Sher of Meer Hasan
sadā aish daurāñ dikhātā nahīñ
gayā vaqt phir haath aatā nahīñ
sada aish dauran dikhata nahin
gaya waqt phir hath aata nahin
dostī kis se na thī kis se mujhe pyaar na thā
jab bure vaqt pe dekhā to koī yaar na thā
dosti kis se na thi kis se mujhe pyar na tha
jab bure waqt pe dekha to koi yar na tha
āsāñ na samajhiyo tum naḳhvat se paak honā
ik umr kho ke ham ne sīkhā hai ḳhaak honā
aasan na samajhiyo tum naKHwat se pak hona
ek umr kho ke hum ne sikha hai KHak hona
āshnā bevafā nahīñ hotā
bevafā āshnā nahīñ hotā
aashna bewafa nahin hota
bewafa aashna nahin hota
-
Tag : Jumbled words
aur kuchh tohfa na thā jo laate ham tere niyāz
ek do aañsū the āñkhoñ meñ so bhar laa.eñ haiñ ham
aur kuchh tohfa na tha jo late hum tere niyaz
ek do aansu the aankhon mein so bhar laen hain hum
jo koī aave hai nazdīk hī baiThe hai tire
ham kahāñ tak tire pahlū se sarakte jāveñ
whoever comes takes his place here right by your side
how long with this displacement from you shall I abide
jo koi aawe hai nazdik hi baiThe hai tere
hum kahan tak tere pahlu se sarakte jawen
whoever comes takes his place here right by your side
how long with this displacement from you shall I abide
-
Tag : Raqeeb
-
Share this
- Translation
- See Ghazal
- Critique
- Comments
- Download
ġhair ko tum na aañkh bhar dekho
kyā ġhazab karte ho idhar dekho
ghair ko tum na aankh bhar dekho
kya ghazab karte ho idhar dekho
-
Share this
- See Ghazal
- Critique
- Comments
- Download
jān-o-dil haiñ udaas se mere
uTh gayā kaun paas se mere
jaan-o-dil hain udas se mere
uTh gaya kaun pas se mere
-
Share this
- See Ghazal
- Critique
- Comments
- Download
itne aañsū to na the dīda-e-tar ke aage
ab to paanī hī bharā rahtā hai ghar ke aage
itne aansu to na the dida-e-tar ke aage
ab to pani hi bhara rahta hai ghar ke aage
-
Tag : Aansoo
-
Share this
- See Ghazal
- Critique
- Comments
- Download
qismat ne duur aisā hī pheñkā hameñ ki ham
phir jīte-jī pahuñch na sake apne yaar tak
qismat ne dur aisa hi phenka hamein ki hum
phir jite-ji pahunch na sake apne yar tak
-
Share this
- See Ghazal
- Critique
- Comments
- Download
go bhale sab haiñ aur maiñ huuñ burā
kyā bhaloñ meñ burā nahīñ hotā
go bhale sab hain aur main hun bura
kya bhalon mein bura nahin hota
iz.hār-e-ḳhamoshī meñ hai sau tarah kī fariyād
zāhir kā ye parda hai ki maiñ kuchh nahīñ kahtā
izhaar-e-KHamoshi mein hai sau tarah ki fariyaad
zahir ka ye parda hai ki main kuchh nahin kahta
vasl hotā hai jin ko duniyā meñ
yārab aise bhī log hote haiñ
wasl hota hai jin ko duniya mein
yarab aise bhi log hote hain
-
Share this
- See Ghazal
- Critique
- Comments
- Download
kyuuñ in dinoñ 'hasan' tū itnā jhaTak gayā hai
zālim kahīñ tirā dil kyā phir aTak gayā hai
kyun in dinon 'hasan' tu itna jhaTak gaya hai
zalim kahin tera dil kya phir aTak gaya hai
Tuk dekh leñ chaman ko chalo lāla-zār tak
kyā jaane phir ji.eñ na ji.eñ ham bahār tak
Tuk dekh len chaman ko chalo lala-zar tak
kya jaane phir jien na jien hum bahaar tak
-
Tag : Bahaar
-
Share this
- See Ghazal
- Critique
- Comments
- Download
maiñ ne jo kahā mujh pe kyā kyā na sitam guzrā
bolā ki abe terā rote hī janam guzrā
main ne jo kaha mujh pe kya kya na sitam guzra
bola ki abe tera rote hi janam guzra
duniyā hai sambhal ke dil lagānā
yaañ log ajab ajab mileñge
duniya hai sambhal ke dil lagana
yan log ajab ajab milenge
-
Tag : Duniya
-
Share this
- See Ghazal
- Critique
- Comments
- Download
ham ko bhī dushmanī se tire kaam kuchh nahīñ
tujh ko agar hamāre nahīñ pyaar se ġharaz
hum ko bhi dushmani se tere kaam kuchh nahin
tujh ko agar hamare nahin pyar se gharaz
-
Share this
- See Ghazal
- Critique
- Comments
- Download
ishq kā ab martaba pahuñchā muqābil husn ke
ban ga.e but ham bhī āḳhir us sanam kī yaad meñ
ishq ka ab martaba pahuncha muqabil husn ke
ban gae but hum bhi aaKHir us sanam ki yaad mein
sar ko na pheñk apne falak par ġhurūr se
tū ḳhaak se banā hai tirā ghar zamīn hai
sar ko na phenk apne falak par ghurur se
tu KHak se bana hai tera ghar zamin hai
-
Share this
- See Ghazal
- Critique
- Comments
- Download
furqat kī shab meñ aaj kī phir kyā jalāveñge
dil kā diyā thā ek so kal hī jalā diyā
furqat ki shab mein aaj ki phir kya jalawenge
dil ka diya tha ek so kal hi jala diya
tū ḳhafā mujh se ho to ho lekin
maiñ to tujh se ḳhafā nahīñ hotā
tu KHafa mujh se ho to ho lekin
main to tujh se KHafa nahin hota
mat poñchh abrū-e-araq-ālūd haath se
lāzim hai ehtiyāt ki hai āb-dār teġh
mat ponchh abru-e-araq-alud hath se
lazim hai ehtiyat ki hai aab-dar tegh
na ġharaz mujh ko hai kāfir se na dīñ-dār se kaam
roz-o-shab hai mujhe us kākul-e-ḳhamdār se kaam
na gharaz mujh ko hai kafir se na din-dar se kaam
roz-o-shab hai mujhe us kakul-e-KHamdar se kaam
is ko ummīd nahīñ hai kabhī phir basne ke
aur vīrānoñ se is dil kā hai vīrāna judā
is ko ummid nahin hai kabhi phir basne ke
aur viranon se is dil ka hai virana juda
kar ke bismil na tū ne phir dekhā
bas isī ġham meñ jaan dī ham ne
kar ke bismil na tu ne phir dekha
bas isi gham mein jaan di hum ne
lagāyā mohabbat kā jab yaañ shajar
shajar lag gayā aur samar jal gayā
lagaya mohabbat ka jab yan shajar
shajar lag gaya aur samar jal gaya
naujavānī kī diid kar liije
apne mausam kī iid kar liije
naujawani ki did kar lije
apne mausam ki id kar lije
-
Share this
- See Ghazal
- Critique
- Comments
- Download
maiñ to is Dar se kuchh nahīñ kahtā
tū mabādā udaas ho jaave
main to is Dar se kuchh nahin kahta
tu mabaada udas ho jawe
tū rahā dil meñ dil rahā tujh meñ
tis pe terā milāp ho na sakā
tu raha dil mein dil raha tujh mein
tis pe tera milap ho na saka
hai yahī shauq shahādat kā agar dil meñ to ishq
le hī pahuñchegā hameñ bhī tirī shamshīr talak
hai yahi shauq shahadat ka agar dil mein to ishq
le hi pahunchega hamein bhi teri shamshir talak
-
Share this
- See Ghazal
- Critique
- Comments
- Download
bas gayā jab se yaar āñkhoñ meñ
tab se phūlī bahār āñkhoñ meñ
bas gaya jab se yar aankhon mein
tab se phuli bahaar aankhon mein
-
Share this
- See Ghazal
- Critique
- Comments
- Download
maiñ ne paayā na ise shahr meñ na sahrā meñ
tū ne le jā ke mire dil ko kahāñ chhoḌ diyā
main ne paya na ise shahr mein na sahra mein
tu ne le ja ke mere dil ko kahan chhoD diya
jab se judā huā hai vo shoḳh tab se mujh ko
nit aah aah karnā aur zaar zaar ronā
jab se juda hua hai wo shoKH tab se mujh ko
nit aah aah karna aur zar zar rona
dard kartā hai tap-e-ishq kī shiddat se mirā
sar judā siina judā qalb judā shāna judā
dard karta hai tap-e-ishq ki shiddat se mera
sar juda sina juda qalb juda shana juda
mohabbat kā rasta ajab garm thā
qadam jab dharā ḳhaak par jal gayā
mohabbat ka rasta ajab garm tha
qadam jab dhara KHak par jal gaya
guzrī hai raat mujh meñ aur dil meñ turfa sohbat
īdhar to maiñ ne kī aah ūdhar se vo karāhā
guzri hai raat mujh mein aur dil mein turfa sohbat
idhar to main ne ki aah udhar se wo karaha
us shoḳh ke jaane se ajab haal hai merā
jaise koī bhūle hue phirtā hai kuchh apnā
us shoKH ke jaane se ajab haal hai mera
jaise koi bhule hue phirta hai kuchh apna
zulm kab tak kījiyegā is dil-e-nāshād par
ab to is bande pe Tuk kiije karam banda-navāz
zulm kab tak kijiyega is dil-e-nashad par
ab to is bande pe Tuk kije karam banda-nawaz
taaki ibrat kareñ aur ġhair na dekheñ tujh ko
jī meñ aatā hai nikalvā.iye do-chār kī aañkh
taki ibrat karen aur ghair na dekhen tujh ko
ji mein aata hai nikalwaiye do-chaar ki aankh
ḳhvāh ka.aba ho ki but-ḳhāna ġharaz ham se sun
jis taraf dil kī tabī.at ho udhar ko chaliye
KHwah kaba ho ki but-KHana gharaz hum se sun
jis taraf dil ki tabiat ho udhar ko chaliye
kūcha-e-yār hai aur dair hai aur ka.aba hai
dekhiye ishq hameñ aah kidhar lāvegā
kucha-e-yar hai aur dair hai aur kaba hai
dekhiye ishq hamein aah kidhar lawega
aah ta.azīm ko uThtī hai mire siine se
dil pe jab us kī nigāhoñ ke ḳhadañg aate haiñ
aah tazim ko uThti hai mere sine se
dil pe jab us ki nigahon ke KHadang aate hain
-
Tag : Aah
-
Share this
- See Ghazal
- Critique
- Comments
- Download
mat baḳht-e-ḳhufta par mire hañs ai raqīb tū
hogā tire nasīb bhī ye ḳhvāb dekhnā
mat baKHt-e-KHufta par mere hans ai raqib tu
hoga tere nasib bhi ye KHwab dekhna
ek dam bhī milā na ham ko qarār
is dil-e-be-qarār ke hāthoñ
ek dam bhi mila na hum ko qarar
is dil-e-be-qarar ke hathon
-
Share this
- See Ghazal
- Critique
- Comments
- Download
kyuuñ giraftārī ke baa.is muztarib sayyād huuñ
lagte lagte jī qafas meñ bhī mirā lag jā.egā
kyun giraftari ke bais muztarib sayyaad hun
lagte lagte ji qafas mein bhi mera lag jaega
nazar aane se rah gayā az-bas
chhā gayā intizār āñkhoñ meñ
nazar aane se rah gaya az-bas
chha gaya intizar aankhon mein
-
Share this
- See Ghazal
- Critique
- Comments
- Download
kahtā hai tū ki tujh ko paatā nahīñ kabhī ghar
ye jhuuT sach hai dekhūñ aaj apne ghar rahūñgā
kahta hai tu ki tujh ko pata nahin kabhi ghar
ye jhuT sach hai dekhun aaj apne ghar rahunga
aah kyā shikva karūñ maiñ haath se us ke hinā
jab huī mere lahū kī rañg tab dhone lagā
aah kya shikwa karun main hath se us ke hina
jab hui mere lahu ki rang tab dhone laga
bas ab chaupaḌ uThāo aur kuchh bāteñ kareñ sāhab
jo maiñ jiitā to tum jiite jo tum haare to maiñ haarā
bas ab chaupaD uThao aur kuchh baaten karen sahab
jo main jita to tum jite jo tum haare to main haara