uski jab bazm se hum ho ke ba-tang aate hain

us kī jab bazm se ham ho ke ba-tañg aate haiñ

apne saath aap hī karte hue jang aate haiñ

husn meñ jab ta.iiñ garmī na ho jī deve kaun

sham-e-tasvīr ke kab gird patang aate haiñ

dil ko kis bū-qalamūñ jalve ne hai ḳhuun kiyā

ashk āñkhoñ se jo ye rañg-ba-rañg aate haiñ

aah tā'zīm ko uThtī hai mire siine se

dil pe jab us kī nigāhoñ ke ḳhadañg aate haiñ

shart gar pūchho to hai is meñ bhī qismat varna

'āshiqī karne ke har ek ko Dhang aate haiñ

naḳhl-e-vahshat bhī magar un kā samar rakhtā hai

har taraf se jo ye dīvāroñ pe sañg aate haiñ

hairat-afzā hai 'ajab kūcha-e-dildār 'hasan'

jo vahāñ jaate haiñ is tarf se dañg aate haiñ

us ki jab bazm se hum ho ke ba-tang aate hain

apne sath aap hi karte hue jang aate hain

husn mein jab tain garmi na ho ji dewe kaun

sham-e-taswir ke kab gird patang aate hain

dil ko kis bu-qalamun jalwe ne hai KHun kiya

ashk aankhon se jo ye rang-ba-rang aate hain

aah ta'zim ko uThti hai mere sine se

dil pe jab us ki nigahon ke KHadang aate hain

shart gar puchho to hai is mein bhi qismat warna

'ashiqi karne ke har ek ko Dhang aate hain

naKHl-e-wahshat bhi magar un ka samar rakhta hai

har taraf se jo ye diwaron pe sang aate hain

hairat-afza hai 'ajab kucha-e-dildar 'hasan'

jo wahan jate hain is tarf se dang aate hain