کمر پر اشعار

کمر یار ہے باریکی ث غائب ہر چند

مگر اتنا تو کہوں گا کہ وہ معدوم نہیں

نظر کسی کو وہ موئے کمر نہیں آتا

برنگ تار نظر ہے نظر نہیں آتا

برا کیا ہے باندھو اگر تیغ و خنجر

مگر پہلے اپنی کمر دیکھ لینا

قتل پر بیڑا اٹھا کر تیغ کیا باندھوگے تم

لو خبر اپنی دہن گم ہے کمر ملتی نہیں

یا تنگ نہ کر ناصح ناداں مجھے ایسے

یا چل کے دکھا دے دہن ایسا کمر ایسی

مثل آئینہ ہے اس رشک قمر کا پہلو

صاف ادھر سے نظر آتا ہے ادھر کا پہلو

تمہارے لوگ کہتے ہیں کمر ہے

کہاں ہے کس طرح کی ہے کدھر ہے

زلفیں سینہ ناف کمر

ایک ندی میں کتنے بھنور