abhi to kaha hi nahin main ne kuchh
abhi tum jo aankhen churane lage
-
Share this
- See Ghazal
- Critique
- Comments
- Download
uThtā huuñ us kī bazm se jab ho ke nā-umīd
phir phir ke dekhtā huuñ koī ab pukār le
uThta hun us ki bazm se jab ho ke na-umid
phir phir ke dekhta hun koi ab pukar le
sach hai 'nizām' yaad bhī us ko na hoñge ham
par kyā kareñ vo ham se bhulāyā na jā.egā
sach hai 'nizam' yaad bhi us ko na honge hum
par kya karen wo hum se bhulaya na jaega
jo kuchh ishāre hote haiñ sab dekhtā huuñ maiñ
saarī sharārat aap kī merī nazar meñ hai
jo kuchh ishaare hote hain sab dekhta hun main
sari shararat aap ki meri nazar mein hai
ye bhī nayā sitam hai hinā to lagā.eñ ġhair
aur us kī daad chāheñ vo mujh ko dikhā ke haath
ye bhi naya sitam hai hina to lagaen ghair
aur us ki dad chahen wo mujh ko dikha ke hath
-
Share this
- See Ghazal
- Critique
- Comments
- Download
yuuñ to rūThe haiñ magar logoñ se
pūchhte haal haiñ aksar merā
yun to ruThe hain magar logon se
puchhte haal hain aksar mera
-
Share this
- See Ghazal
- Critique
- Comments
- Download
kyā kisī se kisī kā haal kaheñ
naam bhī to liyā nahīñ jaatā
kya kisi se kisi ka haal kahen
nam bhi to liya nahin jata
na ban aayā jab un ko koī javāb
to muñh pher kar muskurāne lage
na ban aaya jab un ko koi jawab
to munh pher kar muskurane lage
-
Share this
- See Ghazal
- Critique
- Comments
- Download
zid hai gar hai to ho sabhī ke saath
yā na milne kī zid mujhī se hai
zid hai gar hai to ho sabhi ke sath
ya na milne ki zid mujhi se hai
-
Share this
- See Ghazal
- Critique
- Comments
- Download
kyā duā roz-e-hashr kī māñgeñ
vahāñ par bhī yahī ḳhudā hogā
kya dua roz-e-hashr ki mangen
wahan par bhi yahi KHuda hoga
tujh se hī chhupā.ūñgā ġham apnā
tujh se hī kahūñgā gar kahūñgā
tujh se hi chhupaunga gham apna
tujh se hi kahunga gar kahunga
-
Share this
- See Ghazal
- Critique
- Comments
- Download
kis kā hai intizār kahāñ dhyān hai lagā
kyuuñ chauñk chauñk jaate ho āvāz-e-pā ke saath
kis ka hai intizar kahan dhyan hai laga
kyun chaunk chaunk jate ho aawaz-e-pa ke sath
maiñ na kahtā thā ki bahkā.enge tum ko dushman
tum ne kis vāste aanā mire ghar chhoḌ diyā
main na kahta tha ki bahkaenge tum ko dushman
tum ne kis waste aana mere ghar chhoD diya
-
Share this
- See Ghazal
- Critique
- Comments
- Download
vo ishāroñ meñ us kā kahnā haa.e
dekho apne parā.e baiThe haiñ
wo ishaaron mein us ka kahna hae
dekho apne parae baiThe hain
kis qadar hijr meñ behoshī hai
jāgnā bhī hai hamārā sonā
kis qadar hijr mein behoshi hai
jagna bhi hai hamara sona
-
Share this
- See Ghazal
- Critique
- Comments
- Download
tum ho ga.e kuchh aur na kuchh aur ham hue
kuchh to sabab huā hai ki vo rabt kam hue
tum ho gae kuchh aur na kuchh aur hum hue
kuchh to sabab hua hai ki wo rabt kam hue
terā milnā to hai mushkil magar itnā to huā
apnā marnā mujhe āsāñ na huā thā so huā
tera milna to hai mushkil magar itna to hua
apna marna mujhe aasan na hua tha so hua
us kī ulfat meñ jīte-jī marnā
fā.eda ye bhī zindagī se hai
us ki ulfat mein jite-ji marna
faeda ye bhi zindagi se hai
-
Share this
- See Ghazal
- Critique
- Comments
- Download
chheḌ har vaqt kī nahīñ jaatī
roz kā rūThnā nahīñ jaatā
chheD har waqt ki nahin jati
roz ka ruThna nahin jata
hue numūd jo pistāñ to sharm khā ke kahā
ye kyā balā hai jo uThtī hai mere siine se
hue numud jo pistan to sharm kha ke kaha
ye kya bala hai jo uThti hai mere sine se
-
Share this
- See Ghazal
- Critique
- Comments
- Download
ye havā sard chalī aur ye bādal aa.e
kaho saaqī se ki sāġhar chale botal aa.e
ye hawa sard chali aur ye baadal aae
kaho saqi se ki saghar chale botal aae
ḳhushbū vo pasīne kī tirī yaad na aa jaa.e
gul kaisā kabhī itr bhī sūñghā na kareñge
KHushbu wo pasine ki teri yaad na aa jae
gul kaisa kabhi itr bhi sungha na karenge
haq baat to ye hai ki usī but ke vāste
zāhid koī huā to koī barhaman huā
haq baat to ye hai ki usi but ke waste
zahid koi hua to koi barhaman hua
-
Share this
- See Ghazal
- Critique
- Comments
- Download
muntazir huuñ kisī ke aane kā
kis kī āñkhoñ meñ aa ke ḳhvāb rahe
muntazir hun kisi ke aane ka
kis ki aankhon mein aa ke KHwab rahe
-
Share this
- See Ghazal
- Critique
- Comments
- Download
dekh kar ġhair ko shoḳhī dekho
mujh se kahte haiñ ki dekhā tū ne
dekh kar ghair ko shoKHi dekho
mujh se kahte hain ki dekha tu ne
aa.e bhī vo chale bhī ga.e yaañ kise ḳhabar
hairāñ huuñ maiñ ḳhayāl hai ye yā ki ḳhvāb hai
aae bhi wo chale bhi gae yan kise KHabar
hairan hun main KHayal hai ye ya ki KHwab hai
lipTā ke shab-e-vasl vo us shoḳh kā kahnā
kuchh aur havas is se ziyāda to nahīñ hai
lipTa ke shab-e-wasl wo us shoKH ka kahna
kuchh aur hawas is se ziyaada to nahin hai
āñkheñ phūTeñ jo jhapaktī bhī hoñ
shab-e-tanhā.ī meñ kaisā sonā
aankhen phuTen jo jhapakti bhi hon
shab-e-tanhai mein kaisa sona
-
Share this
- See Ghazal
- Critique
- Comments
- Download
jo ki nādāñ hai vo kyā jaane tirī chāhat kī qadr
ai parī dīvāna banñā kaam hai hoshiyār kā
jo ki nadan hai wo kya jaane teri chahat ki qadr
ai pari diwana banna kaam hai hoshiyar ka
raat thā vasl aaj hijr kā din
kuchh zamāne kā e'tibār nahīñ
raat tha wasl aaj hijr ka din
kuchh zamane ka e'tibar nahin
mere milne se jo yuuñ haath uThā-baiThā tū
nahīñ ma.alūm ki dil meñ tire kyā baiTh gayā
mere milne se jo yun hath uTha-baiTha tu
nahin malum ki dil mein tere kya baiTh gaya
aap dekheñ to mire dil meñ bhī kyā kyā kuchh hai
ye bhī ghar aap kā hai kyuuñ na phir ābād rahe
aap dekhen to mere dil mein bhi kya kya kuchh hai
ye bhi ghar aap ka hai kyun na phir aabaad rahe
un ko maiñ is tarah bhulā.ūñ 'nizām'
yaad kis baat par nahīñ aate
un ko main is tarah bhulaun 'nizam'
yaad kis baat par nahin aate
-
Share this
- See Ghazal
- Critique
- Comments
- Download
do din bhī us sanam se na apnī nibhī kabhī
jab kuchh banī to fazl-e-ḳhudā se bigaḌ ga.ī
do din bhi us sanam se na apni nibhi kabhi
jab kuchh bani to fazl-e-KHuda se bigaD gai
manzūr kyā hai ye bhī to khultā nahīñ sabab
miltā to hai vo ham se magar kuchh rukā huā
manzur kya hai ye bhi to khulta nahin sabab
milta to hai wo hum se magar kuchh ruka hua
ab to sab kā tire kūche hī meñ maskan Thahrā
yahī ābād hai duniyā meñ zamīñ thoḌī sī
ab to sab ka tere kuche hi mein maskan Thahra
yahi aabaad hai duniya mein zamin thoDi si
-
Share this
- See Ghazal
- Critique
- Comments
- Download
raah niklegī na kab tak koī
tirī dīvār hai aur sar merā
rah niklegi na kab tak koi
teri diwar hai aur sar mera
-
Share this
- See Ghazal
- Critique
- Comments
- Download
ye din to sarf aap ke va.adoñ meñ ho ga.e
ab din nayā nikāliye iqrār ke liye
ye din to sarf aap ke wadon mein ho gae
ab din naya nikaliye iqrar ke liye
be-sāḳhta nigāheñ jo aapas meñ mil ga.iiñ
kyā muñh par us ne rakh liye āñkheñ churā ke haath
be-saKHta nigahen jo aapas mein mil gain
kya munh par us ne rakh liye aankhen chura ke hath
-
Share this
- See Ghazal
- Critique
- Comments
- Download