بجلی پر اشعار

ادھر فلک کو ہے ضد بجلیاں گرانے کی

ادھر ہمیں بھی ہے دھن آشیاں بنانے کی

بجلی چمکی تو ابر رویا

یاد آ گئی کیا ہنسی کسی کی

ڈرتا ہوں آسمان سے بجلی نہ گر پڑے

صیاد کی نگاہ سوئے آشیاں نہیں

اب بجلیوں کا خوف بھی دل سے نکل گیا

خود میرا آشیاں مری آہوں سے جل گیا

فریب روشنی میں آنے والو میں نہ کہتا تھا

کہ بجلی آشیانے کی نگہباں ہو نہیں سکتی

ممکن نہیں چمن میں دونوں کی ضد ہو پوری

یا بجلیاں رہیں گی یا آشیاں رہے گا

اٹھا جو ابر دل کی امنگیں چمک اٹھیں

لہرائیں بجلیاں تو میں لہرا کے پی گیا

تڑپ جاتا ہوں جب بجلی چمکتی دیکھ لیتا ہوں

کہ اس سے ملتا جلتا سا کسی کا مسکرانا ہے

لہو سے میں نے لکھا تھا جو کچھ دیوار زنداں پر

وہ بجلی بن کے چمکا دامن صبح گلستاں پر

یہ ابر ہے یا فیل سیہ مست ہے ساقی

بجلی کے جو ہے پاؤں میں زنجیر ہوا پر

ضبط نالہ سے آج کام لیا

گرتی بجلی کو میں نے تھام لیا

قفس کی تیلیوں میں جانے کیا ترکیب رکھی ہے

کہ ہر بجلی قریب آشیاں معلوم ہوتی ہے

برق نے میرا نشیمن نہ جلایا ہو کہیں

صحن‌ گلشن میں اجالا ہے خدا خیر کرے

بجلی گرے گی صحن چمن میں کہاں کہاں

کس شاخ گلستاں پہ مرا آشیاں نہیں

قفس سے آشیاں تبدیل کرنا بات ہی کیا تھی

ہمیں دیکھو کہ ہم نے بجلیوں سے آشیاں بدلا