faeda aane se aise aa ke pachhtaen hain hum

fā.eda aane se aise aa ke pachhtā.eñ haiñ ham

uTh ga.e jab yaañ ke guzre aah tab aa.eñ haiñ ham

aur kuchh tohfa na thā jo laate ham tere niyāz

ek do aañsū the āñkhoñ meñ so bhar laa.eñ haiñ ham

tarfa hālat hai na vo aatā hai na jaatā hai jī

aur yahāñ be-tāqatī se dil kī ghabrā.eñ haiñ ham

jis taraf jaate vahāñ lagtā nahīñ kyā kījiye

is dil-e-vahshī ke hāthoñ saḳht uktā.eñ haiñ ham

dekhiye ab kyā javāb aave vahāñ se ham-nashīñ

naama to likh kar 'hasan' kā us ko pahuñchā.eñ haiñ ham

faeda aane se aise aa ke pachhtaen hain hum

uTh gae jab yan ke guzre aah tab aaen hain hum

aur kuchh tohfa na tha jo late hum tere niyaz

ek do aansu the aankhon mein so bhar laen hain hum

tarfa haalat hai na wo aata hai na jata hai ji

aur yahan be-taqati se dil ki ghabraen hain hum

jis taraf jate wahan lagta nahin kya kijiye

is dil-e-wahshi ke hathon saKHt uktaen hain hum

dekhiye ab kya jawab aawe wahan se ham-nashin

nama to likh kar 'hasan' ka us ko pahunchaen hain hum