aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

کمر پر اشعار

کمر کلاسیکی شاعری میں

ایک دلچسپ موضوع ہے ۔ شاعری کے اس حصے کو پڑھ کر آپ شاعروں کے تخیل کی داد دئیے بغیر نہیں رہ سکیں گے ۔ معشوق کی کمر کی خوبصورتی ، باریکی یا یہ کہا جائے کہ اس کی معدومی کو شاعروں نے حیرت انگیز طریقوں سے برتا ہے ۔ ہم اس موضوع پر کچھ اچھے اشعار کا انتخاب پیش کر رہے ہیں آپ اسے پڑھئے اور عام کیجئے ۔

زلفیں سینہ ناف کمر

ایک ندی میں کتنے بھنور

جاں نثار اختر

تمہارے لوگ کہتے ہیں کمر ہے

کہاں ہے کس طرح کی ہے کدھر ہے

آبرو شاہ مبارک

مثل آئینہ ہے اس رشک قمر کا پہلو

صاف ادھر سے نظر آتا ہے ادھر کا پہلو

میر خلیق

کمر یار ہے باریکی ث غائب ہر چند

مگر اتنا تو کہوں گا کہ وہ معدوم نہیں

اکبر الہ آبادی

برا کیا ہے باندھو اگر تیغ و خنجر

مگر پہلے اپنی کمر دیکھ لینا

جلیل مانک پوری

قتل پر بیڑا اٹھا کر تیغ کیا باندھوگے تم

لو خبر اپنی دہن گم ہے کمر ملتی نہیں

امداد علی بحر

یا تنگ نہ کر ناصح ناداں مجھے ایسے

یا چل کے دکھا دے دہن ایسا کمر ایسی

شتاب رائے برہمن

نظر کسی کو وہ موئے کمر نہیں آتا

برنگ تار نظر ہے نظر نہیں آتا

میر کلو عرش

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
بولیے