māyūs diloñ ko ab chheḌo bhī to kyā hāsil

TuuTe hue paimāne fariyād nahīñ karte

mayus dilon ko ab chheDo bhi to kya hasil

TuTe hue paimane fariyaad nahin karte

fazā kā tañg honā fitrat-e-āzād se pūchho

par-e-parvāz hī kyā jo qafas ko āshiyāñ samjhe

faza ka tang hona fitrat-e-azad se puchho

par-e-parwaz hi kya jo qafas ko aashiyan samjhe

dil hai mirā rañgīnī-e-āġhāz pe maa.il

nazroñ meñ abhī jaam hai anjām nahīñ hai

dil hai mera rangini-e-aghaz pe mail

nazron mein abhi jam hai anjam nahin hai

ik terā aasrā hai faqat ai ḳhayāl-e-dost

sab bujh ga.e charāġh shab-e-intizār meñ

ek tera aasra hai faqat ai KHayal-e-dost

sab bujh gae charagh shab-e-intizar mein

saaqī ne nigāhoñ se pilā dī hai ġhazab kī

rindān-e-azal dekhiye kab hosh meñ aa.eñ

saqi ne nigahon se pila di hai ghazab ki

rindan-e-azal dekhiye kab hosh mein aaen