بس ایک شام کا ہر شام انتظار رہا

مگر وہ شام کسی شام بھی نہیں آئی

اس نے پوچھا تھا کیا حال ہے

اور میں سوچتا رہ گیا

یہ اداسی کا سبب پوچھنے والے اجملؔ

کیا کریں گے جو اداسی کا سبب بتلایا

میں نے اے دل تجھے سینے سے لگایا ہوا ہے

اور تو ہے کہ مری جان کو آیا ہوا ہے

کسی کے ہجر میں جینا محال ہو گیا ہے

کسے بتائیں ہمارا جو حال ہو گیا ہے

زندگی ہم سے چاہتی کیا ہے

چاہتی کیا ہے زندگی ہم سے

بتاؤ تم سے کہاں رابطہ کیا جائے

کبھی جو تم سے ضرورت ہو بات کرنے کی

یہ جو ہم کھوئے کھوئے رہتے ہیں

اس میں کچھ دخل ہے تمہارا بھی

رہ گیا دل میں اک درد سا

دل میں اک درد سا رہ گیا

کچھ کہنا چاہتے تھے کہ خاموش ہو گئے

دستار یاد آ گئی سر یاد آ گیا

اجملؔ سراج ہم اسے بھول ہوئے تو ہیں

کیا جانے کیا کریں گے اگر یاد آ گیا

لوگ جیتے ہیں کس طرح اجملؔ

ہم سے ہوتا نہیں گزارا بھی

کون آتا ہے اس خرابے میں

اس خرابے میں کون آتا ہے

ٹھہر گیا ہے دل کا جانا

دل کا جانا ٹھہر گیا ہے

اب آپ خود ہی بتائیں یہ زندگی کیا ہے

کرم بھی اس نے کئے ہیں مگر ستم جیسے

غم سبھی دل سے رخصت ہوئے

درد بے انتہا رہ گیا

بدل جائیں گے یہ دن رات اجملؔ

کوئی نا مہرباں کب تک رہے گا

یہ بھی طے ہے کہ جو بوئیں گے وہ کاٹیں گے یہاں

اور یہ بھی کہ جو کھوئیں گے وہی پائیں گے

مری مثال تو ایسی ہے جیسے خواب کوئی

مرا وجود سمجھ لیجئے عدم جیسے

کیا کہے گا کبھی ملنے بھی اگر آئے گا وہ

اب وفاداری کی قسمیں تو نہیں کھائے گا وہ

سب کے ہوتے ہوئے اک روز وہ تنہا ہوگا

پھر وہ ڈھونڈے گا ہمیں اور نہیں پائے گا وہ

دکھا دوں گا تماشا دی اگر فرصت زمانے نے

تماشائے فراواں کو فراواں کر کے چھوڑوں گا