jaane vaale ko kahāñ rok sakā hai koī

tum chale ho to koī rokne vaalā bhī nahīñ

jaane wale ko kahan rok saka hai koi

tum chale ho to koi rokne wala bhi nahin

dīvār-e-ḳhastagī huuñ mujhe haath mat lagā

maiñ gir paḌūñgā dekh mujhe aasrā na de

diwar-e-KHastagi hun mujhe hath mat laga

main gir paDunga dekh mujhe aasra na de

kise kaheñ ki rifāqat kā daaġh hai dil par

bichhaḌne vaalā to khul kar kabhī milā hī na thā

kise kahen ki rifaqat ka dagh hai dil par

bichhaDne wala to khul kar kabhi mila hi na tha

ḳhafā na ho ki tirā husn hī kuchh aisā thā

maiñ tujh se pyaar na kartā to aur kyā kartā

KHafa na ho ki tera husn hi kuchh aisa tha

main tujh se pyar na karta to aur kya karta

jise darpesh judā.ī ho use kyā ma.alūm

kaun sī baat ko kis tarah bayāñ honā hai

jise darpesh judai ho use kya malum

kaun si baat ko kis tarah bayan hona hai