Sher on Aasraa

dīvār-e-ḳhastagī huuñ mujhe haath mat lagā

maiñ gir paḌūñgā dekh mujhe aasrā na de

diwar-e-KHastagi hun mujhe hath mat laga

main gir paDunga dekh mujhe aasra na de

aasrā de ke mere ashk na chhīn

yahī le de ke bachā hai mujh meñ

aasra de ke mere ashk na chhin

yahi le de ke bacha hai mujh mein

ik terā aasrā hai faqat ai ḳhayāl-e-dost

sab bujh ga.e charāġh shab-e-intizār meñ

ek tera aasra hai faqat ai KHayal-e-dost

sab bujh gae charagh shab-e-intizar mein

kuchh kah do jhuuT hī ki tavaqqo bañdhī rahe

toḌo na aasrā dil-e-ummīd-vār kā

kuchh kah do jhuT hi ki tawaqqo bandhi rahe

toDo na aasra dil-e-ummid-war ka

bhale hī chhāñv na de aasrā to detā hai

ye aarzū kā shajar hai ḳhizāñ-rasīda sahī

bhale hi chhanw na de aasra to deta hai

ye aarzu ka shajar hai KHizan-rasida sahi

ḳhush-gumāñ har aasrā be-āsrā sābit huā

zindagī tujh se ta.alluq khokhlā sābit huā

KHush-guman har aasra be-asra sabit hua

zindagi tujh se talluq khokhla sabit hua